ويا مرحى بالانفتاح و الرقص والتطبيل
عرض للطباعة
طيب
شوف انتا بقي الرد عالفيديو اللي انتا جايبه ده
ولو انتا شايف ان ينفع تاخد علم او فتوي من مصطفي حسني او معز مسعود او عمرو خالد او اللي بيسموهم
الدعاه الجدد
انا مش عارف هما دعاه لايه بالظبط
للحق ولا للباطل
واعرف مصطفي حسني بياخد علمه من مين
ومين استاذه
واعرف مين هوا محمد عوض المنقوش
وفي الاخر قول انتا حرام ولا حلال
[youtube]http://www.youtube.com/watch?v=CepQUjHpmVk[/youtube]
اللي عاوز يتفرج عالشيخ مازن السرساوي بيرد علي مصطفي حسني وحلقه اباحه الغناء والرد عليه
1
YouTube - ‫ط¨ظ„ ط®ط¯ط¹ظˆظƒ ط§ظ†طھ -1- ::: ط±ط¯ط§ ط¹ظ„ظ‰ ظ…طµط·ظپظ‰ ط.ط³ظ†ظٹ 6/1‬‎
2
YouTube - ‫ط¨ظ„ ط®ط¯ط¹ظˆظƒ ط§ظ†طھ -1- ::: ط±ط¯ط§ ط¹ظ„ظ‰ ظ…طµط·ظپظ‰ ط.ط³ظ†ظٹ 6/2‬‎
3
YouTube - ‫ط¨ظ„ ط®ط¯ط¹ظˆظƒ ط§ظ†طھ -1- ::: ط±ط¯ط§ ط¹ظ„ظ‰ ظ…طµط·ظپظ‰ ط.ط³ظ†ظٹ 6/3‬‎
4
YouTube - ‫ط¨ظ„ ط®ط¯ط¹ظˆظƒ ط§ظ†طھ -1- ::: ط±ط¯ط§ ط¹ظ„ظ‰ ظ…طµط·ظپظ‰ ط.ط³ظ†ظٹ 6/4‬‎
5
YouTube - ‫ط¨ظ„ ط®ط¯ط¹ظˆظƒ ط§ظ†طھ -1- ::: ط±ط¯ط§ ط¹ظ„ظ‰ ظ…طµط·ظپظ‰ ط.ط³ظ†ظٹ 6/5‬‎
6
YouTube - ‫ط¨ظ„ ط®ط¯ط¹ظˆظƒ ط§ظ†طھ -1- ::: ط±ط¯ط§ ط¹ظ„ظ‰ ظ…طµط·ظپظ‰ ط.ط³ظ†ظٹ 6/6‬‎
ده كلام عالم من العلماء
وانتا بقي استفت قلبك
وكل واحد بيعمل حاجه بيتحاسب عليها
والفكره مش اننا نسمع او منسعمش
الفكره اننا عارفين ان اللي بنعمله غلط ولا صح
حلال ولا حرام
مفيش واحد تقوله الخمره حرام ولا حلال يقولك حلال
حيقولك حرام
بتشربها اه بشربها ده كده عاصي
انما مش منكر للحرام
بتسمع اغاني اه
عارف انها حرام ايوه
بتسمع ليه
ضعيف
عاصي
ايماني مش قوي
كلنا كده
مين فينا مبيغلطش
مين فينا مبيعملش الحرام
انما بيعمله وهوا عارف انه حرام
سامي يوسف اغانيه حرام ؟؟؟؟
ايوه حرام
ليه عشان الكلام اللي فيها ؟؟؟
لا لا لا
عشان المعازف
بيستخدم معازف
ياعم طب وفيها ايه
ماهو الكلام هادف ؟؟؟؟
الوصول للحلال بالحرام حرام
وانتا بتعمل اغاني هادفه وبتستخدم الموسيقي عشان تحليها
حرام
مين قال كده ؟؟؟
ربنا
فين ده ؟؟؟؟
الاحاديث والايات المكتوبه في الموضوع نفسه
اقرا الموضوع ولو لسه مش مقتنع
اقعد مع نفسك
وشوف مشكلتك ايه في قلبك
لان ربنا مش حيهديك للصواب وانتا مصر عالخطأ
كلنا بنعمل معاصي
بس اما نوصل ان المعاصي تبقي في حياتنا عادي
هنا ابتدي اقلق وافوق
عشان مقومش يوم الاقي نفسي ميت
وهنا حفوق غصب عني
وساعتها بقي يوم لا ينفع مال ولا بنون
الا من اتي الله بقلب سليم
مصطفى حسنى نقل كلام العلماء .... مش كلامه ...
المبيحين للموسيقى و ألات الموسيقية و الغناء (بشروط) ..
الشيخ على طنطاوي
السيخ شلتوت
الشيخ على جاد الحق
الشيخ محمد رشيد رضا
الشيخ يوسف القرضاوى
الشيخ الغزالى قال من أراد أن يحرم الموسيقى فليحرم هدير الموج , و هبوب الريح , و أصوات الطيور
الشيخ محمد متولى الشعراوى ... لم يحرمها ... و قال إن أى شئ يخرج عن الوقار و يثير الغرائز يبقى حرام ..
و قال إن أبو بكر الصديق مرة قال للرسول (أمزامير الشيطان فى بيت رسول الله) ؟؟ فالرسول قال دعهما هذا يوم عيد ..
YouTube - ‫ط.ظƒظ… ط§ظ„ط؛ظ†ط§ط، ظˆط§ظ„ظ…ظˆط³ظٹظ‚ظ‰ ظ„ظ„ط´ظٹط® ط§ظ„ط´ط¹ط±ط§ظˆظ‰‬‎
حكم الموسيقى و الغناء .. الشيخ خالد الجندي
YouTube - ‫ط.ظƒظ… ط§ظ„ظ…ظˆط³ظٹظ‚ظ‰ ظˆ ط§ظ„ط؛ظ†ط§ط، - ط®ط§ظ„ط¯ ط§ظ„ط¬ظ†ط¯ظٹ‬‎
الموسيقى و الألات الموسيقية موضع إختلاف ...
الأمانة عندى إنى أنقل وجهات النظر كاملة ...
ماينفعش حضرتك تقول علماء إللى أباحوا الموسيقى دول غلط ... و انا ماينفعش أقول علماء التحريم غلط ..
حضرتك تشوف مقتنع بأنهى رأي ... و تختار الرأي إللى تقتنع بيه ..
و فى الحالتين إنت فى السليم إن شاء الله .. أو فى الSafe Side
يا اخ سيف انت مش عايز تسمع ليه لكلام العلماء
حضرتك سمعت الفيديوهات اللى موجوده فوق ماعتقدش ان حضرتك شغلتها اصلا
جرب بس اسمع واحد منهم و اكيد اكيد هاتفهم الصح فين
للأسف يا سيف انا شايف ان الفتاوى دى اتاخدت حتى سطحيا
خلينا نتفق ان الناس كلها اللى اباحت الاغانى قالت عنها
حرام لو بتحرك الغرائز , وحرام لو بتؤدى الى فعل حرام , وحرام لو اجتمعت مع عمل حرام او فى مجلس حرام , وحرام لو كلامها بيخالف شرع ربنا , وحرام لو بتلهى عن العباده , وحرام حتى لو مفيهاش وقار وكلها زى ما بنقول هلس
خلينا بقا نستعرض بنفس الترتيب الشروط دى
الاغانى 98% منها بيتكلم عن العشق والحب ودى لا جدال اثاره للغرائز بدليل اننا بنتلذذ بالكلام وبنسرح فيه وما شابه , بتؤدى الى فعل الحرام وده بالفعل بيحصل سواء كان التشجيع على سكه الحب الحرام او الرقص او خلافه , اجتمعت على مجلس الحرام دى برده واضحه جدا , كلامها بيخالف شرع ربنا دى طالما اتفقنا ان وحشنى ووحشتنى وحبيتها وسابتنى حرام يبقى الاغانى حرام , بتلهى عن العباده دى انا شخصيا بأكدها واللى لسه بيسمع مش هيحس بيها غير لما ربنا يكرمه ويبطل يسمعها , الوقار مش شايفله علاقه بالاغانى نهائى انا شخصيا لما كنت ببقى ماشى بالعربيه مشغل اغانى اقسم بالله كنت لازم اوطى او اطفى الكاسيت لو معدى من جنبى ناس فى الشارع معرفهمش والشباك مفتوح او لما يركب معاى حد غريب وهو نفس السبب دلوقتى ان الواحد مبيشغلهاش فى مكان رسمى مثلا
بشكل عام الموضوع لو اخدنا رأى اللى اباح واللى حرم وعقلناهم ده حتى بعيدا عن ان مفيش اجتهاد مع النص برده هنلاقى الاغانى واضحه قوى انها حرام
انا كنت بسمع اغانى بطريقه ادمانيه بشعه وربنا انعم على وكرمنى بأنى بطلت اسمعها نهائى وللأبد من حوالى شهرين وصدقونى والله فرقت فى حياتى كلها
بقيت اسمع القران بشكل مختلف عن ما كنت بسمعه زمان , وبقيت احس بلذه غريبه لما اطفى الموسيقى من اى حاجه بشوفها , وبقيت افرح لما الاقينى شغلت القران اثناء اى وقت كنت متعود اشغل فيه الاغانى ده بجانب انى اكتشفت انى كنت مبطيقش اسمع القران كتير بسبب ان قلبى متعلق بالاغانى
ربنا يهدينا جميعا
يا أخواننا أنا شايف أن التعميم غلط, فليست كل الأغاني حلال ولا كلها حرام فمنها ومنها, على سبيل المثال المطرب اللي طالع يتغزل في قوام حبيبته ويصفه بكل وقاحة و يتمنى أنو يقضي معاها ولو ليلة بل و يجاهر أنه حبه ليها وصل للعبادة_ للأسف معظم الأغاني لوقتي بالمنظر ده_ محدش يقنعني أن هذه الأغاني حلال ولا شيئ فيها. وعلى الجانب الأخر فالأغاني الدينية و الوطنية أو التي تدعو للعمل أعتقد أنه لا شيئ فيها مادامت لا تلهي عن العبادة. ومرة تانية التعميم هو اللي موقعنا كلنا في المشكلة دي. و أخيرا أنا شايف أن سماع كلام الرحمان تبارك وتعالى أفضل 100000 مرة من سماع كلام البشر و لو كان هادف.
تحياتي.
نعم تلك هى الخلاصهاقتباس:
و أخيرا أنا شايف أن سماع كلام الرحمان تبارك وتعالى أفضل 100000 مرة من سماع كلام البشر و لو كان هادف.
فيارب حبب الينا سماع كلامك
وكرهنا فى سماع غير كلامك
فلن نهتدى إلا عن طريقك
هوا انتا شغلت الفيديو بتاع الشيخ الشعراوي ؟؟؟
سمعته؟؟؟؟
ماهو بيقول نفس الكلام
ومفسر لهو الحديث
وقالك اي شئ يلهي عن ذكر الله
يشتري
يعني يطلب
ويدفع ثمن
في شئ رخيص
في حين ان الدين
جايلك
لحد عندك
ومن غير تمن
وغااااااااااااااااااااااا ااااااااااااالي اوي في القيمه
تروح سايب ده وماسك ده
تروح للباطل وتسيب الحق
والراجل واضح
قاللك كل شئ يلهي عن الغرائز
شيل اللحن
اثار الغريزه
او النفس
فهو باطل مره
اتحط عليه اللحن فهو باطل مرتين
الام تغني لابنها حلال
الفتاتين كانوا في بيت السيده عائشه وغنوا يوم العيد
والرسول مأنكرش لانهم ستات مع بعض
والبنتين دون سن البلوغ يعني اطفال
ويوم الفرح اما الرسول قال للسيده عائشه غنوا كذا في الفرح
ايه المشكله
هوا مش فيه افراح اسلاميه
؟
بيغنوا فيها ايه
انا زوجتي بتنشد في الافراح الاسلاميه
بنات مع بعض وبيغنوا اغاني للزوجه
والولاد مع بعض يغنوا الاناشيد
فين الحرام
انما ميجيش خالد الجندي وطنطاوي يقولولي بسمع ام كلثوم وعبد الحليم وعاوزني اقول امين
متقوليش
قدر احمق الخطي سحقت هامتي خطاه
وعاوزني اسكت
وتقولي ده عبد الحليم
متقوليش
لا حسلم بالمكتوب ولا حرضي ابات مغلوب وعاوزني اقول ماشي
متقوليش
خدني لحنانك خدني علي رأي الشيخ كشك
خدك ربنا ياشيخه
اكتر حاجه بحبها فيكي هوا ده وهيا دي
قالوا اختار بين جنه ونار اخترت انا نارك
وبعدين يعني
حنروح فين تاني
شتان بين غناء ينفع يتغني في مناسبات معينه
والغنا عمال علي بطال
غني بس كلام ينفع يتغني وفي مناسبته
ومن غير مووووووووووووووسيييييييقي
من غيييييييييييير ايقاااااااااااااااااااااا ااااااااااااع
الفرق بين اغنيه احمد بو خاطر زوجتي
واغنيه هاني عادل تتجوزيني اللي استاذ معز مسعود مألف كلماتها ومنزلها في عيد الحب
زي الفرق بين السما والارض
الاولي تاخد بيها حسنات
والتانيه تاخد بيها ذنوب
عشان الايقاع بس
مش عشان حاجه تانيه
الغناء فيه حلال وفيه حرام
انما مفيش موسيقي حلال وموسيقي حرام
مينفعش اخد توزيع موسيقي ليالي الحلميه واما احط عليها طلع البدر علينا تبقي حلال
الموسيقي حرام في كل حالاتها
انما الكلام اتكلم
لحنته لحنه
بتقول ايه
بتحمس الشباب للجهاد
ولا ام بتهدهد ابنها عشان ينام
ولا بتقول كلام حب لبنت عشان تميل دماغها
وعيونك وشعرك وقلبك وخصرك
انما حتقول نشيد للجهاد بالموسيقي حرام
بتقول طلع البدر علينا من ثنيات الوداع حلال
حطيت عليه طبله ودف ومزمار وناي
باظت
مبقتش طلع البدر علينا
بقت طلع الشيطان علينا
من كل حته
فهمت بقي ولا ايه
:shine[1]:
اخويا حبيبي ف الله فاني ميكي
انا على فكره من ساعتين وانا قاعد ع الجهاز مشغل اغاني مش عارف اقولك قاعد مخنوق اوي اوي والله والله قاعد مخنوق
قولت اقرا الموضوع بتاع حياتي بلا اغاني حاليا بقالي ساعة بسمع قران اختلاف تااااااااااااام ف حالتي النفسي وهدوء اعصابي
يا جماعه كفاية الايه اللي بتقول ألا بذكر الله تطمئن القلوب
وعلى فكره انا ف خامسة طب وقعدت كتير مع اطباء نفسيين عشان بحب التخصص ده وبحب الكلام المنطقي النفسي عمري دخلت عياده من العيادات دي ولا حتى عندنا ف العيادات الخارجية بيكون في اغاني
كل الاماكن دي بتتسم بالهدوء
عاوز اقولكو اني لما بسمع الاغاني والله والله والله وربنا يسامحني على كده مش بطيق اسمع صوت القران وحتى بقوم للصلاة بالعافية وبكروت في الركعات كمان
اسمع قران وابطل اغاني الاقي نفسي بقوم اتوضا قبل كل صلاة واصلي كويس
ربنا يهدينا جميعا ويهديني كمان يارب
ادعولي مضعفش واسمع اغاني تاني يا جماعه
الرأي اللي بيقول انها حرام مقنع بصراحة... و حتة انها بتلهي الواحد .. دي اكتر حاجة مقنعة
ربنا يهدينا جميعاً
كلامك صح يا استاذ محمد
عاوز اقولك انا ليا صاحب من ايام ثانوي الولد ده كان حافظ القران بسم الله ما شاء الله تحب تبص لوشه تحس انه فعلا فيه حاجة لله
دلوقتي - ربنا يهديه ويهديني - بيسمع اغاني ولا عاد بيقرا قران وبيشرب سجاير والله اني كل ماشوفه بحس ان النور اللي ف وشه راح هو نفسه حاسس بكده
ربنا يكرمك ياميكي باشا
لاصرارك علي الحق
والله بتلهييييييييييييييييييييي يييييييييي
وبتخليك مالكش نفس تسمع قران
أنا قولت إللى عندى حضرتك و معنديش معلومات تانية و ماينفع أفتى ...
نقطة الخلاف إللى بينى و بينك ....
إن حضرتك مصمم على إنك تصف مجموعة من العلماء بالمخطئيين ..
لمجرد إن حضرتك مقتنع برأى المجموعة الأخرى ...
و ده ماينفعش
لسبب بسيط قوى إن إحنا مش فى علمهم ..
خصوصا فى مسألة إختلاف ...
يا اخ سيف هوه حضرتك ماخدش بالك من اي مشاركه انا كتبتها
يا اخي الحبيب المسالة مش مساله خلاف نهائيا لان دي مسالة فيها اجماع يعني مفيش خلاف في التحريم
ومعني ان فيه بعض العلماء زي مابتقول يعني خالفوا الاجماع ده فده مش خلاف معتبر ولا يعتد برإيهم لان من قبلهم كان فيه اجماع
وبعدين حضرتك عشان تريح دماغك خد دايما بالراي اللى فيه دليل من صحيح الاحاديث و القران مش اللي يقولك فلان قال كذا و كذا
وزي ما الامام الشافعي قال : اذا صح الحديث فهو مذهبي
اللهم اهدنا اجمعين و ارزقنا حسن العمل و ابعدنا عن الجدل
جزاكم الله خيرا لكل من يدافع عن الدين ويرفع لواء الحق
وربنا يهدينا جميعا كل من يتعصب ويأخذ العلم من غير موضعه
من الواضح أن من كتر المشاركات فاتك كتير من الحقائق اللي ممكن تفيد إزاي نختار العلماء اللي نأخذ منهم الفتوى
في الحالة دي تعالى نفصصها شويه ببساطة
روى الْبُخَارِيِّ عَنْ اَلزُّبَيْرِ بْنِ عَدِيٍّ قَالَ: " أَتَيْنَا أَنَسًا فَشَكَوْنَا إِلَيْهِ مَا نَلْقَى مِنْ اَلْحَجَّاجِ فَقَالَ: اِصْبِرُوا فَإِنَّهُ لَا يَأْتِي عَلَيْكُمْ زَمَانٌ إِلَّا وَاَلَّذِي بَعْدَهُ شَرٌّ مِنْهُ؛ سَمِعْتُهُ مِنْ نَبِيِّكُمْ صلى الله عليه وسلم ".
ده معناه أيه ؟؟
معنا أن أي زمن أسوء من الزمن اللي قبله
وده واضح جدا ، وغير كده لو قيسناه على زمن النبي الكريم عليه أفضل الصلاة والتسليم
يبقى زمن النبي أحسن من زمن الصحابة
وزمن الصحابة أفضل من زمن التابعين
وزمن التابعين أفضل من زمن تابعين التابعين
ثم الأمثل بالأمثل
ويبقى بالشكل ده أسألك سؤال : تأخد العلم من الصحابة ولا من التابعين ؟؟
طبعا الصحابة
طيب لو مالقيناش المسألة دي موجود على زمن الصحابة نعمل أيه ؟؟
يبقى نشوف التابعين ثم تابعين التابعين وهكذا
طيب لو كلام تابعي لتابعي مختلف مع كلام صحابي جليل نعمل أيه ؟؟
أكيد نأخد بكلام الصحابي بدون مناقشة لأنهم هم اللي عاصروا نزول القرآن وتربوا على يد أفضل معلم في الوجود النبي صلى الله عليه وسلم
فما بالك لو بنقارن بين صحابي جليل واحد الشيوخ المجتهدين المعاصرين ؟!!
طبعا محسومة بلا نزاع للصحابة الكرام طبعا
قَالَ تَعَالَى " وَمِنْ النَّاس مَنْ يَشْتَرِي لَهْو الْحَدِيث لِيُضِلّ عَنْ سَبِيل اللَّه "
مين اللي يعرف الأية دي نزلت في أيه ؟؟
يرضيك صحابي ولا لسه مش مقتنع ؟
لو يرضيك كمل قراية ، لو لأ أقفل الموضوع أفضل علشان ماتزودش الحجة عليك يوم السؤال
إبن مسعود رضي الله عنه :
كان ابن مسعود يقول: أخذت من فم رسول الله سبعين سورة. وكان يقول عن نفسه كذلك: أني لأعلم الصحابة بكتاب الله، وما أنا بخيرهم، وما في كتاب الله سورة ولا آية إلا وأنا أعلم فيما نزلت ومتى نزلت.
وكان عبد الله بن عباس -رضي الله عنه- يقول: كان النبي يعرض القرآن على جبريل في كل عام مرة، فلما كان العام الذي مات فيه النبي عرضه عليه مرتين، وحضر ذلك عبد الله بن مسعود، فعلم ما نسخ من ذلك وما بدل.
وقال حذيفة -رضي الله عنه-: لقد علم المحفظون من أصحاب رسول الله أن عبد الله بن مسعود كان من أقربهم وسيلة إلى الله يوم القيامة، وأعلمهم بكتاب الله. وكان عبد الله شديد الحب لله ولرسوله.
أيه رأيك فيه ينفع ولا مصطفى حسني يلم بكتاب الله أكتر ؟!!!!!!!
هو صحيح مافيش مقارنة بس معلش
المهم قال أيه إبن مسعود - رضي الله عنه - في الأية دي ؟؟
قَالَ عَبْد اللَّه بْن مَسْعُود الْغِنَاء وَاَللَّه الَّذِي لَا إِلَه إِلَّا هُوَ يُرَدِّدهَا ثَلَاث مَرَّات:
حَدَّثَنَا عَمْرو بْن عَلِيّ حَدَّثَنَا صَفْوَان بْن عِيسَى أَخْبَرَنَا حُمَيْد الْخَرَّاط عَنْ عَمَّار عَنْ سَعِيد بْن جُبَيْر عَنْ أَبِي الصَّهْبَاء أَنَّهُ سَأَلَ اِبْن مَسْعُود عَنْ قَوْل اللَّه
"وَمِنْ النَّاس مَنْ يَشْتَرِي لَهْو الْحَدِيث "
قَالَ الْغِنَاء
في الحالة دي يبقى أتفقنا أن فيه نص صريح في تحريم الغناء
طيب علشان ما ندخلش في دوامة نقاشات تانية دارت سابقا
أيه هو الغناء ؟؟
الغناء تعريفه لفظيا شيء ، والمعنى المتعارف عليه بين الناس مختلف قليلا
بمعنى أن تعريف الغناء لفظيا هو "كل من رفع صوته ووالاه، فهو غناء"
ولكن عند المعظم الغناء هو الكلام المصحوب بالمعازف
والمعازف حرام بالإجماع وتم إثباته من قبل في المشاركات السابقة
إذا الغناء يبقى بدون المعازف شعر أو كلام مقفى
وهنا يكون الحساب عليه مثل أي كلام يقوله الأنسان حلاله حلال وحرامه حرام
عندي إستفسار ..
هل حضرتك تفتكر إن العلماء الكبار أمثال الإمام الغزالى , الشيخ محمد متولى الشعراوي , الشيخ شلتوت , الشيخ يوسف القرضاوى ... تجاهلوا النصوص و ضربوها بعرض الحائط ؟؟؟
و بردوا دول علماء كبار و علامات ... هل معقولة هؤلاء العلماء وحشين ؟؟ أو معرفوش يفسروا؟؟ أو ضربوا بعرض الحائط كل النصوص و مفهمهاش ؟؟ و ليه مايكنش العكس لو إنتم بتفكروا بحيادية ؟؟؟
يا جماعة أنا مش بقول إن إللى الموسيقى و الأغانى حرام دول مخطئيين ... أنا بس كل إللى عايز أوصله إننا ننقل العلم و الفتاوى و الأراء للشيوخ و العلماء الكبار بدون تحيز و بكامل نصها ...
إختلاف العلماء رحمة ...
و أنا عن نفسي مقتنع بالرأى الأخر الغير محرم ..
و شكرا ليكم يا جماعة على المناقشة ... مناقشة كانت منتهى الأدب و الأخلاق و هى دى روح نايل موتورز ..
و جزاكم الله خيرا أنا فعلا إستفدت فى تنقية بعض المويسقى و الأغانى إللى بسمعها ..
و شكرا
يا صديقي ما هكذا تورد الإبل
كل من ذكرت هم من المعاصرين والإجماع القديم منعقد على خلاف ما اختاروه بغض النظر عن مكانتهم لأنهم جميعا مدرسة واحدة دون الخوض في التفاصيل
الخلاصة أن إجماع الصحابة لا تجوز مخالفته ممن جاء بعدهم كائنا من كان فما بالك وأن هذا الرأي الذي تنقله من الآراء المحدثة جدا ولم يتكلم بها سوى هؤلاء المعاصرين تطبيقا لقواعد معينة
وحينما تكلم ابن حزم رحمه الله في القرن الخامس الهجري بكلامه في المعازف -والذي تبعه عليه بعض هؤلاء المعاصرين بالمناسبة- يومها انتقده معاصروه غاية الانتقاد ووجهوا إليه كلاما عنيفا لخروجه عن إجماع المسلمين وشذوذ مذهبه في آلات اللهو وكذلك انتقده كل من جاء بعده...ولم تنتشر هذه المذاهب التلفيقية إلا على أيدي من ذكرت في مشاركتك وهم وإن كانوا من أهل الفضل إلا أن لهم أخطاؤهم الأصولية الفادحة والتي لا يمكن الموافقة عليها ومنها موضوعنا
رد دار الافتاء المصرية على سؤالي بخصوص حكم سماع الموسيقى
الموضوع: موضوعات أخرى الســــؤال السلام عليكم اريد معرفة حكم سماع الموسيقى (الموسقى فقط بدون غناء او كلام مصاحب لها) مع ذكر الدليل لو تكرمتم بارك الله فيكم الـجـــواب الموسيقى سواء كانت منفردة أو مصاحبة للغناء بآلات العزف المختلفة فهي مسألة خلافية، والذي عليه الفتوى إباحة الموسيقى إن لم تشتمل على ما يحرك الغرائز أو يدع إلى محرم، وذلك لعدم ورود نص صحيح صريح في الشرع الشريف يحرمها، قال القاضي أبو بكر بن العربي في كتاب "الأحكام": لم يصح في التحريم شيء. وكذا قال الغزالي وابن النحوي في العمدة. وقال: ابن طاهر: لم يصح منها حرف واحد. وقال ابن حزم: كل ما رُوي فيها باطل وموضوع قال الإمام الغزالي حيث قال : إن الآلة إذا كانت من شعار أهل الشرب، أو الخنين، وهي المزامير والأوتار وطبل الكوبة، فهذه ثلاثة أنواع ممنوعة، وما عدا ذلك يبقى على أصل الإباحة كالدف وإن كان فيه الجلاجل، والطبل، والشاهين، والضرب بالقضيب، وسائر الآلات. وكذلك ما قاله الإمام ابن حزم حيث قال : ومن نولى به ترويح نفسه ليقوى بذلك على طاعة الله عز وجل وينشط نفسه بذل على البر فهو مطيع محسن وفعله هذا حسن وأما الغناء بغير اصطحاب لموسيقى أو بمصاحبة الدف مباح ولا شيء ويتأكد في المناسبات السعيدة من عيد وعرس ونحوه، وذلك لقوله صلى الله عليه وسلم للسيدة عائشة عندما زفوا امرأة من الأنصار : أهديتم الفتاة ؟ قالوا : نعم. قال أرسلتم معها من يغني ؟ قالت : لا. فقال رسول الله صلى الله عليه وسلم : إن الأنصار قوم فيهم غزل، فلو بعثتم معها من يقول : أتيناكم أتيناكم، فحيانا وحياكم. [رواه ابن ماجه في سننه612/1، ورواه أحمد في مسنده 391/3من حديث جابر، وأصله في البخاري] وعندما زجرت السيدة أم سلمة جارية لحسان بن ثابت كان معها دف تغني فقال النبي صلى الله عليه وسلم : دعيها يا أم سلمة، فإن لكل قوم عيدا وهذا عيدنا. ذكره الهيثمي في مجمع الزوائد 206/2. ومما سبق نخلص بأن العلماء اتفقوا على تحريم كل غناء يشتمل على فحش، أو فسق، أو تحريض على معصية، إذ الغناء ليس إلا كلاما، فحسنه حسن، وقبيحه قبيح، وكل ما يشتمل على حرام فهو حرام. واتفقوا على إباحة ما خلا من ذلك من الغناء الفطري الخالي من الآلات والإثارة، وذلك في مواطن السرور المشروعة كالعرس وقدوم الغائب وأيام الأعياد ونحوها. واختلفوا في الغناء المصحوب بالآلات، والمختار من الفتوى هو ما ذهب إليه الإمام الغزالي وابن حزم من إباحة الآلات لعدم ورود النص الصحيح الصريح المحرم، ولأنها لا تزيد عن كونها أصوات تطرب حسنها حسن وقبيحها قبيح. ومما ذكر تعلم الإجابة في حكم الغناء وحده أو مصحوبا بالموسيقى، أو الموسيقى وحدها كذلك، والله تعالى أعلى وأعلم.
والله ياباشا انتا طبعا جايب الفتوي من دار الافتاء
ودول احسن ناس دايسين في اي حاجه
انا شخصيا مباخدش برأيهم في اي فتوي خالص عشان خالي كثير التلفظ بلفظ الطلاق
وكل شويه يطلق مراته ويتخانق ويولع الدنيا وااما يتصالحوا
يروحوا دار الافتاء
يقوله كنت في ساعه غضب
اه
طب ياخويا ارجع
هوا في ايه
استهبال رسمي يعني
5 مرات علي كده
ده غير الرسمي اللي اتحسبوا
ومن ساعتها وانا مباخدش بأي رأي خالص منهم
ده غير طبعا ان هما واخدين برأي الامام الغزالي وابن حزم
والاتنين دول اللي قايلين بالجواز
طب وباقي الائمه والعلماء اللي قايلين بالحرمانيه
ميعتدش بكلامهم ؟؟
مع انه رأي الاجماع؟؟؟؟
وثالثا انا لاحظت انه بيقول الموسيقي بتاعت اهل الشرب زي المزامير والاوتار
طب ماهو تلات ارباع اغانينا دلوقتي قائمه عالالات دي
وحللوا الدف ولو كان فيه جلاجل
والطبله
اشمعني دول بقي اللي حلال طيب والاوتار حرام
والحديث اللي جايبينه هوا هوا اللي بيردوا عليه بالشبهه دي
هما يقولولك ماهم بيغنوا اهم
والعلماء يردوا عليهم
ده فرح
مناسبه
ونساء فقط
واحنا مقولناش انه حرام زي ما قلنا قبل كده
المهم يعني خلاصه الكلام
ادي الرأيين اتقالوا وانتا بقي عاوز تاخد برأي الامام ابن حزم اللي علماء عصره ساعتها انكروا عليه حكايه انه يجيز الغناء دي
براحتك
والاولي تتقي الشبهات من الاول
وربنا يهديني ويهديك ويهدي شباب المسلمين
هههههههه
هما بصراحة فتحوها على البحري
اللي عايز يحلل أي حاجة يطلع عليهم
في موضوع الطلاق ده عجبني الشيخ حازم صلاح أبو إسماعيل
أصل كل واحد يقوللك كنت في ساعة غضب الشيخ حازم قال يعني هو فيه واحد هيبقى قاعد مع زوجته في ساعة صفا ويقوللها حبيبتي أنت طالق ولا لازم هتقوم خناقة وشد في الكلام ومن ثم ينطق بها الرجل
فبصراحة دار الفتوى عندنا أصبح لا يعتمد عليها
والله المستعان على أحوالنا
جزاك الله كل خير
وهذا هو الدليل على تحريم الغناء
http://www6.0zz0.com/2010/05/24/15/838500757.jpg
http://www6.0zz0.com/2010/05/24/15/948222196.jpg
http://www6.0zz0.com/2010/05/24/15/861353958.jpg
http://www6.0zz0.com/2010/05/24/15/418035216.jpg
جزاك الله خيرا
و جعله فى ميزان حسناتك
على فكرة أنا مجرب إن الكلام عن مساويء الأغاني لا يفهمه إلا من يبعد عنها فترة...
طول ما الواحد بيسمع أغاني لما بيقرأ الكلام ده عن قسوة القلب و طرد القرآن و .... الخ بيحس انه كلام ناس متشددين و مسودينها في وش الناس...
بس لما تبعد عن الاغاني فترة (كأن تذهب للعمرة مثلاً) تكتشف أنك كنت فعلاً من قبل (تمل من القرآن) بسرعة و لم تكن تصبر على قراءته أو سماعه أكثر من دقائق قليلة ولم تكن تشعر بحلاوته في قلبك ولا تصلك معانيه... لكن -وياللعجب- بعد الإقلاع عن الأغاني تكتشف آفاق أخرى لم تكن تحلم بوجودها أو أنك قادر على ولوجها... آفاق كنت تظن أنها وجدت لغيرك وأنك لست أهلاً لها...
الحقيقة أنه -وعن تجربة- الأغاني لها سكرة معينة لا يشعر بها إلا من يستفيق منها ولو لمرة واحدة... فقط هؤلاء يفهمون الفرق بين حال القلب مع سماع الأغاني و حاله عندما تكون حياتك بدون أغاني....
هناك - والله - فرق... فرق يصعب علي وصفه بكلمات... و ربما أشعر أن من وصفوه لم يصفوه بدقة... لذلك ( أعذر ) تماماً كل من لم يفهم أو لم يصدق لأنه لم يذق و لم يجرب وأدعو الله لي و للجميع بالهداية لما يحبه ويرضاه...
ترى.... هل يحب الله الأغاني ويرضاها؟؟؟
اللهم اهدنا لما تحب وترضى...
.
ايه الرجعية دي ؟
بقى دي كلام !!!! الموسيقى غذاء الروح يا عم
و : حياتي بلا أغاني .... زي الفيلم من غير موسيقى تصويرية ............
ايه الغم ده؟
يرجى مراعاة اداب الحوار
3:43pm 2/6/2010
مشرف القسم 9ب
يعني الموضوع 16 صفحه
مفيهومش حد في رد تطاول علي حد
ولا قل ادبه علي حد
وكله بيقول رأيه بحياديه وبدون تعصب
وانتا جي تقول رجعيه
وعشاق الكآبه
وغم
وانتا مش فاهم حاجه
ولا قريت اي حاجه من اللي اتكتب
ولا الادله اللي اتقالت
اقرا الموضوع كويس
وافهم الادله الشرعيه
اللي من الكتاب والسنه
وبعد ده كله لو عاوز حياتك تفضل باغاني انتا حر
زي مانا مقولتلكش انتا فاسق وفاجر ومش عارف ايه
انتا بردو مش من حقك تقول علي اي حد انه رجعي وكئيب
ان كنت متعرفش اعرف واتعلم
ان كنت غلطان لازم تعرف انك غلطان وتصحح خطأك
انما الاعتراض لمجرد المعارضه وخلاص
من غير ما يكون معاك لا دليل ولا بينه
غير مقوله عقيمه قالوها ناس عاشوا في ضلال وماتوا وهما بردو في ضلال
الموسيقي غذاء الروح
روح ايه اللي غذائها الموسيقي دي
غذاء روحك اهو
قال صلى الله عليه وسلم إن القلوب تصدأ كما يصدأ الحديد فقيل: يا رسول الله وما جلاؤها فقال تلاوة القرءان وذكر الموت
انا شايف ان الواحد يتقى الشبهات و يريح نفسة
طيب ليه كل الخلاف ده على موضوع حلال و حرام ...؟؟
طيب ليه مش تتناقش من مبدأ الكراهية ...؟؟
اعتقد ان حكم المكروه غير حكم الحرام .
بارك الله فيكم جميعا و رزقنا و اياكم الهدايه و حسن الخاتمه
دون الدخول فى تفاصيل الحلال و الحرام لأنى لست مؤهل للخوض فيها فهناك علماء كرام و اجلاء يقومون بذلك
و لكننى فقط اود ان اذكركم بأن الله سبحانه و تعالى سيحاسبنا على ما سمعته اذاننا و ما شهدته اعيننا و ستنطق جلودنا و تشهد علينا .... سيحاسبنا الله عن عمرنا فيما ابليناه .... كم يوم فى مشاهده التلفاز و كم يوم فى سماع الأغانى وكم و كم ......
لماذا خلقنا الله (وما خلقت الأنس و الجن الا ليعبدون)
و لكن نحن بشر و نفسنا اماره بالسؤ ... و البشر خطائون
و ربنا سبحانه و تعالى يفرح بتوبه العبد و استغفاره
اللهم ارزقنا صحه نفعل بها ما يرضيك عنا ... وبارك لنا فى ازواجنا و اولادنا ... و اجعلهم قره عين لنا ... اللهم ارزقنا الهدايه يا رب العالمين .... و حسن الخاتمه يارب العالمين
اللهم بماذا نشكرك و بماذا نحمدك و كل الحمد لا يكفى عين واحده نبصر بها انت من خلقتها لنا
اللهم بماذا نثنى عليك .. و لو افنينا عمرنا كله فى ذلك لا يكفى نعمه واحده من نعمك
اللهم لك الحمد ملىء السموات و الأرض و من فيهن
لك الحمد عدد خلقك و مداد كلماتك
اللهم انا عبدك ... الفقير اليك .... انت من خلقتنى فأرحمنى يا رب .... اهدى شباب المسلمين و بنات المسلمين و جميع المسلمين
يارب ليس لنا طاقه على عذابك ولا على عقابك .... اسألك يا رب انت ترحمنا و تغفر لنا
يارب اغفر لكل من شارك فى هذا الموضوع و تب عليه و ارحمه
يا رب انا اليوم فى الدنيا و بعد لحظه واحده لا اعرف مصيرى ولا اعرف قدرى فأنت لك وحدك المصير و القدر
يارب اشهدك اننى احبك و انك انت الله الذى لا اله الا هو ... و ان محمدا عبدك و رسولك
ماشي انتا صح
بس مفيش ولا حد من العلماء قال جائز مع الكراهه
كلهم بالاجماع قالوا حرام
عدا الامام بن حزم
ومن وراءه القرضاوي
ومن وراءه عمرو خالد ومصطفي حسني
ساعتها المفروض اني اخد برأي الامام ابن حزم
وفيه اجماع
شرعا لا يجوز
لان كل امام وله اخطاؤه وزلاته
حتي لو كان عالم جليل
يبقي مينفعش يبقي فيه اراء بالاجماع وانا اطلع لوحدي واقول طالما فيه امام قال يبقي انا وراه
وده اللي عمله مصطفي حسني
وعلماء الامه انكروا عليه وهاجموه في كل برامجهم
ارجو اخى الكريم ان تراجع نفسك
انتبه اخى الكريم !!!! فالكلمه يقولها الأنسان لا يلقى لها بالا ... قد تلقى به سبعون خريفا فى النار ... التى لا طاقه لانا بها
الروح من صنع الله و هى نفحه من روح الله ... و هى غير مرئيه و غير ملموسه فكيف يكون غذاء اعظم و اطهر ما خلقه الله فيك ؟؟؟؟
هدانا الله و اياكم و رزقنا حسن الخاتمه و المسلمين اجمعين