تكييف اللوجان ضعيف جدا

**logan2010** · 14-05-2010 03:55 PM

يا اخوانى يويمن الحر دول كشفولى انه تكييف السياره ضعيف جدا و العربيه قعدت تنتش معايا و التكييف كان بيفصل كل نتشه و التانيه
طبعا انا ما كدبتش خبر روحت وديتها للتوكيل علشان يشوفوها و بعد ما تعبت من الكلام معاهم
طبعا يقولك هيه كده تمام - مفيش نتشه انت بيهيألك - كل اللوجان كده -
المهم راحوا عملوا اعادة شحن للفريون
و يا ريتهم ما عملوه لان التكييف من ساعتها بقا عامل زى تكييفات المياه ترطيب بس و لما قلتلهم الهوا كان اسقع قالو هيا اللوجان تكييفها كده و لو زودنا فريون حترجع تفصل منك تانى
بقا ضعيف جدا مش عارف هل لانه قلل الفريون قوى ولا هيا العربيه دى تكييفها كده
بصراحه الاول كان الهوا طالع ساقع جدا اى نعم كان بيفصل كل شويه خصوصا بالحر الشديد
هوه شحنها بجهاز كده(ديجيتال) بيضبط الفريون المشحون بالكيلو تقريبا و هل كل عربيه ليها كميه من الفريون طيب انا كنت عاوز ازود الشحن شويه و كنت عاوز اعرف بتاخد كام كيلو لانى دورت فى الكتالوج بتاعها ما لقيت و لا بتوع التكييفات بيعرفوها الكميات دى و هل هما قاصدين فى التوكيل يقللوا الشحنه بتاعت الفريون
الان بصراحه هو بطل النتش و الفصل لكن الكفاءة راحت فى داهيه
ايه راى اخوانى فى الموضوع ده وهل فيها مشكله لو وديتها لحد بتاع تكييف يضبطها و لا بلاش تعب و العربيه اخرها كده ؟؟؟؟؟؟؟
يا ريت نصايحكم بقا

**waelgabr** · 14-05-2010 04:43 PM

على فكرة العربية معايا عاملة 1500 كم و التكييف أكثر من رائع في عز الظهر و على أول سرعة واللة العظيم و أنا صادق فيما أقول ( بسقع و بقفله علشان مفيش أقل من واحد ).
إنتا أكيد عندك مشكلة إضغط عليهم يحلوهالك بأي طريقة .

**nab!l** · 14-05-2010 04:47 PM

ايه ده
من النقيض للنقيض

**cheetos_892005** · 14-05-2010 05:26 PM

المشاركة الأصلية كتبت بواسطة nab!l

ايه ده
من النقيض للنقيض

انا بردو التكييف عندي بحمد الله ممتاز
عمري ما عليتو عن 2 لو لوحدي الصبح او 3 لو في ناس ورا
و احيانا 1 لو الشمس خفيفه
روح هزقهم و علي صوتك عشان نخلص من نغمه كل اللوجان كده

**ahmadmidop** · 14-05-2010 05:36 PM

تماااام حضرتك لازم تروحلهم وتزعق وتعمل هيصة ما بيجوش الا كده

**waelgabr** · 14-05-2010 06:00 PM

واللة العظيم ما بكذب يا جماعة , ده مره و احد زميلي من الشغل هو إتم شوية و فاكر نافسه بيفهم في كل حاجة بالذات العربيات لأنه لو باع طويل فيها و ماسك إدارة النقل عندنا , من يوم ماجبتها و هي مش عاجباه خالص و يقولي إنتا رميت فلوسك المهم في يوم ركب معاياه و عايز بقى يطلع عيب فقالي شغل التكييف , قولت بس تعالي بقه و قمت مشغله على واحد ( طبعا بعد اتخاذ إجراءات تشغيل التكييف من تفريغ للهوا السخن ... إلخ )
خمس دقايق وليقيته راح في النوم ( واللة العظيم نام ) و لما وصلنا صحيته لقيت بيقول من نفسه ( لا لا ده تكيفها حلو قوي ) .
فبرجاء روح التوكيل و علي صوتك و بلطج و إعمل كل حاجة إنتا معاك حق .

**logan2010** · 14-05-2010 06:17 PM

طيب هوه فيه مشكله انى اوديها لحد بتاع تكييف يشحن الفريون بتاعها لانه من الواضح انه قصة فريون و الموضوع مش حيكلف كتيير
بس هل كل العربيات بتاخد شحن فريون بنفس الكميه ولا مختلفين علشان حتى اخد لبالى ما يتشخنش زياده يعنى اصلى كتالوجها مش بيقول حاجه
و بعدين بصراحه التوكيل بعيد عليا جدا يعنى محتاج منى سفر وانا كنت بظروفها المره اللى فاتت فى التوكيل فمش حينفع دلوقتى اروح تانى

**waelgabr** · 14-05-2010 06:43 PM

متضيعشي حقك , عربية زيرو و في الضمان تروح بره ليه , يابني فضي نفسك يوم معلش و روح و إذا متعملتش إعمللهم فضيحة في كل حتة , و كمان إفترض إن التكييف نفسه إللى فيه مشكلة هتعمل إيه بقه هتغير بره وبفلوس برده .
و كمان لما واحد بيعمل فيلم في أي حاجة ( بدال على حق ) الناس دي بتتلم و بتظبط نفسها مع الناس الباقية , يعني دي مصلحة عامة و كلنا بنخدم بعض .
عارف قصة المارشيدير و قصة السخنية هي الأمور دي كده .

**bishoy02010** · 14-05-2010 07:05 PM

لالالالا اللوجان مش زى محضرتك بتقول خالص اللوجان تلاجة وموضوع النتش ده فعلا اتحل وكان مشكلة شحن فريون زيادة لكن ممكن يكون هما ققلوه بزياده عدى عليهم مرة كمان الموضوع مبياخدش 10 دقايق متقلقش هيظبطوا الشحن لأنى معتقدش ان فيه مشكله تانى