الموضوع: يا أنا يا الراسنج بايك بقى , عاوز اتعلم اسوق الشيء ده

المشاركة الأصلية كتبت بواسطة أحمد كمال

انا سقطت في امتحان الرخصة العملي النهاردة ..... مع ان رجلي ما نزلتش عالارض !!!!!!

معلش يا كبير كلنا لها . خيرها في غيرها يا ابو حميد هوه تلاقيه استخسرك تبقي بتاع دلفري بس
انتم السابقون ونحن الاحقون

المشاركة الأصلية كتبت بواسطة أحمد كمال

فكست ...... و الراجل بيحاول في اي محاولات ان نخلصها تاني من غير ما استنى 90 يوم ...... ستر ربنا اني ما دفعتلوش و لا مليم و صممت اني اخد الرخصة في ايدي الاول !!!

ده الصح والعرف المتبع مع كل الناس تاخد فلوسك ورخصتي في ايدي سلم واستلم
ان شاء الله يعملهالك من غير ما تستني ال 90 يوم يا حبي
ولو هتستني :) يبقي طارد

المشاركة الأصلية كتبت بواسطة otefa

لأ حقيقي هو فيه طفل مالفتش نظره العجل والموتوسيكلات واتمني يسوق واحد........بس معظم الأهل بيشكلوا ضغط غير عادي لمنعه من الموتسيكلات ولو وصلت انه يكرهوه فيها.......لما بتيجي الفرصة ومكنش وصل لدرجة الكره مابيترددش انه يشبع الهواية الي كان طول عمره نفسه فيها بس الظروف كانت مانعاه.......والموضوع فعلا ليه متعة تانية.......عايزين نقعك يادكتور محمود تنضم للجروب بقي.

انا عمري محبيت الريس لحد اما خدت لفه كان منظره حلو بس صحابي كتير عملوا بيه حوادث وكنت عارف ان اخرته وحشه معايا
بس اول لفه والدنيا بقت بمبي . كنت نازل بطوح والله وبضحك زي اللي شارب حاجه اصفره
ووالله كان بيترمي ادامي بي 3000 و4000 وياباني ارفراج وانا اقول لاء عربيه حاجه تانيه
دلوقتي الاسعار دي اختفت . تقريبا اول ما قررت اركب
وبعدين احنا الريس عندنا كان مرتبط بالحوادث دلوقتي في ثقافه في الموضوع ده وخبره وتبادل خبرات ومعلومات ودروس قياده علي النت تتعلم بيها حاجات كتير كل المهارات فاضل شويه حاجات بسيطه يعني
طرق توكيلات خدمات وان اما واحد يشوفك مايقولكش هتوحشني طبعا

المشاركة الأصلية كتبت بواسطة أحمد كمال

انا سقطت في امتحان الرخصة العملي النهاردة ..... مع ان رجلي ما نزلتش عالارض !!!!!!

معلش حاول تاني
ولو في واسطه تمشي كل حاجه

انا اخدت الرخصه في ثواني

يادوب بشغل البايك وبحط غيار هههههههههه واللهي سمعت كلمة مبروووووووووك ياباشا نجحت
تعالى عشان تتصور شايف ازاي اختها بتعبي ههههههه شغلت البايك d:
وحطيت على الاول عشان محدش يقول كوسا
وممتحنتش اشارات كمان وكان ممكن اخدها وانا قاعد في البيت بس لو الواحد متعبش
في الحاجه مش بيحس بطعمها d:

بس ازاي صقت؟ ممكن مكنتش لابس خوذه

المشاركة الأصلية كتبت بواسطة just_Welah

عادي انها طارت من تحتك انت كنت خايف منها وهيا كانت ماطور عالي . دي بدايه تعارف بس
وبعدين انت لفيت الهاندل زي ما تكون بتعصره والحاجه دي عايزه تعود بالراحه يعني زي البنزين في العربيه لو دوست وسبت دبرياج هتفرك بس الفرق انك في العربيه جواه و في الموتوسكل ... في الهواء الطلف

ماشي هو حلو انه ماشي 5000 كم
بس يا ريت لو نعرف الموديل ايه عشان سعه الماتور حاجه ينفع تتعلم عليها بتهورك ده ولا عايز حاجه اقل
وبعدين الريس بيبقي زيرو تمشي من غير زيت تحرق الماتور . كله بيقولك جيب حاجه صغيره ليه عشان انت كده كده وانت بتتعلم تمشي لازم تبوظ حاجه
لو مكنه عاليه فوق ال600 يبقي حاجتها عاليه برده

بس لو انت مرتاح وعندك استعداد حتي لو المكنه 1000 تتعلم عليها يبقي اتكل علي الله
اهم حاجه متخافش متطلعش وانت خايف او قلقان حتي لو فضلت المكنه دايره ساعه وانت قاعد عليها

2 متتهورش لفات ماتور الريس اسرعه مرتين علي الاقل من اجمد عربيه في بلدنا يعني البنزين واحده واحده

3 اتعلم في حته فاضيه وقبل ما تتعلم ازاي تمشيها اتعلم ازاي توقفها

4 لو هتجيب المكنه دي يبقي شوف حد يركبلك سلايدر عشان لو وقعت الفير مايبوظش

5 لو حد قالك اقعد وراك والبشك . قصدي ويعلمك لاء اطلع لوحدك بس في حته فاضيه

6 مافيش حنكره قبل كام شهر كده

هو يمكن علشان أنا واخد على العربية
هو سوزوكي 1300 cc ومتوحش جدا على كلام صاحبه وبصراحة هو معتني بيه جدا وكمان أساسا لسة جديد ده موديل 2009 وماعتقدش إنه هيستخسر حاجة في البايك بتاعه حتى لو احتاجها من صيانة أو قطع غيار

و طبعا مينفعش افكَّر اركب الشيء ده إلا لما ابقى متمكن جدا وإلا أنا وهو هنروح في الباي باي

لكن والله نصائح ممتازة شكرا ليك عليها وأتمنى إني انفذها على الواقع بالسهولة اللي أنا قرأتها بيها مع إني ماعتقدش الموضوع بالسهولة دي

سؤال سريع كده

السلايدر ده إيه وينفع يركب على أي بايك؟ متقوليش عجلتين في الجنب زي البسكلته بتاع الاطفال أزعل منك قوي

هل تقصد بالحنكرة الشهيصه والبهنسه وركوب ال GF وراية وللا مقصود حاجه تانية

ايه موضوع انفلونزا الموتسيكلات ده
انا عندي الانفلونزا من زمان بس الموضوع مع عيلتي وصل للتهديد بالقتل d:
ربنا يعينكو وتعرفو تقنعوهم

مانا كنت رايح بواسطة (بفلوس يعني .... الواسطة اللي ببلاش اللي عندي اقوى بكتير بس عن طريق ابويا و انا لو قلت لابويا عايز اركب بايك هيـ*&^%$@#) ..... و الراجل كان فاتح صدره أوي و واثق .....

انا ما امتحنتش اشارات برضه بس صمموا امتحن عملي

حاجة تقرف

حاول تأجر فزبه وامتحن بيها بتبقى اسهل في اللف
وكمان الناس اللي بتاخد فلوس ممكن يكونو السبب في سقوتك لان الظابط بيعند فيهم
روح امتحن عادي من غير وسايط وهتنجح ان شاء الله

المشاركة الأصلية كتبت بواسطة evo

هو يمكن علشان أنا واخد على العربية
هو سوزوكي 1300 cc ومتوحش جدا على كلام صاحبه وبصراحة هو معتني بيه جدا وكمان أساسا لسة جديد ده موديل 2009

السلايدر ده إيه وينفع يركب على أي بايك؟ متقوليش عجلتين في الجنب زي البسكلته بتاع الاطفال أزعل منك قوي

هل تقصد بالحنكرة الشهيصه والبهنسه وركوب ال gf وراية وللا مقصود حاجه تانية

كويس انك رديت علي نفسك في الاولانيه لان مكنه 1300 موديل 2009 يبقي انت كده تكتب وصيتك قبل ما تركبها مدام مبتعرفش تسوق ولا حني مكنه علام :)

2 السلايجر جع يا سيدي عباره عن حتيتين معدن ومن بره بلاستيك كده بيتركبو في الشاسيه يبقي خارجين تحت التانك اكبر من عرض المكنه يعني لو المكنه وقعت هما يشيلوها هما والعجل عشان الفير ميتكسرش انما ما فيش ريس بيركبله سندات لو عملوا هقولك طبعا :p


3 لو ال gf ركبت وراك يبقي مش هتبقي اكتر من فريند بعد كده ده لو طلعت من الحادثه لانك لازم مده سواقه عشان تعرف توزن الريس وفي حد معاك عليه لانه لو خاف واتخشب انت مش هتعرف تحود غير بالعافيه واول ما تحود هتحس انها مش عايزه ترجع عدله تاني لانه بيظبط جسمه علي حساب انه ميقعش انما انت بتظبط جسمك علي اساس تعرف تمشي + ان انت عارف انها انسيابيه هي لاء + ان سوري يعني كتلت جسمك وكتلت جسمها وكتلت الريس بتخلي الوقعه اييه :(

قصدي بالحنكره ايه يعني النهارده لفبت الباركينج مرتين حلو طلعت الشارف فاضي مشيتو طمعت وقولت انا بقيت سواق طلعت وسط العربيات واحد اداني كلكس مثلا امت داخل في حيطه من الخضه
بلاش دي اليوم عدي حلو قول ارفع هورس
بلاش دي دخلت ملف بسرعه جامده وقولت هو فلنتينو روسي احسن مني
بلاش دي بقيت بسوق كويس جت كمبي عربيه فيها كام اوزا سخنت جريت وراهم وبقي سبق
حاجات كتير . ورحم الله امرا عرف قدر نفسه .. العمر مش بعزقه يا حبي وكله بالحنيه بيفك متستعجلش كل حاجه بوقتها