الموضوع: حد جرب يركب دلايات وكرتيرة للوجان

المشاركة الأصلية كتبت بواسطة hamadamdph

كلام سليم
بس ليه كارتيرة في اللوجان وهي اصلا فيها كارتيرة
هي مش محتاجه غير دلايات
العربية بعد ما استلمتها اتخبطت خبطة بسيطة من على داير الرفرف (الحتة المنفوخة فوق العجل
والراجل طلع عينه عشان يردها عشان اولا:
1. الكارتيرة البلاستيك قعد يفكها ومتثبته بكذا مسمار
2. الرفارف مدهونة بيتومين من تحت !!!!
وخلاني احط ايدي بنفسي تحت الرفرف وحسيت بدهان البيتومين
وقعد اكتر من نص ساعة يسخن شوية ويدق شوية بحرفنه عشان البوية متطلعش والموضوع كله عبارة عن خبطة 4 سنتي بس الصاج قوي
قاللي في الآخر ما شاء الله عربيتك حلوة وإن شاء الله عمرها ما يجيلها بارومة
وقاللي لو كانت العربية دي ........ أو ......... (سيارتان في نفس الفئة عشان منفتحش على نفسنا فتوحة) قاللي كنت رديتهالك في ثواني

أنا عندي نفس الخبطة في الرفرف على فكرة ومش عايز أعملها دلوقتي
بس عايز أسألك هل لما اتردت رجعت زي الأول ولا أثرت على الدهان
وبقى شكلها مش حلو؟

دي صور الدلايات:
(لا مؤاخذه العربية كانت لسه جاية من مشوار ومتبهدلة)





أنا جيبتهم من عند محل اكسسوار ومش قلتله على نوع معين
كانوا تقريبا بـ 20 جنيه والسمكري قالى نوعهم مش حلو
بس أنا شايف انهم مقضيين الغرض 100%