انقذونى من عربيتى خدوها وادونى توك توك

**دموع الثلج** · 03-05-2008 02:11 AM

السلام عليكم

بجد يا جماعه انا خلاص هولع فى الناس او فى نفسى من الغيظ

دى بالظبط رابع مره يخبطوا عربيتى فى اول شهر ليها معايا

وكله بسبب غباوه السواقه فى الشارع اخر خبطه واحده راكبه ميتسوبيشى 2008 لسا بالزق بتاعها واقفين فى تقاطع وقدامى وعلى يمينى عربيات مستنين الشارع يمشى راحت طالعه واحده مش عارفه ازاى بضهرها قال يعنى هترجع مرشدير عشان الشارع ده زحمه شويه انا شايفها بترجع بغباوه مفيش قدامى غير حلين اما انى ا دخل يمين البس فى العربيه اللى يمينى وبرضوه كانت هتخبطنى
او انى افتح الباب واطلع اجرى قبل ما تخبط وبرضوه كانت هتخبط العربيه

ضربت لها مليون كلاكس وكل العربيات بتضرب لها كلاكس ولا هى هنا قافله القزاز وشكلها معليه الكاسيت ولا حاسه

فى ااقل من ثوانى كانت حققت الهدف ورجعت بظهرها لبست فى الرفرف الشمال فى عربيتى ولا عزااااااااااااااااااااااا اااااااء طبعا للاخلاق

نزلت تزعق ومش عاجبها انها خبطت عربيتى ودمرت الرفرف

الناس تزعق لها وتقول لها انها غلطانه برضوه بتزعق كنت ثوانى وهنزل احطه قدام العربيه وادوس بنزين على الاخر بلاش ارف بجد

عاوزه ابيع عربيتى بعد شهر واحد زهقت من الاهمال اللى فى الناس بالشارع

**Chicco** · 03-05-2008 02:16 AM

الله يكون في عونك يا دموع ....مش عارف أقولك إيه غير قدر الله و ما شاء فعل .....لو دورتي في المنتدى حتلاقي ناس كتير عربيتهم إتخبطت و هي جديدة ....للاسف الشديد ما فيش حل ......حسبي الله و نعم الوكيل

**Ayman_Abdullah** · 03-05-2008 02:31 AM

128 احسن حاجة لشوارعنا العظيمة ههههه عشان اللى بيخبطها هو اللى بيزعل مش ال128
و ده سبب من اسباب علاقة الحب بينها وبيت المصريين

1111 222 888 forever

lol

**Dr_Smart** · 03-05-2008 02:43 AM

قدر الله وماشاء فعل الواحد بيحاول يعمل اللي عليه ويتجنب اخطاء الغير واللي ربنا كاتبه هيحصل

بس بيني وبينك اللي يزعل ان ماحدش بيعترف بغلطه ويعتذر يقوم يهون عليك الخبطة وتقول معلش ولكن السياسه المتبعه هي البجاحه وخدوهم بالصوت قبل مايغلبوكو

**hazem_khidr** · 03-05-2008 02:53 AM

لا حول و لا قوه الا بالله
ايه اللي بيحصلك دا
فانوس و رفرف.
لا بجد انتي وخده عين جامده :o.
ربنا يصبرك بس ما تكرهيش العربيه و عليكي بالصدقه

**limo** · 03-05-2008 03:21 AM

حمد لله على سلامتك -قضاء اخف من قضاء
ومعلش فى بعض الستات ملهومش دعوه بالدنيا خالص
انا مره كنت راكن فى حته ضيقه جدا وجنبى مكان ضيق لو تكتوك مش هيكفيها
لقيت واحده راكبه عربيه شاهين انا يامها كان معايا الانوس ومصصمه انها تركب فى الحته ده
المهم عملت محاولات كتيره جدا لدرجه انها وقفت الشارع تقريبا ربع ساعه
المهم جت تخش بوش العربيه مش داخله راحت طالعه (انا قولت الحمد لله الست مشيت والعربيه ملهاش نصيب تخبط )لســـــه مكمـلتش الكمه لقتها جايه بظهر العربيه راجعه بسرعه جامده (قال يعنى المكان مخداش بوشها هيخدها بظهرها )وهيييييييييييييييييييييي� �ه لبست فى الرفرف
بس الصراحه الست لما خبطتنى كانت متوتره جدا فانا صعب عليها انى اتكلم معاها باسلوب عنيف واخذت الموضوع عادى وكبرت دماغى .

الحمد لله انها جت على اد كده ربنا بيشيل عنا اقدار بشعه زى انهارضه لسه كنت طالع كوبرى اكتوبر الاقى عربيه محروقه فوق الكوبرى وعربيات المطافى مغرقه الكوبرى
فالحمد لله على كل حال

03-05-2008 03:26 AM

انا طبعا مقدره شعورك و مش عارفه اواسيكى ازاى
لكن الحمد لله
قدر الله و ما شاء فعل
شغلى فيها قرأن كتير
و الصدقه فعلا مهمه
انا نفسى تيجى تتفرجى على السيرك القومى اللى عندنا عالكورنيش و لا شارع ابوقير
فعلا الناس غرررررررررريبه
ربنا يهديهم ؛؛؛؛؛؛؛؛؛؛

**MoToRiZeR** · 03-05-2008 03:50 AM

والله من كتر القرف اللي انا حاسه جوايا من المواقف دي مش لاقي حاجة اكتبها !

بس متزعليش .. الناس دي بقت خلاص اغلبية و لازم نتعامل معاهم!!

**tutankhamoun** · 03-05-2008 08:29 AM

أهلا بكم على متن عالم العجائب
السيرك القومي .... مدينة الملاهي المفتوحة
و سباقات سيارات التصادم
و الراجل اللي يطلع بعربيته سليمة
و تحيا جمهورية المهلبية .... و السَلطة ..... و البالوظة
يوجد في هذه المدينة الكبيرة للملاهي حوالي 80 مليون بهلوان :D
و حوالي 5 مليون متسابق سيارات تسابق
و اللي يسبق

:D :D :D :D
تعالي خشي الماتركس معايا .......... و كبري دماغك لغاية لما تتحل أو نموت أو نهرب من البلد دي
و أهو برضه في حل في الآخر :D :D

**mohameduoser** · 03-05-2008 10:00 AM

معاك حق دلوقتى صعب تلاقى عربية مفيهاش خبطة حاجة فرف بصراحة

الموضوع: انقذونى من عربيتى خدوها وادونى توك توك

LinkBack

أدوات الموضوع

عرض

انقذونى من عربيتى خدوها وادونى توك توك - انشر الموضوع فى :

-

-

-

-

المواضيع المتشابهه

انقذونى يا جدعااااان

انقذونى عربيتى الاوبل95 هتموتنى

انقذونى من هذه الحيره

انقذونى ارجوكم

الكلمات الدلالية لهذا الموضوع

المفضلات

المفضلات

ضوابط المشاركة