إستفسار بخصوص تكييف اللوجان

**taahmed** · 16-05-2010 10:01 AM

طبعا بسبب الظروف الجوية إضطريت أشغل التكييف طوال مانا ماشي بالعربية وخصوصا إن كان معايا ناس .. وطبعا الأيام القادمة الظروف الجوية حاتكون أصعب .. لذلك ..
هل تشغيل التكييف بصورة مستمرة يؤثر على العمر الإفتراضي للسيارة وعلى كفاءتها على المدى الطويل .. وماهي أفض إسلوب يتبع لتشغيل التكييف للحصول على أفضل أداء له .. وعلى أفضل حماية للسيارة ..

**ahfares** · 16-05-2010 12:49 PM

متابع بأهتمام

**amr.elsayed** · 16-05-2010 06:03 PM

احسن طريقة تشغل بيها التكييف
1- تفتح كل زجاج العربية لمدة ( دقيقتين )
2- تشغل المروحة على اعلى سرعة (دقيقة)
3- تشغل التكييف و وتقفل الزجاج الامامى وبعدين الخلفى واحد واحد فى خلال دقيقتين وادعيلى
كدة انت خرجت الهواء الساخن من داخل الصالون ويبقى الهواء الساقع حتلاحظ بالطريقة دى سرعة التكييف فى تبريد صالون العربية واداء افضل بمراحل
......................................
بالنسبة لتاثير لتكييف على الماتور فا عمرى ما سمعت عن حاجة زى كدة
بل بالعكس انا اعرف ان التكييف لما بيشتغل بيشتغل معاه المروحة الخاصة بيه
وبالتالى بيعمل تبريد افضل مع مروحة الريداتير
وانتظر الرد من باقى الاعضاء والف مبروك على العربية وربنا يباركلك فيها ويكفيك شرها ويعطيك خيرها

**zkralla** · 16-05-2010 07:08 PM

هو هيزود استهلاك البنزين بنسبه قليليه لكن تأثير على عمر الماتور لأ - ما اعتقدش -

**hakim_66666** · 16-05-2010 07:17 PM

استاذ رينجو هل نترك المروحة على اعلى سرعة مع تشغيل مستويات التكييف

**gebreel** · 16-05-2010 07:52 PM

بص يا باشا انا لسة راجع من برة بعد ما كانت العربية في الشمس من الساعة 9:30 صباحا لحد الساعة 5:30 العصر كل ده و هي في الشمس
اول حاجة عملتها فتحت الازاز اللي جمبي و انا فاتح الباب علشان العربية كانت فرن بكل ما تحمل الكلمة من معاني
ثاني حاجة فتحت باقي الازاز كلو قدام و ورا
بعد كدة فتحت الهوايات و المروحة على 4 لمدة صغيرة و بعدين فتحت التكييف و خليت المروحة تجيب هواء من برة و انا فاتح الازاز بردو و مشيت حاجة بتاعة 3 او 4 دقائق و رحت قافل الازاز اللي جمبي بدأت احس بالتكييف و رحت قافل بتاعي و اللي ورا و بعدين خليت المروحة تبرد اللي جوة العربية بس و فضل شغال معايا زي الفل لدرجة اني كنت ماشي بيه في عز الحر و هو على 2 و احيانا كنت بجيبو على واحد و ارجعو تاني 2 في الاشارات و كدة

و موضوع العمر الافتراضي ده معتقدش خالص انو بيأثر على الموتور بل بالعكس ده المفروض حتى و انت في الشتاء تشغل التكييف على الاقل 5 دقائق كل اسبوع

**menocomp** · 17-05-2010 03:22 PM

المشاركة الأصلية كتبت بواسطة ringoo

احسن طريقة تشغل بيها التكييف
1- تفتح كل زجاج العربية لمدة ( دقيقتين )
2- تشغل المروحة على اعلى سرعة (دقيقة)
3- تشغل التكييف و وتقفل الزجاج الامامى وبعدين الخلفى واحد واحد فى خلال دقيقتين وادعيلى
كدة انت خرجت الهواء الساخن من داخل الصالون ويبقى الهواء الساقع حتلاحظ بالطريقة دى سرعة التكييف فى تبريد صالون العربية واداء افضل بمراحل
......................................
بالنسبة لتاثير لتكييف على الماتور فا عمرى ما سمعت عن حاجة زى كدة
بل بالعكس انا اعرف ان التكييف لما بيشتغل بيشتغل معاه المروحة الخاصة بيه
وبالتالى بيعمل تبريد افضل مع مروحة الريداتير
وانتظر الرد من باقى الاعضاء والف مبروك على العربية وربنا يباركلك فيها ويكفيك شرها ويعطيك خيرها

حجرب الطريقة دية وأقولكم.

**hobby10** · 17-05-2010 06:57 PM

ياجماعة حد اخد باله انه بعد تشغيل التكيف لما تركن العربية بتلاقى بقعة مايه تحت العربية فى النص من ادام كده ؟؟؟؟

انا لاحظتها عندى وروحت التوكيل اتطمن قالولى لا ده عادى .. الطبيعى يعنى ومفيش اى مشكلة فى كده خالص

**frhateg** · 17-05-2010 07:09 PM

المشاركة الأصلية كتبت بواسطة hobby10

ياجماعة حد اخد باله انه بعد تشغيل التكيف لما تركن العربية بتلاقى بقعة مايه تحت العربية فى النص من ادام كده ؟؟؟؟

انا لاحظتها عندى وروحت التوكيل اتطمن قالولى لا ده عادى .. الطبيعى يعنى ومفيش اى مشكلة فى كده خالص

معظم الأماكن المكيفة كده . حتي المكيفات الموجوده في البيوت طالع منها خرطوم لخروج الميه نتيجة التكثيف . وتلاحظ اكثر في العربيات الكبيرة زي الأتوبيسات و السوبر جيت بتبقي الظاهرة دي ملحوظة اكثر . المهم يكون المكيف ممتاز في اللوجان علشان الناس المنفسنة منها مفيرحوش فينا .

-

الموضوع: إستفسار بخصوص تكييف اللوجان

LinkBack

أدوات الموضوع

عرض

-

-

-

-

-

المواضيع المتشابهه

إستفسار هام - بخصوص أبواب وسقف اللوجان المغربى والرومانى

إستفسار بخصوص اللوجان المغربى

بخصوص تكييف اللوجان

إستفسار بخصوص تكييف البروتون

إستفسار بخصوص تكييف الانوس (هام)

الكلمات الدلالية لهذا الموضوع

المفضلات

المفضلات

ضوابط المشاركة