تكييف النترا 2011 ضعيف جدا

**dandoun** · 26-06-2011 05:00 PM

معايا النترا 2011 بقالها اقل من سنة و لما استلمتها كانت فى اواخر صيف 2010 حسيت ان التكييف ضعيف و كنت متوقع القاه فريزر زى ما سمعت عنه
و عند صيانه ال 1000 قلتلهم على التكيييف و كشفوا و قالولى انه كويس
لما ابتدى الصيف السنة دى ابتديت اشغله فى عز الضهر الاقيه كأنه مروحة لكن لو شغلته بالليل او لما الجو يبقى كويس الاقى التكييف بارد
و المفروض ان الواحد مش ها يشغله اللا فى الحر و انا استغربت اوى لانى قعدت فى عربية فيرنا 2009 و لقيت تكييفها تلاجة !!
انا لسه ما عملتش صيانة ال 5000
ياريت حد يقوللى اعمل ايه مع العلم انى من النوع اللى ممكن يبرد فى عز اغسطس - تخيلوا بقى لما واحد زيي يقول انه بيبقى عرقان و التكييف شغال

**ahmedesmat1987** · 26-06-2011 05:24 PM

انا ركبت 2009 و 2010 وتكيفهم كان تمام والماكس اى سى جبلى برد فى يوم من الايام بس هو فعلا بيحتاج وقت شويه عشان يسقع اكتر من اى عربيه تانيه .. بس فعلا لما بيسقع بيبقى تلاجه.............. المشكله اللى عندك فى التبريد او فى الفريون اكشف على العربيه فى مركز تكيفات محترم وسيبك من التوكيل

**د.محمود صلاح** · 26-06-2011 05:29 PM

فعلا شكلها ناقصة فريون

اعمل اختبار بنفسك

شغل المكيف وانت واقف

ومد ايدك من داخل حوض الموتور على الماسورة اللي داخلة الى الكابينة - الومنيوم - وعسها , لو لقيتها باردة مثل برودة الكانز في ثلاجة السوبرماركيتات يبقى التكييف سليم انما لو لقيتها يا دوب باردة يبقى التكييف ناقص فيريون .