السلام عليكم

من رأى الشخصى ان يوم الجمعة ده ممكن يكون من أخطر واصعب الايام اللى عدت على مصر

وممكن تأثر على مستقبلها ككل


حاجة بسيطة حصلت



دول حوض النيل عملت اتفاقية جديدة من غير موافقتنا

يعنى ببساطة مصدرنا الوحيد للاول للمياه اصل الحياة معرض للخطر فى اى وقت

وللاسف الناس مش حاسة بحاجة

كله شايف ان كله تمام وان الدول دى مش حتقدر تعمل حاجة (بقالنا سنة بنقول مش حيقدروا يمضوا من غيرنا واهم مضوا)

يعنى ببساطة دلوقتى ممكن يقللوا حصتنا من المياه


ارجوك قوم بدورك من دلوقتى علشان ممكن بعد كام سنة نبقى بنموت بعض علشان شوية مية


دورك مش انك تشتم فى الحكومة والوزارة والوزير..مش حيفيد بحاجة


دورك يا متعلم يا مثقف انك تحافظ على الميااااه

ارجوك بطل اهدار للمياه ..وللمرة اليون الرسول عليه الصلاة والسلام نهى عن الاسراف فى المياه ولو كنت على نهر جارى

ارجوك علم اولادك وافراد اسرتك يستخدموا المياه بحرص

لو كل بيت وفر لتر مياه واحد فى اليوم...لتر واحد بس فى اليوم حنوفر 360 مليون لتر كل سنة!!!! شوف دول ممكن يعملولنا ايه او يحمونا ازاى وقت الازمات اللى شكلها جاية


ارجوك اتخانق مع اى جاهل بيغسل عربيته بالمياه ومغرق الشارع كله بمياه نقية

ارجوك زى مبتتكلم فى الكورة والسياسة والفن والعربيات مع كل واحد تشوفه حاول تنشر الموضوع ده دايما على كل اصحابك ومعارفك علشان الناس تفوق شوية من الغيبوبة اللى هما فيها

ارجوك بطل سلبية وبص لابنك دايما وتخيل انه حيجى يوم يلعنك على المياه اللى كنت بتسرف فيها وهو مش لاقيها