ايه ياخوانا؟ هو الموضة السنة دي تريقة ولا ايه؟
مش الهدف الصوت خالص على فكرة, الهدف الاساسي هو الاداء. وعشان ابقى صريح اكتر, الهدف الاساسي حب التغيير :)
الصور ان شاء الله النهاردة بعد الشغل.
عرض للطباعة
مستنين شرحك وتوضيحك للمووضع وفرق الاداء علشان انا كمان غالبا هعمله ان شاء الله
ألف مبروك على الشغل الجامد ومستني الصور والتفاصيل :) الله ينور
متشكر جدا يا جماعة على الردود, فتفحتوا نفسي والله :)
انا جربت العربية النهاردة على الدائري, الاستجابة زادت بشكل ملحوظ, اول مادوس على البنزين الموتور يستجيب بدون تاخير :)
انا حاسس بزيادة الباور في ال rpm الواطي, بس ميتهيأليش في تغيير في العالي, بس عموما هو ده المهم, لان معظم الوقت وانا سايق سواء جوة البلد او على الدائري مبيعلاش ال rpm عن 3500.
بشكل عام, الايجابيات:
1- استجابة اسرع من الموتور
2- عزم اكتر في الrpm الواطي
3- الموتور بيعلى ويوطى بسلاسة اكتر, اعتقد انسب كلمة هي ان الموتور عارف يتنفس, الفلتر الاصلي فعلا خنيق.
السلبيات:
1- الصوت العالي. هو مش مزعج بس بيلفت الانتباه, انا شخصيا مبحبوش اطلاقا لانه مرتبط في ذهني بالإحداث وثقافة الديفل و الخوتة اللي بدون لزمة.
2- محتاج شغل كتير, بس دي مش مشكلة اوي بالنسبة لي, انا باحب جدا اشتغل في العربية.
3- اول مرة اجرب فلتر سيموتا, من وقت للتاني حابص جوة الماسورة اشوف اذا كان بيعدي رملة ولا لأ, بس عموما الماسورة طويلة وشبه رأسية, اعتقد صعب بالنسبة للرملة او اي اجسام كبيرة تعدي من الفلتر انها تطلع في الماسورة.
4- الفلتر كبير خلاني اضطر اشيل الفوج لايت, بس عموما انا كده كده مش باستخدمه, محتاج بس احط شبكة مكانه عشان المنظر والحماية من الزلط.
الحمد لله المشروع ايجابياته اعلى من سلبياته بكتير. هو كده خلصان بنسبة 60%, فاضل بس انضف الماوسير وارشها, وشوية رتوش رفيعة كده حاقول عليها لما ارفع الصور عشان تبقى باينة.
اسف على الاطالة. اول ما اروح باذن الله هارفع الصور.
على حد علمي بيرفع الأحصنة 3-4 للمواتير الكبيرة
نظريا كل انخفاض 10 درجات في درجة حرارة الهواء اللي داخل للموتور بيساوي 1% زيادة في الباور. بس عمليا في عوامل تانية كتير زي طول الماسورة وقطرها والانحائات اللي فيها.اهم حاجة ان الفلتر السبور بيريح الموتور عن الفلتر الاصلي اللي معمول عشان يهدي صوت الموتور.
مش عارف ليه حاسس اني بقيت بارغي كتير مؤخرا :)
شكرا لنقل التجربة ياباشا....
[QUOTE=a_tharwat;3872660123]ايه ياخوانا؟ هو الموضة السنة دي تريقة ولا ايه؟
استاذى الفاضل / انا اسف اذا كان هزارى معاك اعتبرته تريقه ولكن يعلم الله انى بتكلم مع الناس وكانهم اخواتى وخصوصا هنا فى بيتى التانى
حضرتك نزلت موضوع وكأن كل الناس تعرفه بس واضح انه حاجه جديده ومميزه بس لاازم تعرف ان فى ناس كتير وانا اولهم معلوماتى عن العربية هى المعلومات الرئيسية بس وعلشان كده بدخل هنا علشان انمى معلوماتى وكتير من الاعضاء كده برضه فكان لاازم من البداية تعرفنا ايه هى الافاده اللى ممكن نستفدها من موضوعك .
وشكرا على مجهودتك لخدمة الاعضاء .
تمام يا باشا اوي
بس ياريت الصور ضروري الله يكرمك عشان اخود فكره عشان هنزل ان شاء الله هروح للسباك اركب واحد :)
مستنيين الصور من حضرتك