فلتر الهواء الرياضى للكربراتير وصل يارجالة

**ahmedelaraby** · 15-05-2010 10:21 AM

امبارح كنت فى التوفيقية وكنت بشترى فلتر هواء عادى لعربيتى اوبل كربراتير
المهم كنت بسأل الراجل اللى بشترى منه على فلتر الهواء الرياضى لانى الفكرة مسيطرة اوى على دماغى وعايز اركب الفلتر المتداول العادى بتاع الانجيكشن على الكربراتير عن طريق واصلة تركب على العمة او من غير العمة خالص ( مكانها يعنى )
المهم فالراجل بتاع الفلاتر الاستاندرد قاللى معنديش من الفلاتر ديه بس ممكن تلاقيها عند السجان جنبنا ونزلت قولت اخد فكرة حتى عن الاسعار
سألت على الراجل ووصلتله ولقيت عنده انواع كتيره اوى واشكال كتيرة بس للاسف كلها صينى وسألت على الاسعار لقيتها زى ما انا كنت عارف المهم لسة حمشى كدة عينى وقعت على فلتر شكله غريب مش زى الفلاتر العادية يعنى شكله مش مخروطى ولا اسطوانى زى الباقى
فبسأله عليه قاللى ده بتاع الكربراتير قولتله ايه ده هو فيه للكربراتير قاللى اه هو ده
فمسكته كدة لقيت شكله زى الطبق المقلوب بس مش زى الخامات التانية يعنى زى ما يكون ليفة ومتلونة مش ورق مقوى زى التانى
وله فتحة من تحت زى بتاعت العمة بالظبط
وسألتة بيركب ازاى قاللى حضرتك هتشيل العمة وتحطه مكانها وبس
وعلى فكرة سعره قريب للتانى قوى
وبصراحة الفكرة شعشعت فى دماغى وهموت واجيبه كنت عايز اروح ارجع الفلتر اللى انا لسه شاريه واكمل واجيبة وخصوصا انى لقيت الفرق حوالى 20 ج بس
بس معرفش هيطلع صوت بقى زى الانجيكشن ولا لا
وعلى فكرة سألته على الاصلى السيموتا او ال k&n قاللى متخليش حد يضحك عليك ده صينى بس مكتوب عليه الاسم وبس وبتوع الحرفيين هما اللى اخترعوا الحكاية بتاعت الاصلى مفيش اصلى فى السوق كله صينى
وبصراحة اقنعنى لما قال ايه المشكله لما تشترى الصينى ولما يبوز حتى بعد سنة ارميه وتبقى تجيب واحد جديد بدل لما تجيب اللى انتا فاكرة اصلى وهو مش اصلى وتدفع فيه دم قلبك ولما يبوز تزعل علية
بصراحة اقتنعت
يا ريت لو حد جربه يقولنا هيطلع صوت جامد زى الانجيكشن ولا لا

**M_Nabil** · 15-05-2010 11:43 AM

طيب مافيش صور ليه؟ وسعره كان كام؟ وعلى فكرة في فلاتر k&n و سيموتا أصلى هو بيقول كدة بس عشان يبيع الصينى اللى عنده

**M.almaghraby** · 15-05-2010 11:53 AM

مفيش حاجة اسمها كل الي فالسوق صيني....

هوا بيقول كدا فعلا عشان يبيع

و عايزين شكل و صور الفلتر الصيني الكربياتير دا

**ahmedelaraby** · 15-05-2010 12:04 PM

والله معرفتش اخد صور للفلتر بس انا وصفته على قد مقدر
بس فى بعض ملاحظات انا قولتها عليه ان المواد المصنعة غريبة شويه عاملة زى الليفة

**M_Nabil** · 15-05-2010 12:30 PM

المشاركة الأصلية كتبت بواسطة ahmedelaraby

والله معرفتش اخد صور للفلتر بس انا وصفته على قد مقدر
بس فى بعض ملاحظات انا قولتها عليه ان المواد المصنعة غريبة شويه عاملة زى الليفة

ليفة! طيب ما قلتش سعره كام؟
ليكون قصدك على الـ mushroom air filter ودى صورته

**ahmedelaraby** · 15-05-2010 01:10 PM

المشاركة الأصلية كتبت بواسطة m_nabil

ليفة! طيب ما قلتش سعره كام؟
ليكون قصدك على الـ mushroom air filter ودى صورته

هو ده يا معلم الله ينور عليك الراجل قاللى ده بتاع الكربراتير

**M.almaghraby** · 15-05-2010 01:15 PM

لا مش بتاع الكاربياتير

بس ممكن يركب

**ahmedelaraby** · 15-05-2010 01:21 PM

هيركب وزى الفل كفاية انك هتريح دماغك من انك تعمل وصلات ويتاع وتطلع منفسة فى حتة كدة ولا كدة
بس السؤال بقى هل هيطلع صوت زى الانجيكشن
على اعتبار انة بتاع الانجيكشن زى ماشفت فى الصورة
يا ترى هيعمل صوت عالى ولا لا