مركز صيانة السبع احسن من غيرو بكتييييييييييييير

**karaktar** · 15-05-2010 11:12 AM

كنت امبارح حاجز صيانة 20000 ك للتيدا طبعاً المهم روحت على الساعه 9.30 تقريباً موظف الاستقبال الاستاذ محمود استلم منى العربيه وطبعاً قولتله على بعض الملاحظات ومنها التكييف كان ضعيف شويه وبسمع صوت طقه فى العجله اليمين الاماميه وكمان كرسى السائق عايز بتربط المهم قاللى بإذن الله هاتستلم العربيه على الساعه 12 او 12.30 مشفارقه معايا بقه يوم جمعه ومش ورايا حاجه كان الحاجات اللى مفروض تتغير فى الصيانه الزيت والفلتر وفلتر الهوا
سألتو ايه العروض بتاعتكو اليومين دول فى الخصومات قاللى 20% على مصاريف المصنعيه و 10% على قطع الغيار طيب ده شئ جميل قولتله طيب خد بأه كرت الخصم الدورى ده بالمره عشان تخصملى ال 50 قاللى لأ ماينفعش يانخصملك تبع العرض او نخصملك الكرت الحقيقه انا اتصدمت المهم كان خصم العرض اعلى فاخترته المهم العربيه دخلت و قعدت تقريباً ساعه على اما ابتدو يشتغلو فيها قلت يمكن عشان يوم جمعه العمال قليلين وكمان كان فى كام عربيه قبلى وكانو مش مشغلين كل مكن الكوريك جه دور العربيه غير الزيت والفلاتر وربط العفشه والكرسى وتمام التمام طلع مهندس وجرب العربيه وكلو فى اللذيذ وطبعاً غسلو العربيه وخلصو على الساعه 12( انصح كل اللى يروح يعمل صيانه يختار يوم مافهوش ظغط عشان من الطبيعى انك لو روحت فى يوم زحمه غصب عنهم الاهتمام هايكون اقل )
ميزة يوم الجمعه ان الصنيعى بيشتغل بروقان ودماغ عاليه وكل اللى انت عايزه بيتعمل لإن يدوب العربيات اللى بتخش خصوصاً قبل صلاة الجمعه بتتعد على الصوابع )

**aiman0173** · 15-05-2010 11:28 AM

إحنا مش عايزين يكون أحسن من غيرره بمبدأ أحسن الوحشين ، إحنا بنروح التوكيل وبندفع فلوس أكتر علشان ناخد خدمة مميزة سواء يوم جمعة أو أي يوم تاني ، فوجهة نظري إن احنا منسكتش على أي حاجة غلط بتحصل حتى لو كانت صغيرة لأن الصغير بعد كده بيكبر فبالتالي لما نوجه نظرهم لأي غلط وإن احنا واخدين بالنا منه أكيد هيحسنوا خدمتهم خاصة وانهم عندهم منافسة من المراكز الآخرى ، وزي ما قلت قبل كده إن احنا المستفيدين في المقام الأول لما تكون الخدمة كويسة .

بس كنت عايز أسألك هل أخذت بالك وهم بيغيروا الزيت إنهم فتحوا لك علب جديدة ولا لأ لأن معظم الناس للأسف مابيخدوش بالهم من الحتة دي مع إن كلهم بيبقوا شايفين اللي بيحصل ودا أكبر غلط وبصراحة أنا لما علقت على النقطة دي المهندس معتز مدير الصيانة عرض على تغيير الزيت على حسابهم لأن من حقي إن الزيت ينفتح لي مخصوص ووعد إن دا مش هيحصل تاني فكنت عايز أتأكد هل فعلا الزيت كان من فئة 1 ليتر أم من فئة 4 ليتر بس فتحوا واحد جديد.

في نقطة تانيه كنت عايز أعلق عليها إنت كان المفروض تتمسك بحقك في إنك تاخد الخصم والكوبون النقدي لأن الخصم دا متقدم من شركة نيسان في كل مراكز الخدمة مش بس من السبع ، لكن الكوبون إنت واخدوا من السبع علشان تشتري العربيه وتصينها عندهم فأنا شايف إن دا حقك خاصة وان دفتر الكوبونات مفهوش ملحوظه على ما أتذكر إنه لا يسري مع أي عروض آخرى

يا جماعة لازم نتمسك بحقوقنا ونقول على كل ملاحظاتنا حتى لو كانت صغيرة وسواء متعلقة بخدمة السيارة أو أي حاجة تانية ، يعني أنا بصراحة لما قلت على ملاحظاتي بعد الخدمة كان من ضمنها إن المصلي مفهوش تهوية والناس وعدوا إنهم هيتلافوا النقطة دي

**mohamedhamam** · 15-05-2010 02:06 PM

عندك حق لازم نكون إيجابيين و نتكلم و نشتكى علشان الأمور تتحسن للأحسن و بالفعل مشكلة عدم الأمانة حاجة تنقط بخاصة أننا بندفع المبالغ المطلوبة كاملة بدون أى فصال و بالتالى المنطقى يقابل هذا أمانة مهنية فى عمايات الصيانة و إحترام لكل العملاء

**karaktar** · 15-05-2010 02:20 PM

يجماعه كلامكم مظبوط 100% وبإذن الله المرات القادمه ليا طريقة تعامل معاهم تانيه خالص وهابتدى افوقلهم بأه ومشهاسيبلهم اى حاجه بصراحه موضوع الكوبون ده غايظنى اوى معلش تتعوض بإذن الله

**aiman0173** · 15-05-2010 02:42 PM

المشاركة الأصلية كتبت بواسطة karaktar

يجماعه كلامكم مظبوط 100% وبإذن الله المرات القادمه ليا طريقة تعامل معاهم تانيه خالص وهابتدى افوقلهم بأه ومشهاسيبلهم اى حاجه بصراحه موضوع الكوبون ده غايظنى اوى معلش تتعوض بإذن الله

زي ما قلت لحضرتك قبل كدة المشكلة إن احنا بنتنازل عن حقنا شوية بشوية وبعد كدة هم بيصدقوا نفسهم ويفتكروا إن هم اللي صح ، ومعلش مفيش حاجة اسمها المرة اللي جاية وهو احنا كل حاجة نقول المرة اللي جاية والمرة اللي جاية هنكون نسينا أو مش فاضيين أو.....

أنا رأي ترسل رسالة بجميع ملاحظاتك ومن ضمنها موضوع الكوبون على الرقم 0199919105 واتمسك بحقك لأن الخصم الحالي من عند نيسان مش من عندهم وإن الكوبونات دي حاجة تانية لأنها تعتبر من ثمن العربية وأكيد كانوا حسبينها ضمن تكلفتهم عند الشراء ليه بقى يضيعوها علينا

يا جماعة مش عايزين نتنازل عن حقوقنا واللي عنده مشكلة يقولهلهم وان محلوهاش يجي ويقول في المنتدى هنا ولازم كلنا نقف مع صاحب المشكلة لحد لما تتحل إحنا عددنا مش قليل ، وبعدين هما واخدين حقهم وأكثر وحتى لما الأستاذ أحمد مصطفى حاول يجيب منهم خصومات رفضوا (سواء رفضوا بذوق ولا لأ) المهم إنهم رفضوا يبقى احنا ليه نسكت على حقوقنا مش كفاية سكتين على حاجات كتير كمان هنسكت على الأهمال في العربيات اللي دافعين فيها دم قلبنا

مش كدة ولا إيه

**karaktar** · 15-05-2010 04:09 PM

المشاركة الأصلية كتبت بواسطة aiman0173

زي ما قلت لحضرتك قبل كدة المشكلة إن احنا بنتنازل عن حقنا شوية بشوية وبعد كدة هم بيصدقوا نفسهم ويفتكروا إن هم اللي صح ، ومعلش مفيش حاجة اسمها المرة اللي جاية وهو احنا كل حاجة نقول المرة اللي جاية والمرة اللي جاية هنكون نسينا أو مش فاضيين أو.....

أنا رأي ترسل رسالة بجميع ملاحظاتك ومن ضمنها موضوع الكوبون على الرقم 0199919105 واتمسك بحقك لأن الخصم الحالي من عند نيسان مش من عندهم وإن الكوبونات دي حاجة تانية لأنها تعتبر من ثمن العربية وأكيد كانوا حسبينها ضمن تكلفتهم عند الشراء ليه بقى يضيعوها علينا

يا جماعة مش عايزين نتنازل عن حقوقنا واللي عنده مشكلة يقولهلهم وان محلوهاش يجي ويقول في المنتدى هنا ولازم كلنا نقف مع صاحب المشكلة لحد لما تتحل إحنا عددنا مش قليل ، وبعدين هما واخدين حقهم وأكثر وحتى لما الأستاذ أحمد مصطفى حاول يجيب منهم خصومات رفضوا (سواء رفضوا بذوق ولا لأ) المهم إنهم رفضوا يبقى احنا ليه نسكت على حقوقنا مش كفاية سكتين على حاجات كتير كمان هنسكت على الأهمال في العربيات اللي دافعين فيها دم قلبنا

مش كدة ولا إيه

انا اشكر حضرتك جداً وانا عملت كده من فعلاً من بدرى وبعت على الرقم ومنتظر هايردو ولا لأ وانا وراهم وراهم
جزاك الله خيراً