الموضوع: انضميت لعائلة الاكســـارا 1 ( ارجـــو الدخـــول )

العفــو يا باشــا
وشكــرا لمرورك

ألف مبروك ياباشا انا برده لسا شارى نفس العربيه بس لسا مغيرتش فيها حاجه لأني من اسكندريه وقليل اللي بيشتغل فيها عندنا وكان ليا سؤال هل تغيير الحاجات دي اخد وقت كتير ولا لأ ؟ يعني انا لو جيت مصر ممكن اخلص كل اللي فيها وارجع في نفس اليوم ولا الميكانيكي ممكن يأخرني ؟ يعني لو عنده ضغط شغل وكده يعني ...؟
ومبروك مره تانية وربنا يباركلك فيها

المشاركة الأصلية كتبت بواسطة fokshy999

الســلام عليكم يا شبــاب
ربنا وفقنى واشتريت عربية اكسارا 1 موديل 2001 بسعر كويس جدا والحمد لله لحد دلوقتى انا مبسوط منها جدااااااا خصوصا كمان بعد مارحت غيرت فيها شوية سيور وزيوت وزبطت العفشة
انا حبيت بس اقولكوا علي الحاجات اللى اشتريتها واسعارها واللى يعوز اى حاجة انا تحت امـــرة

1- جــوان غطـاء تـاكيهـات 45 جنيــة
2- سيـر كاتينــة 55 جنيــة
3- سيـر ديـنامـو 30 جنيــة
4- سيـر تكييـف 50 جنيــة
5- فلتـر تكييف 110 جنيــة عشان في الصيف لكن في الشتاء ارخص
6- طقم جلب مقصـات 200 جنيــة
7- بيض مقصات 150 جنيــة
8- قاعدة محرك سفلـى 50 جنيــة
9- 2 بطاحة مساعد امامى 300 جنيــة
10- 2 كاوتش علبة دريكسيون 50 جنيــة
11- اويل سيل كوبلن 40 جنيــة

الحاجات دى كلها من عند واحد اسمة رفقــي في الحرفيين اكيد كتير منكوا يعرفوا
وعملت الحاجات دى بقي عند مركز صيانة هناك برضة صاحبة كان شغال في توكيل سيتروين اسمة المهندس امجــد
اللى يحب يعرف تفاصيل اكتر او ارقام تليفونات الناس دى يسأل وانا اجاوبة

واتمنى اكون مش بخالف سياسة الموقع في وضع اسامى او اسعار اى حاجة

احمــد الفقـــى

الف مبروك يا باشا وربنا يكفبك شرها بالنسبه للاسعار معقوله اما بالنسبه لامجد فخد باللك منه لانه عامل نفسه مهندس ومحترم وهو لا مهندس ولا محترم ,,,,, كان هيبعلي c4 مغيره نص وراني علي انها رشه بره نضافه وانا رايحله من طرف زبون عنده يعني علي الاقل ميكدبش بس الحمد لله فأسته وفا تييييت وهو تحس انه ايه ادب ايه واخلاق ايه بس الحقيقه غير كده علي فكره انت ممكن تلاقي العربيه عنده لحد دلوقتي هي لونها جراي وموديل 2006

والله يا زيمو انا شفت الراجل دا واتعاملت معاه ولاقيتة كويس بصراحة
ماعرفش هو عمل معاك بالظبط بس الحمد لله معايا كان كويس _ انا رحت عندة بمشورة كذا واحد والله
اهم حاجة انة فاهم كويس في النوع دا بالذات وكمان مش حراء اوى في مصنعيتة والاهم كمان انك تاخد منة شغل نطيف وتمشي بعربيتك وانت مطمن . علي العموم لو تعرف حد تانى غيرة ويكون قريب ياريت تقولنا علية لانى ساكن في المهندسين ومشوار الحرفيين دا بعيد عليا اوى

المشاركة الأصلية كتبت بواسطة fepsceasar

طب قولنا كشفته ازاى وخبرتك كده مين كويس انا بتعامل مع ايهاب جلال انت هتقلقنى من المهندسين ولا ايهظ

لأ امجد فعلا مش مهندس هو فني وكان شغال في عز العرب وبعدين سابه لما خد الورشه دي اللي في الحرفيين,,,,, كشفته علشان رحت كشفت علي العربيه في بنزينة كالتكس اللي في اول عباس طبعا هو في الاول اتاخر عليا وضيع ميعاد التوكيل علياو كان فاكر انه خلاص هاخدها كده وخلاص وعلي فكره انا كنت ممكن اكشف عليها وانا واقف بس اتكسفت
ايهاب جلال كلمته في التليفون بس ,,,, اعتقد انه مش هيضحك عليك في شغل الفني بس اعتقادي من التليفون برضه ,انه عايز ياخد منك فبوس كتيير و بيحلي البضاعه
انا برضه نفسي ارف ميكانيكي كويس وعنده ضميير
في واحد اسمه خالد في بولاق او ارض اللواء مش فاكر بصراحه ورقم تليفونه 0103770049
و واحد تاني اسمه محمد البيض في زينهم عند المدبحو رقم تليفونه 0106125825
علي فكره انا مجربتش اي حد منهم ولا حتي كلمتهم والمعلومات دي انا جايبها من الاخوه من الموقع هناوده جدول عامله استاذ نديم فيه اماكن الميانيكيه ومحلات قطع الغيار الليي شغاله في ستيروين
ارجو ان اكون عملت حاه اوقدرت ارد عليكم