الموضوع: العربية بتحدف منى يمين , ممكن يبقى الكوبلن ؟

على فكره السؤال دا

المشاركة الأصلية كتبت بواسطة moe86

السلام عليكم
من فترة عملت حادثة و العربية دخلت فى الرصيف فى العجلة اليمين
غيرت المقص علشان اتكسر و الميكانيكى لقى الكوبلن الخارجى معوج شوية , استعدله فى مخرطة و ملاه شحم و غير الجلدة بتاعته

العربية من بعد التصليح بتحدف يمين حاجة بسيطة , بس بتبان قوى لما أكون جايب أول و أدوس بنزين مرة واحدة, أو على السرعات الكبيرة بعد ال 100

روحت لعفشجى ربط العفشة و قالى العربية 100%
ظبطت زوايا عند أشرفكوا و أنا بغير طقم جنوط و لسة برضو بتحدف
أنا رأيى الكوبلن اليمين ضعيف أو حاجة زى كدة , صح كدة؟
شكرا

غير السؤال دا

المشاركة الأصلية كتبت بواسطة khalidawad

السادة الأعضاء الكرام
معلش انا لسا جديد بمواضيع العربيات ده
ارجو الإفادة
عندى 128 و بها جنوط سبور الومنيوم وليست بتاعة ال128 الاصليه وده شكلها
http://www.2shared.com/photo/lyqnwnm1/pic_189_gif.html
الكوتش الشمال تحس انه مش متوسطن داخل تجويف الكرتيره وراجع ورا شويه حتى إنه بيحك بالرفرف
و عشان انا جديد سواقه كنت اتأخرت في دوس الفرامل قبل مطب صناعى كبير و وقفت فوقه بس حجات كده حصلت ورحت لبتاع ظبط زويا قالى روح لعفشجى يغيرلك المقص الشمال اللى امام السائق و رحت فقالى العفشجى بالمره غير اليمين ايضا وحصل
وظبطت زوايا و بتاع الزويا قال تحتاج تعمل زرجينه قلت ماشى معرفش عمل إيه كده المهم بعد كده هى مازلت بتحدف سنه شمال وكمان لما تكون في ملف جامد يو ترن مثلا مع إننى دايس دبرياج وفاصل حركه بسمع صوت صفاره و أحيانا بلاقى نقط زيت ناحيه الكوتش الشمال ( شمال السائق من جوه العربية )
ملحوظة :
رحت لواحد مشهور بتاع عفشة و ظبط زوايا بالجيزة إسمه حمادة إمام من شارع البحر الأعظم قالى :
لازم أغير الجنوط عشان هتبهدل العفشة و قال ان العجله الشمال عايزه تتقدم 2 سم ولما سألته وده مين يعمله قالى السمكرى و طلب أيضا لما اعمل ده اروح واجيب معايا 4مساعد امام و خلفى و بطاحتهم
و إن شاء الله ان هغير جنوطها للأصليه و هجيب 4فرد 145/55
لأنى لقيت اللى ركبين عندى 165/70
فهل ده مظبوط
افيدونى افادكم الله
وشكرا للردود مسبقا

شكرا يا بشمهندس محمد , موضوع الحدفة دة مغلبنى بس كدة بدأت أعرف السبب

و الميكانيكى لقى الكوبلن الخارجى معوج شوية , استعدله فى مخرطة و ملاه شحم و غير الجلدة بتاعته

العربية من بعد التصليح بتحدف يمين حاجة بسيطة

يعنى قبل كده كانت تمام ومبتحدفش زى عربياتنا اللى لسه مدخلتش فى رصيف كما حدث معك

من فترة عملت حادثة و العربية دخلت فى الرصيف فى العجلة اليمين

لأ طبعا العربية قبل الخبطة كانت ماشية زى المسطرة
أنا شاكك فى الكوبلن من الناحية اليمين بس خايف أغيره و الحدفة تفضل مستمرة
و برضو هاروح للعفشجى تانى أقوله يبوصلى مخصوص على قواعد الموتور و الفتيس
شكرا لإهتمامكوا مهندس سمير ومهندس محمد

ياباشا حتلاقى عمود الكبلن اليمين واخد لوحه خفيفه لورا ساعت ماكنت داخل فى الرصيف وطالع لقدام ببوز العربيه اليمين

ودى ماتبنش إلا على مخرطه

للتأكيد على أستقامة عمود الكبلن

بس الصح تغير كبلن بعموده وتراجع على الزوايا تانى

وحتلاقى العربيه رجعت مسطره
زى ماكانت تماما