الموضوع: عاير اجيب سبكترا ايه اخبار العربيه

بسم الله

العربية معايا موديل 2005 أوتو وعاملة 230 ألف دلوقتي لأننا بنسافر بيها كتير
هيا اتبهدلت شوية من كتر الناس اللي بتسوقها انا واخواني وبابا ومفيش مانع حد منهم يتعلم السواقة عليها

العربية بسم الله ما شاء الله .. الثبات ممتاز جدا والتسارع ممتاز مقارنة بالعربيات اللي زيها نوبيرا وإلنترا أنا شايف انها الأفضل والأوسع

شكلها من برة اصغر من النوبيرا مثلا بس جرب تركب سواق طويل واقعد وراه هتعرف الفرق

قطع الغيار موجودة في التوفيقية جديد وفي الحرفيين استيراد وكمان بورسعيد فيها حاجتها كلها

التقفيل الداخلي جيد جدا والخامات كويسة وبتعيش

اعتقد السعر في حدود 40-45 ألف حسب الحالة