الموضوع: الحقونى هتجوز لله يا محسنين

الف الف مبروك
و ربنا يباركلكم و يهديكم
و كويس انك متفهم الفتره الحرجه بتاعت قبل الجواز دي لأنها بتسبب مشاكل كتير لو انت مش عامل حساب الحاجات دي
اخوك سلم العديد من الرجال الاحرار الي قفص الزوجيه السعيد بنفسه سواء في الفيليشيا او الصني
و شويه نصايح ليك
لو عندك حد من صحابك يزفك يكون احسن و انت تودي عربيتك قبل الفرح زي الباشا تحت بيتك الجديد
الزواقه كده كده هتتبهدل جامد علشان سببين
الشمس الحارقه و علشان كده متعملهاش االا قبل الزفه بساعه فقط
و اوعي تصدق الكوافير لما يقولك تعالي الساعه سبعه مثلا يبقي تعمل حسابك تروحله 8 او 8 و نص كمان!!
و السبب التاني العيال في الشارع بيغيظها عربيه عليها ورد و بيعتبروها جنينه مصغره من حقهم يقطفو منها!!
و احذر تماما سواء انت او صاحبك اللي هيزفك في عربيته انك تسيب اللزق بتاع الورد لتاني يوم في الشمس
انا مره واحده كسلت و انا راجع من زفه بالفيليشيا و لحد قرب ما ابيعها كنت بحاول اشيل اثار اللزق
لازم الزواقه تتشال باليل و مطرح اللزق تمر بقطنه بميه و تشيله كله قبل ما الشمس تلحمه مع الدهان

و اشيك حاجه في زواق العربيه انه يكون بسيط
يعني بلاش شغل كتير فيه
و زي ما قلتلك لو واحد صاحبك بعربيته هيكون احسنلك يا عريس الا لو ناوي تنزل بعد الفرح تنضف العربيه بنفسك!!
و خليه كمان يروح من الساعه 4 مثلا البنزينه و يغسل العربيه من بره و جوه
و لما يروح لبتاع الورد يخلي معاه فوطه يمسح بيها اثار تركيب الورد علشان مش كل بتوع الورد بيسلموك العربيه نضيفه
و ربنا يباركلكم و عقبالنا كلنا ان شاء الله لما ندخل قفص الزوجيه برجلينا