اخيرا عملت true cold air intake للسيراتو

**a_tharwat** · 16-05-2010 01:59 AM

السلام عليكم,

انا اشتريت فلتر سيموتا من احد الاعضاء هنا, ونزلت قوام على اقرب محل سباك واشتريت المواسير والاكواع والذي منه (انا كنت مخطط للموضوع من زمان) والحمد لله لسه مخلص تركيب من نص ساعة.

انا كنت شاكك انه مش حيفرق كتير لان ال intake بتاع السيراتو بيجيب هواء ساقع من بره الكبوت وكمان بيعمل ram effect على السرعات العالية. بس قلت اجرب برضه, وركبت الفلتر تحت عند كارتيرة العجلة الشمال.

بعد ما عملت reset لل ECU طلعت بيها لفة كده ومش قادر اقول هيا فرقت اد ايه, للاسف صوتها عالي حبتين (انا مبحبش الاصوات العالية, باحسها نوع من الاحداث) لكن فرق السحب واضح جدا في ال RPM الواطي (لحد 3500 كده).

بكره ان شاء الله اجرب سرعات اعلى على الدائري وانا رايح الشغل, وبعد الشغل ان شاء الله حاصور العربية و ابعت الصور, انا حاولت اصور دلوقت لكن حتى مع الفلاش الصور وحشة جدا.

**nightmare_9595** · 16-05-2010 02:10 AM

الف مبروك يا باشا و ربنا يباركلك فيه.
بس سوالين كده لو مش هدايقك عشان انا عايز اعمل الحوارات دي بس مخدتش الجراه اني اعمل كده:
1.ازاي عملت المواسير عند السباك؟يعني جبت مقاسها ازاي و قطر الماسوره و ركبتها في العربيه ازاي؟
2.عملت reset لل ECU ازااااااي؟و عند مين؟و اتكلف كام؟

اصي مركب فلتر برده بس مش عارف مين اللي يعمل موضوع ال ECU ده؟

اسف للاسئله الكتير
تقبل مروري

**NoRmAl** · 16-05-2010 02:17 AM

مبروك يا باشا ومنتظرين الصور وبقيه التفاصيل

**alzwawy** · 16-05-2010 02:27 AM

انا كنت مركبه و بعدين شلته علشان كان hot مش cold بس عند الكرتيره كده هيلم تراب و هيدخل للمكنه و كده غلط

**ابو ليلى** · 16-05-2010 02:36 AM

يا جماعة اعزرونى هى الترجمه هتنزل امتى علشان انا مش فاهم حاجه والحاجات دى ايه ؟؟؟؟

وايه اللى جاب القلعة جنب البحر قصدى ايه اللى جاب السباك جنب السيراتو !!!!!

**alzwawy** · 16-05-2010 02:53 AM

ههههههههههههههههههه انا موجود هترجم اهو
يا جماعه بيتكلم علي الفلتر بتاع العربيه هو ركب فلتر رياضي بيعلي صوت الموتور و السباك ده بيجيب منه مواسير بس علشان يوصلها مكان الفلتر و يوصل الفلتر ل حته تجيب هواء ساقع بدل ما يبقي الفلتر جمب الموتور و يسحب هواء سخن