العربيه بتبطل وانا ماشي على السريع

**drhegab** · 16-05-2010 05:13 PM

يا جماعه انا عندي مشكلتين ف الفليشيا وومش عارف اعمل ايه ؟
1- العربيه بتبطل وانا ماشي على السريع
2- سحبها ضعيف جدا بحث انها مخنوقه

وفيه بقا شويه معلومات تساعد على التشخيص
1- الفتيس تقيل شويه ف الاول والتاني
2- فيه صوت كدا وانا طالع بالعربيه
3- بتدور من تالت مره الصبح
4- الشكمان بيطلع قطرات بنزين كدا
5- فيه تنتيشه بسيطه كدا كل اما اشيل رجلي من علي البنزين او ادوس بنزين

دا ممكن يكون ايه ؟؟؟؟؟؟؟
سده في الكاربراتير لاني بستخدم بنزين 80 الفلاتر عايزه تتغير
الاسبراتير ملمس ولا فيه حاجه
طقم الدبرياج فيه حاجه

ارجوكو حد يفيدني

**SAMEH_FOUAD** · 16-05-2010 05:29 PM

طبعا اول حاجة غيرها على اللى حضرتك بتقولة دة غير بوجيهات

وغير فلتر البنزين باستمرار طالما بتستخدم 80 ,وغير فلتر الهواء ,وشوف النظام لو لقيت الوضع اتحسن ولسة العربية عايزة تفوق كمان هات نظف ربراتير وخلى الميكانيكى ينظفلك البيجات
دة بالنسبة للماتور وياريت تحديد الصوت بالظبط ؟

بالنسبة للتقل فى الغيارات الاول والتانى فبردة ياريت تحدد تقيل من ناحية اية بيجى بصعوبة شوية ولا بتحس ان سحبهم مش قوى زى الاول

**drhegab** · 16-05-2010 08:48 PM

شكرا على الافاده يا سمسم ويا باش مهندس محمد
هو الاول والتاني تقيل يعني بيجي بصعوبه وصوت الماتور بيعلي في السرعه العاليه اكتر من 70
ويا باش مهندس محمد هو العربيه بتبطل وانا ماشي بسرعه على السريع غالبا
وهو انا ان شاء الله هغير كل الحاجاات دي وكمان البيجوهات
بس عايز اسئل شويه اسئله
المنظف بتاع الكاربراتير اسمه ايه واجيبه منين ؟ والمنظف دا يغني عن اني افك الكاربراتير وانظفه بره ؟ يعني انهو افضل؟
الفرامل اكشف عليها ان كانت قافشه او لأ فين عند العفشجي هو اللى بيظبطها ولو خزنة الفرامل ولا حاجه مش نضيفه اللى بينضفها العفشجي؟

**SAMEH_FOUAD** · 16-05-2010 10:08 PM

المشاركة الأصلية كتبت بواسطة drhegab

شكرا على الافاده يا سمسم ويا باش مهندس محمد
هو الاول والتاني تقيل يعني بيجي بصعوبه وصوت الماتور بيعلي في السرعه العاليه اكتر من 70
ويا باش مهندس محمد هو العربيه بتبطل وانا ماشي بسرعه على السريع غالبا
وهو انا ان شاء الله هغير كل الحاجاات دي وكمان البيجوهات
بس عايز اسئل شويه اسئله
المنظف بتاع الكاربراتير اسمه ايه واجيبه منين ؟ والمنظف دا يغني عن اني افك الكاربراتير وانظفه بره ؟ يعني انهو افضل؟
الفرامل اكشف عليها ان كانت قافشه او لأ فين عند العفشجي هو اللى بيظبطها ولو خزنة الفرامل ولا حاجه مش نضيفه اللى بينضفها العفشجي؟

بالنسبة للفتيس جرب حاجتين اول حاجة جرب تعلى الدبرياج شوية ,لو الميكانيكى قالك كدة الدبرياج مظبوط يبقى فية حاجة عندك اسمها معلقة الى بتربط الفتيس بعصاية النقل اكشف عليها واطمن بردة على زيت الفتيس

بالنسبة لصوت الماتور هنتكلم فية بعد ماتغير البوجيهات والفلاتر واكشف بردة على زيت الماتور واتاكد من مستواة وان الزيت لزوجتة كويسة عن طريق ملامستة بالايد يعنى تطلع مقاس الزيت وتاخد شوية على صباعك كدة وشوف اللزوجة بتاعتة لو لقيتها كويسة يبقى شغال ,لو لقيتة عامل زى المية يبقى غيرة

بالنسبة لمنظف الكربرايتر اسمة carb cleaner تمنة عشرين جنية هات الامريكى
والميكانيكى بيفك البيجات ينظفها بية كويس وبيرش جوة الكربراتير وبينظفة كويس وبلاش تفكة احسن نظفة بس
يتم الكشف على الفرامل عند العفشجى او ميكانيكى متخصص
خزنة الفرامل لو عايز تنظفها انت عادى ممكن تعملها بنفسك وفية طريقة حلوة انك تجيب قطعة قماش مش محتاجها وحطها جوة الخزنة هتلاقيها شربت الزيت وكرر العملية دية لحد ماتلاقى الزيت كلة خلص وخلى بالك عشان مافيش زيت يقع فى حوص الماتور كدة ممكن يشيلك البوية وبعد كدة حط زيت على نظيف بعد مسح الخزنة كويس هية والقياس بتاعها

**drhegab** · 17-05-2010 01:21 AM

انا دلوقتي نزلت رفعت الاربع عجلات ولاحظت ان العجلتين اللى قدام تقال جدا في حركتهم وبحتاج جهد كبير قوي علشان ادورهم بايدي دا يبقا الفرام قافشه وعلاجها ايه واروح لمين ؟

**SAMEH_FOUAD** · 17-05-2010 01:22 AM

المشاركة الأصلية كتبت بواسطة drhegab

شكرا يا سمسم على الاهتمام والنصايح دي كلها
تمام كدا بس ما حدش قالى بقا سبب الهزه والصوت اللى بتبقا اما بكون طالع بالعربيه ? الفرامل برضوا؟
وكمان سبب قطرات البنزين اللى من الشكمان؟

بالنسبة للهزة اول حاجة هتبص عليها القواعد 1قاعدة ماتور 2 قاعدة فتيس ,وبعد كدة تبص على الكبالن
لو كل دة سليم يبقى ممكن تكون اسطوانة وديسك
وسبب قطرات البنزين من البوجيهات مابتحرقش البنين كويس فبيخرج على صورة بنزين نى