السلام عليكم انا لسة سائق جديد على قدى بس الحمد لله انا بسوق مانيول تمام عاوز اعرف الاتوماتيك بتتساق ازاى ممكن الشرح من الالف للياءيعنى مثل اول اما اطلع بالعربية اطلع ادوس على اية واجيب الفتيش على اية وهكذا
عرض للطباعة
السلام عليكم انا لسة سائق جديد على قدى بس الحمد لله انا بسوق مانيول تمام عاوز اعرف الاتوماتيك بتتساق ازاى ممكن الشرح من الالف للياءيعنى مثل اول اما اطلع بالعربية اطلع ادوس على اية واجيب الفتيش على اية وهكذا
أول حاجه..
لما تنقل بين كل غيار و غيار يفضل انك تضغط على الفرامل قبل
أي حاجه..ده
أولا..
من وضع الوقوف....p...تضغط على الفرامل و على الزرار اللي فى الفتيس...وتحرك الفتيس الى ال D و تسيب الفرامل واحد واحده
..لما تحب تغير مثلا و عايز ترجع مرشدير..توقف العربيه تماما..و تضغط على الفرامل..و تضغط على الزرار اللي فى الفتيس..و ترجع لل ...R...بس كده بإختصار و ببساطه..
أهم حاجه نقلاتك لازم تكون عند توقف العربيه بالكامل
طالما بتسوق مانيوال يبقى تعرف تسوق اي حاجة
الموضوع كله هياخد 5 دقايق تتعرف على نقلات الفتيس الاوتو مع اللى هيقعد جنبك ساعتها
الفتيس الاوتو الاساسى بيبقى فيه
P = park ده وضع الوقوف تماما واوعى تحط الفتيس على الوضع ده الا و العربية متوقفة تماااااما وراكنة
R = reverse وده وضع الريفيرس عشان ترجع ورا بس برضه تخلى بالك لو انت ماشى وحبيت ترجع ورا لازم تقف تماما الاول عشان تحافظ على الفتيس وبعدين تعشق على الـ R مع الضغط على الزرار اللى في العصاية
N = neutral وده وضع التموير زي التموير في العادى بالظبط وغالبا مش هتستخدمه كتير
D = drive وضع القيادة للامام وخلى بالك في الوضع ده العربية ممكن تسحب لوحدها من غير ما تدوس على البنزين الا لو دست فرامل
بعد كدة ممكن تلاقى D2 D3 او L1 L2 على حسب العربية و دى بتبقى نقلات زيادة او نقلات لها عزم اعلى للتغريز مثلا او صعود المنحدرات ودى على حسب العربية نفسها
نيجى بقى نفترض انك هتشغل العربية وهتطلع
الفتيس هيكون على P وفيه عربيات كتير مش بتدور الا والفتيس على الP
هتدور وبعدين تدوس فرامل برجلك اليمين عادى وبعدين تحرك العصاية وتنقل لحد ما توصل للـ D
تشيل رجلك من على الفرامل هتلاقى العربية بدأت تتحرك بعد كدة بقى تزود بالبنزين او تهدى بالفرامل وكله برجلك اليمين ورجلك الشمال طبعا هتركنها على الشمال ومالناش دعوة بيها خالص
وانت ماشى حبيت تقف مؤقتا ممكن تمور عشان تحافظ على تيل الفرامل وممكن تفضل على الدى عادى وانت مفرمل
حبيت ترجع ورا هتدوس فرامل لحد ما العربية تقف تماما وتجيب على الار و تشيل رجلك وتبدأ ترجع واحدة واحدة ولو حسيت ان العربية بترجع بسرعة يبقى رجلك على الفرامل لأن طبعا مفيش عندك دبرياج
الف شكر اوى اوى على على الردوود الجميلة ربنا يخليكم لينا
[frame="1 80"]
أنا باسوق من حوالي 13 سنة وعمري ما ركبت أتوماتيك وأول مرة أركبها أتعلمتها في دقائق بس فعلا صدق ألي قال :
الأتوماتيك رفاهية القيادة
المانيوال متعة القياده
[/frame]
خد بالك من رجلك الشمال في الأول لأن أكثر غلطتين بيقع فيها اللي ناقلين من المانيوال للأتوماتيك هو تعود القدم الشمال على الدبرياج وبدل كده بيدوسوا فرامل بالشمال لأن دواسة الفرامل عريضة وممكن تدوس عليها بسهولة لاسيما في المواقف المفاجئة لإن قدمك كانت بتروح تلقائيا على الدبرياج
الأمر التاني هو الإمساك الدائم بعصا الفتيس أيضا على سبيل التعود وده برضه ممكن يؤدي إنك تنقل نقلات ملهاش لازمة وومكن تضر العربية
بالتوفيق لكل خير
شكرا ياجماعه
انت عديت من الصعب الاوتوماتك هو السهل الممتنع بس اهم حاجة اول ما تخش العربية تركن رجلك الشمال خالص و تنساها و تشتغل باليمين على البنزين و الفرامل و زى ما الخوة كلهم قالولك و كمان بس هاتحتاج تاخد حساسية دواسة البنزين و الفرامل شوية