طلب عاااااااااجل .. فلوانس ولا بومه و لا سيتى؟؟

**abdomalek** · 14-05-2010 09:19 PM

السلام عليكم جميعا
ان شاء الله خلال الاسبوع القادم هنزل اتفق و ارتب لشراء اول عربيه ليا باذن الله
من فتره ليست بقصيره و انا متابع للمنتدى باغلب اقسامه و بستدل بيه للمساعده فى اتخاذ قرار الاختيار .. لكنى وصلت لمرحله وجدت نفسى محتاج بالفعل للمشوره .. لذلك لم اتردد فى كتابه الموضوع ده لما لمسته من روح طيبه بين اعضاء المنتدى و عدم تقاعسهم عن مساعده بعضهم البعض

بعد مقارنات عديده توصلت الى مرحله تتطلب الاختيار ما بين:

1-رينو فلوانس .. الفئه اللى ب 125000 (هتكون ب 128000 لو فورى علشان مش هقدر استنى الحجز)
2- لانسر بومه سبورت .. الى ب 127000
3- الهوندا سيتى الهاى لاين .. الى ب 129000

مع الاخذ فى الاعتبار طبيعه العمل اللى بتتطلب السفر باستمرار و طبعا كلكم عارفين الطرق الجميله بتاعتنا اللى مليانه مطبات و حفر فيفضل عربيه تكون عمليه فى النقطه دى .. و مش شاغل دماغى بحكايه اعاده البيع (على الرغم انها عامل مهم فى اختيار العربيه) لانى من النوع اللى لو ارتبط بعربيه مش هغيرها بسهوله طالما هى اصيله معايا

ان شاء الله ان متابع الردود خلال اليومين القادمين و هيكون عليهم عامل كبير فى الاختيار نظرا لثقتى فى كم الخبرات المتواجده فى هذا المنتدى الرائع

**fouady** · 14-05-2010 09:27 PM

انا هقول ل حضرتك اللي دايما بقوله الفلونس احسنهم ك عربية بس وكل حاجة ليها تنزلت فـإنت هتتنزل عن اعدت البيع و قطع غير أغلى من اللنسر مثلا بس فـال مقابل معاك عربية برستيج وامكنيات مرضية جدا وأداء على الطريق السريع حلو جدا ده بالنسبة للفلونس اللانسر مش هتكلم عليها علشان معروف كل حاجة عنها السيتي نفس الكلام باتع الفلونس بس مطور اصغر وعربية اصغر وامكنيات قال بس كده وزي مقولة لا حضرتك لازم هتتنزل عن حاجة فـده ترجع لا حضرتك

**Ralliart** · 14-05-2010 09:36 PM

اكيد احسنهم الفلوانس بس هتتنازل عن قطع الغيار والبيع وعن انك تركب هاي لاين (بتفرق مع ناس)
اللانسر حمالة اسيه ممكن تمشي بيها في اي حته مبتقولش لأ وقطع غيرها موجوده في اي محافظه في مصر باسعار رخيصه (مع ان سعرها مبالغ فيه لقدم الموديل) بس دي احسن عربيه في اعادة البيع في مصر ،فدي ميزه ممكن تعوض فرق التمن لانها بتحتفظ بتمنها جامد
السيتي حلوه بس قطع غيارها مبالغ فيها بالنسبه لعربيه المفروض انها اقتصاديه ،يعني ممكن ادفع فلوس كتير في قطع غيار الفلوانس بس مدفعش في السيتي نظراً لفرق الحجم والموتور والفئه

**M!SHO** · 14-05-2010 09:41 PM

فلوانس
بومه
سيتى

**just_magdy1** · 14-05-2010 09:52 PM

فلوانس لو مش هاتبيع بسرعة وعندك المقدرة لتكلفة صيانتها ... لو لا
هات سيراتو او النترا

**abdomalek** · 14-05-2010 10:07 PM

[overline]اشكركم على سرعه الرد[/overline]

المشاركة الأصلية كتبت بواسطة fouady

انا هقول ل حضرتك اللي دايما بقوله الفلونس احسنهم ك عربية بس وكل حاجة ليها تنزلت فـإنت هتتنزل عن اعدت البيع و قطع غير أغلى من اللنسر مثلا بس فـال مقابل معاك عربية برستيج وامكنيات مرضية جدا وأداء على الطريق السريع حلو جدا ده بالنسبة للفلونس اللانسر مش هتكلم عليها علشان معروف كل حاجة عنها السيتي نفس الكلام باتع الفلونس بس مطور اصغر وعربية اصغر وامكنيات قال بس كده وزي مقولة لا حضرتك لازم هتتنزل عن حاجة فـده ترجع لا حضرتك

المشاركة الأصلية كتبت بواسطة ralliart

اكيد احسنهم الفلوانس بس هتتنازل عن قطع الغيار والبيع وعن انك تركب هاي لاين (بتفرق مع ناس)
اللانسر حمالة اسيه ممكن تمشي بيها في اي حته مبتقولش لأ وقطع غيرها موجوده في اي محافظه في مصر باسعار رخيصه (مع ان سعرها مبالغ فيه لقدم الموديل) بس دي احسن عربيه في اعادة البيع في مصر ،فدي ميزه ممكن تعوض فرق التمن لانها بتحتفظ بتمنها جامد
السيتي حلوه بس قطع غيارها مبالغ فيها بالنسبه لعربيه المفروض انها اقتصاديه ،يعني ممكن ادفع فلوس كتير في قطع غيار الفلوانس بس مدفعش في السيتي نظراً لفرق الحجم والموتور والفئه

المشاركة الأصلية كتبت بواسطة hesham_7amza

فلوانس
بومه
سيتى

اقدر استنبط من ارائكم حتى الان: ان الفلوانس على الرغم انها فئه تفتقد كماليات قد تبدو مهمه لبعض الناس مقارنه بالفئه الاعلى , تظل هى الافضل كاداء و امان و راحه داخل السياره مقارنه بالبومه و السيتى ..

اشكركم مره اخرى .. و ما زلت متابع باهتمام

**M.almaghraby** · 14-05-2010 10:14 PM

انا مستغرب جدا جدا من ردود الناس :)

انا شايف مفيش اي مقارنة بين التلات عربيات

الفلوانس تكتسح يا جماعة

**abdomalek** · 14-05-2010 10:27 PM

شكرا على الرد

المشاركة الأصلية كتبت بواسطة just_magdy1

فلوانس لو مش هاتبيع بسرعة وعندك المقدرة لتكلفة صيانتها ... لو لا
هات سيراتو او النترا

للاسف اختيارى للعربيه محدود بالعربيات الاوروبى و اليابانى فقط (سياسه الشركه اللى شغال فيها) .. الكورى غير مسموح بيه و لذلك الكيا و الهيونداى مستبعدين من دائره الاختيار

بالنسبه لنيه البيع لا اعتقد هتكون قبل 6 سنين اذا شاء الرحمن .. و بالنسبه لتكلفه الصيانه و اسعار قطع الغيار اذا كانت توازى القيمه و الاعتماديه اللى هستفيد بيها من العربيه و زى ما بيقولوا "الغالى تمنه فيه" فممكن اتأقلم مع هذا الفارق فى الاسعار لو تستاهل

اشكرك مره اخرى .. و متابع

**Dr Dido** · 14-05-2010 10:29 PM

انا فى كنت حيرة زى حيرتك كدة بس المقارنة كانت بين اللانسر شارك و الشيفروليه كروز و السيراتو هاى لاين و الكروللا و المازدا 3 2009 و الكارينز و الحمد لله جبت فلوانس اكسبريشان أوتوماتيك (125000) بعد دراسة 4 شهور مستفيضة