الموضوع: اتفرجوا , و شاركونا بتوقعاتكم ,, اوتوماك 2010

المشاركة الأصلية كتبت بواسطة Mzeid

توقعاتي أنه و لا حاجة
زي كل مرة بيعملوا حملة اعلانية و مبالغة لاشعار الناس بأنه معرض مهم جدا و هينزل فيه كونسبتس و سيارات تعرض لأول مرة في العالم بس و لا حاجة برضه
و بعدين انا بصراحة ليا رأي
بدل العناد و الاخبار تعمل معرض لوحدها و الاهرام واحد تاني يجمعوا تمويل الاثنين مع بعض و ينظموا معرض واحد و يكون بمستوى عالمي زي فرانكفورت و خلافه و تعرض فيه الشركات السيارات اللي تحب تعرضها للجمهور لول مرة و هكذا

المشاركة الأصلية كتبت بواسطة aly_hosny

توقعاتي ان اقوى عربية هتنزل هي سبارك "اذا نزلت"
شكل جامد جدا و حاجة وهم يعني

اظن ان شكلها حلو بسبب الاوبشنز الفيها , و ان اول لما منصور يشيل شوية الحاجات دي , مش هتبقى حلوة اوي

المشاركة الأصلية كتبت بواسطة elassar2010

تقريبا كدة اوبل عاملة مفاجئات جامدة جداااااااااااااا

اشمعنى ؟؟ , هل حضرتك شمعت عن حاجة معينة ؟

و هل في معلومات عن الاسترا الجديدة ؟

المشاركة الأصلية كتبت بواسطة mzeid

توقعاتي أنه و لا حاجة
زي كل مرة بيعملوا حملة اعلانية و مبالغة لاشعار الناس بأنه معرض مهم جدا و هينزل فيه كونسبتس و سيارات تعرض لأول مرة في العالم بس و لا حاجة برضه
و بعدين انا بصراحة ليا رأي
بدل العناد و الاخبار تعمل معرض لوحدها و الاهرام واحد تاني يجمعوا تمويل الاثنين مع بعض و ينظموا معرض واحد و يكون بمستوى عالمي زي فرانكفورت و خلافه و تعرض فيه الشركات السيارات اللي تحب تعرضها للجمهور لول مرة و هكذا

هو توقع محبط شوية لكن واقعي الى حد ما

بس برده مننساش دورة 2008 و دي كانت وهم , فمفيش حاجة تمنع ان الدورة دي تكون على نفس المستوى

المشاركة الأصلية كتبت بواسطة mgazaly

والله لو الكلام الى بيتكتب دة صح يبئى المفروض ان فى قنابل هتظهر المعرض دة دة غير الصاروخ ارض جو باريس هيلتون
وادينا مستنين وهانشوف اية الى ها يحصل

هههههههههه , آه والله كنت ناسيها

مش عارف والله هتيجي تعمل ايه ولا الناس هناك هتعمل ايه

ربنا يستر

المشاركة الأصلية كتبت بواسطة ama2

معرض أوتوماك بيضم حاجات كتيرة جدا و مظنش أنهم هيجيبوا حاجات فخمه أوى زى الصور كدة لأن من النهايه مش هتلاقى رواج تجارى كبير و أخر عرض له كان السيارات الصينى مكتسحه فيه أوى
و بما أن المعرض معمول عشان عرض السيارات فأظن أن السيارات الصينى هتاخد قاعدة كبيرة جدا فى المعرض بما إنها كماليات و حجم + سعر منافس (طبعا أنا مش بتكلم على الخامات ولا حاجة) أنا بتكلم على العرض نفسه لأن الناس هنتبهر أكيد بحاجات كتيرة وهتكون فرصة لتسويق السيارات الصينى برضة أو أى توكيل جديد عايز يرمى عربية جديدة فالسوق هيعرضها (مع عدم تحيزى للصينى أو كراهيتى له) لكن الصينى فى الفترة دى و إلى جايه هينتشر جدااااا


و كمان أنا بتخيل كدة أن هيبقى فيه خصم فى المعرض من 4 ألاف إلى 6 ألاف جنيه على السيارات الأقل من 60 ألف جنيه


وكمان السيارات المعدله هتظهر كويس اوى فى المعرض دة لأن العرض الأخير كانوا مهتمين برضة بالحاجات المعدله لكن مجرد شو لأنها تكلفتها عاليه جدااااا

الفكرة ان الواحد بيبقى رايح نفسه يشوف عربيات حلوة او بيحبها عن قرب , فالصيني مش بيشد الانتباه غير الرايح يشتري

بصراحة انا مش متوقع اي خصومات , و لو في بيبقى الفين جنيه بكتير , و لكن طبعا نأمل في اكتر

بالنسبة للعربيات المعدلة فحضرتك قصدك على انهي بظبط ؟

عشان في كورفيت بيجيبوها كل مرة و شكلها وحش جدا , بس كان في مستانج في الاهرام كانت حلوة جدا

المشاركة الأصلية كتبت بواسطة معتز

امنيات وتوقعات.......جيتا...الشكل جديد...تويوتا الكورولا الفيس ليفت

من اصعب ما يكون :)

الجيتا لسه اصلا منزلتش بره عشان تنزل عندنا :)

و الكورولا اظن لسه عليها شوية

المشاركة الأصلية كتبت بواسطة د.محمود صلاح

متوقع عربيات الكونسيبت الكهرباء

يااااه يا دكتور , الواحد لو شاف واحدة بس هيفرح جدا

المشاركة الأصلية كتبت بواسطة mahora

رينو هتنزل عربية جديدة غالبا هى رينو داستر ال 4*4

تمام

معرض "أوتوماك أخبار اليوم" يسجل العرض العالمي الأول لرينو Duster


15 مايو 2010

تم اختيار معرض "أوتوماك أخبار اليوم" ليسجل العرض العالمي الأول لسيارة "رينو" الرياضية الخدمية Duster والتي تعد أيضا من أبرز المفاجآت التي سوف يشهد المعرض تقديمها حيث تقرر أن يتم طرحها بسعر خيالي سوف يتم إعلانه من خلال شركة EIM وكيل رينو في مصر والسيارة تأتي من الفئة الرياضية الخدمية مزودة بمحرك 1600 سي سي وناقل حركة يدوي وسوف يتم تقديم السيارة في طرازين الأول مزود بنظام الاندفاع الرباعي الدائم والثاني تم تجهيزه بنظام الدفع الثنائي ومن المتوقع أن تحقق السيارة نجاحا محليا كبيرا بمجرد إطلاقها وإعلان سعرها الخيالي في أول أيام معرض أوتوماك أخبار اليوم.

Renault.com - Dacia Duster

المشاركة الأصلية كتبت بواسطة ama2

أصل الفكرة إلى جوايا كالأتى
أن المرسيدس و الأودى + كل الماركات العالميه القوية دى هتبقى موجودة يا أما حاجات جديدة التوكيلات لسه منزلاها للعرض فقط يا أما خصومات على الموديلات المشهورة لأنها مش محتاجة معرض عشان الناس تعرفها
بالنسبه للسيارات الصينيه بما أن التوكيلات بتنزل و مفيش دعاية نهائيا فأكيد المعارض دى المنفذ الوحيد لأى توكيل أنه ينشر عربيته هناك و الناس تعرفها زى الـbyd f0 لسه محدش عارفها أكيد هتكون هناك و الـbyd f6 الكهربائية أحتمال كبير تكون هناك غير البريليانس إلى مأخدتش حقها بسبب الدعايه و الأنتشار أكيد دا المنفذ الوحيد ليها برضة دا غير الأسعار إلى هتشد الأنتباه للمشترى
بالنسبه للعربيات المعدله كان فيه فريق كدة بس مش عارف أسمه كان بيرسم جماجم على عربيات كتيرة كدة و مغيرين جنوط لعربيات كتيرة و معدلين عليها شوية بس ماركات أصلا غاليه جدا زى الكورفيت و الكلام دة ويتهئ لى إلى حضرتك قصدك عليها البيضة و عليها جماجم دى (و كان شكلها عار)

وجهة نظر واقعية جدا

و لكن نرجو اننا نلاقي وجود قوي للشركات الكبيرة , و يا سلام لو لقينا جناح لميتسوبيشي (مع انه صعب اوي)

و فعلا انا قصدي على الكورفيت البيضة , و تعبيرك في محله :)