الموضوع: عربية ثانية (ليست اساسية) في حدود 100-125 الف حنيه

سؤال في السريع...هنا في مصر مافيش بولو جديد موديل 2010 بس في علي موقع فولكس الالماني
هل في احتمال تنزل مصر بولو 2011 جديدة؟؟؟ اعتقد لو في بولو 2010 هاتكون في حدود 120-130 الف
ممكن الواحد يعرف من المعرض في شهر 6؟ حد عنده فكره؟

أنا أختلف مع أ / كريم عبدالله فالبيجو هى التى تتفوق كقيمه و كسعر و كأسم فتوكل على بركة الله و أشترى البيجو .

المشاركة الأصلية كتبت بواسطة darklights

أنا أختلف مع أ / كريم عبدالله فالبيجو هى التى تتفوق كقيمه و كسعر و كأسم فتوكل على بركة الله و أشترى البيجو .

انا عاجبني شكلها بس مش لاقي اي حد عنده بيجو 207 عشان يقولي تجربته معاها

المشاركة الأصلية كتبت بواسطة john_samy_1

لو حضرتك لسة ماشتريتش الibiza الاوتوماتيك متينة و سواقتها حلوة جرب بص عليه.

انا مش هاشتري دلوقتي...انا هاجيب موديل 2011 اخر السنه دي...هاشوف الابيزا في معرض العربيات بتاع شهر 6

Update

أنا رحت معرض اوتوماك النهاردة و بصراحة تفكيري اتغير خالص بالنسبة لانواع معينة و ظهرت قدامي انواع تانية ماكنتش بافكر فيها

المشاركة الأصلية كتبت بواسطة wael17

كنت عايز اخد رأيكم ..انا ناوي ان شاء الله اجيب بي ام 316 اوتوماتيك و عايز اجيب جنبها عربية تانية صغيرة عشان تريح البي ام و استغل حجمها الصغير في الزحمة و كمان عشان استخدام زوجتي...يعني عربية تانية مش اساسية
و كانت عاجباني الجيتز بس شكلها قديم قوي و غالبا مش هاتنزل 2011...انا ناوي اشتري موديلات 2011 و عشان كده هافترض ان موديلات 2010 هي نفس موديلات 2011
انا صرفت نظر عن الجيتز و كل الكوري و عايز اجيب حاجة اوروبي و ممكن ياباني و ان كنت افضل الاوروبي
السعر اللي اقدر ادفعه في العربية دي 100 -125 الف
انا لسه قدامي وقت كتير افكر و اختياراتي انحصرت في الاتي:

- بيجو 207 110,000 جنيه
اكتر حاجة عاجباني فيها شكلها...فعلا الفئة دي من بيجو تصميماتها في منتهي الجمال و تعكس الذوق الفرنسي..سواء 206 او 207 فعلا شكلهم رائع....ولكن..الحلو مايكملش...سامع شكاوي كتير من التوكيل و عدم توفر قطع الغيار...كان عند ولدي زمان 405 و مرة اتركنت شهر عشان مش عارف يصلحها و التوكيل ماكنش فيه القطع المطلوبة...و كمان مش شايفها كتير في الشارع و دي حاجة تقلق...انا مش من النوع اللي بيفضل راكب العربية لاخر العمر و ان شاء الله ممكن اغيرها في حدود 5 او 6 سنين...و في الحالة دي ممكن ماحتاجش قطع غيار...يعني اول ما تبدأ تفتح بقها هابيعها و بما انها ماركة محترمة يبقي هاتمشي الخمس سنين كويس...رايكم ايه؟
دي حكايتها غريبة قوي...في جناح بيجو لاقيت كل الانواع بما فيها 207 cc و rc لكن مالقيتش 207 عادية و لما سألت عليها قالولي انهم مش بيبيعوا منها كتير...و طبعا كان رد غريب و بعدين اتكلمت شوية مع المندوب و فهمت منه ان ال 207 اعلي فئة فيها 132 الف و ال 308 اقل فئة فيها 138 الف و العربيتين هايقفلوا علي بعد و بالتالي التوكيل مركز علي 308 ...طبعا حاجة تقلق و استحالة طبعا افكر اجيب 207 اذا كان التوكيل نفسه مطنشها..و عرفت كمان ان 207 نازلة من سنتين و انا بصراحة مش باشوفها خالص في الشارع و ده معناه ان التوكيل حارق العربية تماما و بالتالي مفيش قاعدة عملاء لهذا الموديل و اكيد قطع غيارها هاتكون غالية جدا و مش موجودة اصلا مادام التوكيل مركز علي 308 و بس....يعني كده بيجو 207.....باي باي...صرفت نظر تماما
-فيات جراند بونتو 125,000 جنيه
نفس الكلام اللي قلته علي البيجو بس اقل جمالا من وجهة نظري و برده مش منتشرة مش عارف ليه بس يمكن توكيلها و قطع غيارها احسن...ايه رايكم
خلاص نزلت ايفو بديل الجراند..مختلفة في الشكل من قدام....بس اللي ماكنتش واخد بالي منه البرافو...شكلها احلي بكتير و سعر اول فئة فيها 129 الف...بس برده مش عارف ليه العربيات دي مش منتشرة في الشارع...مش فاكر اني شفت برافو قبل كده
-سكودا فابيا 125,000 جنيه
عاجبة زوجتي مش عارف علي ايه...شكلها مش عاجبني خالص مع اني اعشق حاجة اسمها اوكتافيا و كمان الفيليشيا القديمة كانت جميلة لكن الفابيا مش داخلة دماغي خالص بس برده قلت احطها في الاختيارات يمكن الناس تقولي معلومات كويسة عنها تخليني اغير رأيي
شفتها في المعرض و نفس الكلام...شكلها وحش و مافكرتش حتي اشوفها من جوة

- نيسان تيدا هاتشباك 119,000 جنيه
ماعنديش اي معلومات عنها
باشوفها كتير في الشارع وواضح انها عربية محترمة

- دايهاتسو تريوس 116,000 جنيه
دي الوحيدة اللي مش صغيرة و ساعات بقول عربية زي دي تنفع برده في الطرق الوعرة و كمان يعتمد عليها اكتر من العربيات الصغيرة في السفر و بالتالي هاتريح العربية الاساسية اكتر و اهي ياباني برده مش وحشة...ايه رأيكم؟
لا جديد

-رينو ميجان هاتشباك الجديدة 128,000 جنيه
شكلها غريب شوية...بس دايما الرينو تعمل تصميمات ثورية و بعد شوية الناس تاخد عليها و تحس بجمالها

دي بقي كانت اول مرة اشوفها علي الطبيعة...جميلة جدا من بره و من جوة و الفئة التانية و التالتة فيها سمارت كي بس عرفت ان كل الرينو اللي في مصر اخر سنتين تقفيل تركي مش فرنسي...و سبب كده ان العربيات اللي كانت متقفلة في فرنسا حصلت فيها مشاكل بسبب رداءة الطرق و الجو عندنا و بالتالي بقت بتتقفل في تركيا بمواصفات تناسب الشرق الاوسط

-------------------------------------------------------------
العربيات الجديدة اللي ظهرت امامي الاتي:
- فورد فيستا: شكلها جميل و عرفت ان كل الفورد الماني و العربيات الكبيرة و الجيب بس هي اللي امريكاني..سعرها 120 الف...الكماليات العادية مافيهاش حاجة اكسترا
-بولو: سعرها 130 الف و تقفيل اسباني...شكلها مش مريح...قوايم الابواب متغطية كاوتش!!! و شكلها كده فقير...بصراحة ماتستاهلش اكتر من 90 او 100 الف جنيه..و لو تقفيل اسباني مش الماني يبقي نجيب ابيزا احسن

المشاركة الأصلية كتبت بواسطة amrseba

الجراندبونتو بعد كدا البيجو بعد كده الميجان

الجراند اقوهام 120 حصان

البيجو فى الشكل

الفيات منتشره نوعا ما عن البيجو

قطع الغيار الفرنساوى غالى ممكن يكون بقى زى الامانى ياعنى الجراند قطع غيارها ارخص

البيجو عربيه عمليه اكتر من الجراند بونتو وجهه نظر

الفخامه ارشح البيجو

الاختيار الافضل هو الجراند بونتو

لو انت شايف الاختيار الافضل جراند بونتو يبقي البرافو احسن و احسن مش كده ؟