تركيب سوست Eibach على مازدا 3 الى الخبراء

**verynuclear** · 24-05-2010 08:55 AM

السلام عليكم ورحمة الله وبركاتة

ان شاء الله انا فى طريقى الى تركيب سوست Eibach على سيارة مازدا 3 2007 وطبعا مش هغير مساعدين.
هناك نوعين من السوست

الأول Springs_Pro-Kit

النوع الثانى Springs_Sport

طبعا سأقوم بشرائهم من على الانترنت لأنى موجود بأبو ظبى ولا يوجد احد يبيع هذه القطعه لذلك سأشتريها من الموقع.

السؤال المهم هنا هل اقوم بشراء هذه السوست فقط واقوم بتركيبها عادى او يجب ان اشترى شيء اخر اضافى مثل الذى فى الصور؟

طبعا انا غير خبير فى هذه العمليه ولا اعرف اسماء القطع المشار اليها اعلى لكن على ما اعتقد الصوره الاولى هى لمسمار الميزان والصورة الثانيه هى للطيش.

بعض الناس قالو لازم تشترى مسامير الميزان مع السوست
والبعض الاخر قال لا مش لازم سوست تكفى .

انما الموقع قال انه بعد تركيب السوست تبدأ احدابيات الاطار فى ان تصبح سلبيه بشكل متزايد مما يعني الجزء العلوي من الإطار الداخلي يمتد نحو المركز مما يؤثر على الالتصاق بالطريق.
كلام صعب شوية

يعنى من الاخر كده ياشباب انا ناوى اعمل طلب على الانترنت ما الذى تنصحونى به؟

1-اركب سوست بس من غير شيء؟
2-اركب سوست واجيب معاهم شيء من المذكور أعلى؟

أما بخصوص الموقع اللى ناوى استرى منه فهذا هو اتمنى ان الشباب تستفيد منه... بجد موقع تحفه
Auto & truck performance parts & aftermarket car parts from HorsepowerFreaks

انا بصراحه مش عايز يحصل مشاكل بالسيارة.
شكرا لكم مشاركتكم معى ومنتظر منكم النصيحه.

**Evo** · 24-05-2010 09:18 AM

هات السوست والجلب البولي ايثلين وسترت بار قدام و ورا والاخير هتلاقيه عندك مش محتاج أوردر

ونصيحة فكك من hpf الشحن عندهم غالي كييك بالاضافة إن مزاج عندهم يزودوا السعر 10% عن برة مش عارف ليه !
هم السيرفيس عندهم ممتازة أنا اتعملت معاهم قبل كده بس سبتهم علشان كانوا بيحاسبوني على الشحن الضعف تقريبا !

**verynuclear** · 24-05-2010 09:32 AM

المشاركة الأصلية كتبت بواسطة evo

هات السوست والجلب البولي ايثلين وسترت بار قدام و ورا والاخير هتلاقيه عندك مش محتاج أوردر

ونصيحة فكك من hpf الشحن عندهم غالي كييك بالاضافة إن مزاج عندهم يزودوا السعر 10% عن برة مش عارف ليه !
هم السيرفيس عندهم ممتازة أنا اتعملت معاهم قبل كده بس سبتهم علشان كانوا بيحاسبوني على الشحن الضعف تقريبا !

شكرا لردك السريع بس ايه هو الـ الجلب بولى اثيلين؟ هل هى لازمه يعنى
ممكن بعد اذنك توضحلى اكتر حتى الستارت بار ده هل ليه اسم تانى شائع

**Evo** · 24-05-2010 10:56 AM

هو كيت كامل من الجلب بيتركب مكان الجلب بتاع المصنع المطاط '' عموما بتكون في المقصات واجزاءتانية من العفشة '' تمنه مش هيعدي 50 دولار

السترت بار هو الشداد اللي بيركب بين المساعدين قدام وورا وفي بيركب في أماكن تانية كتير لكن بالنسبة ليك دول كفاية .

**verynuclear** · 24-05-2010 11:19 AM

المشاركة الأصلية كتبت بواسطة evo

هو كيت كامل من الجلب بيتركب مكان الجلب بتاع المصنع المطاط '' عموما بتكون في المقصات واجزاءتانية من العفشة '' تمنه مش هيعدي 50 دولار

السترت بار هو الشداد اللي بيركب بين المساعدين قدام وورا وفي بيركب في أماكن تانية كتير لكن بالنسبة ليك دول كفاية .

الف مليوووون شكر ليك يا جميل كده فعلا وضحت الصورة هشوف موضوع الجلب ده بس تبقى عملت معايا واجب لو قلتلى اسمهم ايه بالانجليش عشان البحث

**ahmedtunning** · 27-05-2010 06:27 PM

انا في راي لو هاتجيب سوست تجيب جميع اجزئها عشان شغل التلصيم ده ساعات بيمشي و ساعات لا فا خلي بالك و انت بتكلم في حاجة كبيرة مش صغيرة و ربنا يوافقك ان شاء الله

**verynuclear** · 27-05-2010 11:02 PM

المشاركة الأصلية كتبت بواسطة ahmedtunning

انا في راي لو هاتجيب سوست تجيب جميع اجزئها عشان شغل التلصيم ده ساعات بيمشي و ساعات لا فا خلي بالك و انت بتكلم في حاجة كبيرة مش صغيرة و ربنا يوافقك ان شاء الله

شكرا اخى الكريم مداخلتك
والله انا خلاص طلبت السوست ولما تيجى هركبها واشوف لو كانت مش تمام بجيب مساعدين كونى بسس طبعا الجنط هغيره هو 17 بس الاوفست 40 وانا ناوى اجيب واحد الاوفست بتاعه 45 والعرض 7.5