انقذونى عربيتى الاوبل95 هتموتنى

**ashrafbahaa** · 16-05-2010 11:48 PM

انا معايا اوبل فكترا 95 الشكل القديم اوتوماتيك موتور 2000 سي سي جبتها من شهر واحد 2010 واول مرة اركب الاوبل كان معايا لانسر المهم.العربيه جننتنى ومش طايق اركبها وسايبها مش عاوز ابصلها
المشكله هى ان العربيه كان فىها رجرجه فى المةتور بشكل صعب وكان فيها زلزال لدرجى ان القواعد اتفكت والزجاج الخلفى اتفك وخاصة لما اديها غيار الرجرجه تزيد اوى وكان فى بوجيه مش شغال وبعد محاولات كتير من تغيير البوجيهات والسلك..ميكانيكى قالى دى عاوزة تفك الوش ونشوف الصبابات وكان.فك الموتور و الوش وفعلا لقينا القواعد والدلايل مبوشه فيها بوش جامد والصباب بيلق فيها.وبعدين خدنا الوش ورحنا للخراط قالي انا هظبط على الصبابات اللى راكبه عشان نظيفه القواعد والدلايل بس اللى بايظه.ورحنا تانى يوم استلمنا الوش ودفعت 150 جنيه ورجعت انا والميكانيكي على الورشه وركب الموتور وقفل كل حاجه وبعدين لما استلمتها تانى يوم وطلعت اجرب لقيت نفس العيب زى ماهو ويمكن زادت الرجرجه اوى اوى فى المور وفى الغيار والعيب دا فى السلانسيه فقط على السريع تمام وفى دخان اسود بسيط من الشكمان رجعتلو تانى قالى مش عارف احنا شغلنا صح المهم اتخانقك وزعقت ومشيت ورحت لكذا واحد محدش عارف العيب انا بجد اتخنقت وتعبت نفسيا ومليش نفس لاى حاجه ..يعنى جبت قطع الغيار وعملنا الوش ودفت فلوس زى قلتها ...ارجوكم ارجوكم حد يدلنى او يقولى ايه الحل انا كان هاين عليا ارميها من فوق الجبل عشان ارتاح انا فعلا تعبت جدا ارجوكم حد يفهمنى اعمل ايه .واسف انى طولت عليكم بس انا فعلا محتاجلكم تساعدوني

**Ahmed_lol2007** · 17-05-2010 12:05 AM

قدر الله وماشاء فعل والحمد لله على كل شى
بس أنا عايز أستفسر من حضرتك على نقطة معينة وهيا هل الميكانيكى الى روحتله ده بتاع أوبل ولا بتاع كله
ثانيا هل حضرتك شارى العربية كدة ولا العيب دة ظهر معاك وهل لمبة الفحص منورة ولا لأ
وعموما العربية عايزة تخش على الجهاز عشان تعرف العيب فى إيه
وبردة إحنا نستنى ملوك الفيكترا A وهما طنانى باشا و cayman69300 وإن شاء الله خير
وكله بيعدى ومفيش داعى تتضايق نفسك

**ashrafbahaa** · 17-05-2010 12:13 AM

انا شاري العربيه بالعيب دا واللى عملها ميكانيكى عادى بس انا تاكدت من العيب الاول من كذا واحد بتاع اوبل فى فيصل ورا حى الهرم واحد ورحت للمهندس محسن فى الشارع اللى جنب هانى اوبل فى كفر طهرمس وكلهم قالو صبابات لكن العيب مستمر وانا محتاس على الاخر وبعدين قلت اجرب احرك القرص اللى داخل علبه الماف الاقيها تعلى وتوطى وتقطع بس العيب دا كان موجود ومازال موجود حتى بعد معملتش وش السلندر وقبل ماحرك الماف

**tananybasha** · 17-05-2010 12:23 AM

صباح الفل
ممكن يكون الصبابات مبوشه ماشى معاك
بس اللى بتقوله الرجه
الرجه بالشكل ده رشاشات و ماف و زادوا كمان حساس كولنت
لعبك فى الماف او اى حد مش خبره فى اللعب فيه غلط كبير قوى لأن العيب ممكن يزيد بسببه
تانى حاجة لو الصبابات مبوشه مش هتبقى رجة بس
هتبقى رجه و تفتفه و دخنه بيضا و زيت بينقص
بالأضافه الى ان العربية عندك فيها قاعده مزنده بايظة و اللى يقول عكس كده اضرب ايدك فى عينه
العربية دى ممكن يكون العيب اهيف من كده كمان
عارف ممكن ايه حتة ايدل كنترول معفن ( الجسم الدائرى الأسطوانى اعلى الرشاشات اللى داخل منه خرطوم و خارج منه خرطوم ) يعمل بلاوى
بص يا باشا انت مش اتنصب عليك لا سمح الله هما اشتغلوك و المهندس الدكتور محسن ده سيبك منه مش بيفهم لما وديتله عربيتى قاللى الموتور مفوت و فى الأخر طلع حساس كولنت
من الواضح انك من سكان الجيزه او فيصل انا ممكن ابعتك لحد من حبايبنا و يبص عليها و لو فيها عفريت باذن الله هتتعمل لأنى انا اللى باشتغل فى الأوبل بعد ما هابطل المحاسبه
هو استاذ ميكانيكا بس مالوش فى الجديد انا بقى فاهم فى الأوبل

**ashrafbahaa** · 17-05-2010 12:29 AM

طنانى باشا انا سعيد بردك وبرتاح لتخيصك للحب بجد انا من سكان فيصل عند الادارة التعليميه ياريت انا مش عارف بجد ايه الحل وخلاص فقدت الثقه فى كل الميكانيكيه وبعدين الفلوس اللى دفعتها عليه العوض...المهم يا طنانى باشا انا عاوزك بجد تدلنى انا خلاااااااااااص اتخنقت وعاوز اعرف لو هيكشف على العربيه هيكشف بكام ؟لحسن انا خلاص فلست على الاخر

**ashrafbahaa** · 17-05-2010 12:44 AM

طنانى باشا انا سعيد بردك وبرتاح لتشخيصك للعيب بجد. انا من سكان فيصل عند الادارة التعليميه ياريت انا مش عارف بجد ايه الحل وخلاص فقدت الثقه فى كل الميكانيكيه وبعدين الفلوس اللى دفعتها عليه العوض...المهم يا طنانى باشا انا عاوزك بجد تدلنى انا خلاااااااااااص اتخنقت وعاوز اعرف لو هيكشف على العربيه هيكشف بكام ؟لحسن انا خلاص فلست على الاخر

**tananybasha** · 17-05-2010 12:56 AM

بس يا باشا
صلى على النبى عارف شارع المحطة فى الجيزه و المجمع امشى بعدهم كأنك رايح المنيب و ام المصريين قدام بنك التنمية و الأتئتمان الزراعى و قهوه اسمها المشربية فيه ورشة واخده ناصيتين
اوصل هناك بس فى المتأخر بعد 3 يعنى و اسأل على الحاج عبد الحليم و قاله اتصل بمحمد الطنانى بس كده
شوف هيقولك ايه و خد كلامه ثقه و انا هاكلمه و لو قريب منه هاعدى عليك كمان ابص عليها و ان شاء الله خير
تليفونى لو حبيت تروح 0119995031

**tananybasha** · 17-05-2010 01:08 AM

و يخليك عون لملاك البى و غلابة الأيه يا تامر يا وحش

-

-

الموضوع: انقذونى عربيتى الاوبل95 هتموتنى

LinkBack

أدوات الموضوع

عرض

-

-

-

-

المواضيع المتشابهه

مقارنه هتموتنى من الحيره

العربية دية هتموتنى!!!!!!!!!

الاوبترا هتموتنى

انقذونى من عربيتى خدوها وادونى توك توك

الكلمات الدلالية لهذا الموضوع

المفضلات

المفضلات

ضوابط المشاركة