هو اى انواع المساعدين الى ممكن تتركب فى ال 205 بدل الدنجل؟

**zeeeez** · 07-06-2010 12:04 PM

انا اسف انى حستفسر عن حاجة ملهاش علاقة بالموضوع اعلاةبس عربية 205 موديل 84 برضوا :
1-الفرامل عندى مش بتمسك الا بصعوبة و بعد فترة تعتبر طويلة من ضغطة الدواسة و ديتها للميكانيكة و رجلشلى على الفرامل قدام و ورا بقت احسن بس بعدها بشوية بسيطة و كان لم يكن لما العربية تبقى واقفة تدوس على الفرامل تحس ان فيها هوا
رحتلو تانى قاللى ان الماستر بتاع الفرامل عاوز حشو او يتغير بالكامل و كمان قاللى انة بيسرب زيت ...
اعمل ايه و اجيب ايه بالظبط و منين بالتحديد
2- العربية بتعوم منى على السرعة العالية 100 الى 120 و بالقيام الى رحلة الى العفشجى قاللى انها محتاجة حاجة اسمها اسكترا معرفش هيه ايه بالظبط و بتعمل ايه بس قاللى غيرها
حد يعرف يفيدنى فى الموضوع ده و كمان يقوللى بتتجاب منين و الحاجات دى هل يجب ان يبقى معايا الصنايعى المختص و انا بجيبها و لو امكن حد يقولى على حد معين اجيب منه الحاجة دى بس يكون ثقة بحيث ممكن ارجع الحاجة لو مش كويسة

**saint** · 07-06-2010 01:00 PM

اولا اهلا بيك فى اى وقت ومفيش داعى للاسف خالص كنا اخوات
بالنسبة للموضوع الاول
موضوع الفرامل ده من اهم مكونات الامان فى العربية
فبلاش حكاية الحشو ده لانها مش هاتكون ابدا زي الماستر الجديد على فكرة لازم تعملها بلاش تكبر دماغك فى اى حاجة فى الفرامل
ثانيا
الاسكترا دي يا سيدي هيا علبة الدركسيون وهي الجزء الوسيط بين الطارة والعجل يعنى هي اللى بتنفذ توجيه العجل يمين وشمال
ولو بايظة برضه بلاش تعمل حشو
غيرها سعرها 100 ج او 110 فى احسن حالتها
انما العربية المفروض تعمل سرعة اكتر من كده بثبات
وانتظر راى خبرا المنتدى وتحت امرك فى اي خدمة

**zeeeez** · 07-06-2010 01:08 PM

شكرا يا باشا على ردك السريع و المفيد
بس ممكن تدلنى على اماكن بيع الحاجات دى

**saint** · 08-06-2010 02:06 PM

العفو يا استاذى
بس الاماكن اللى انا اعرفها فى القاهرة وانت فى المنوفية
فمش عارف انت هاتشتريها من هنا ولا من عندك
انا بقترح عليك تنزل الشرقية وتحديدا فى بلبيس
فيه اتنين تلاته شغالين فى حاجات البيجو 205 وطبعا الاسعار احسن
او لو عاوز عناوين التجار اللى فى القاهرة انا تحت امرك