سؤالين في صيانة الخمسة ألاف للساجا

**marsguy** · 17-05-2010 10:46 AM

السلام عليكم ورحمة الله وبركاته:

إن شاء الله عاوز أحجز صيانة الـ 5000 للساجا. بس أنا عندي سؤالين:

1- أكلم رقم كام عشان أحجز الصيانه؟

2- أنا طول عمري أعرف إن العربيات الجديده بيتحطلها زيت تخليقي مش معدني، لكن في صيانة الألف حطولي زيت معدني عادي!

المفروض في صيانة الخمسة ألاف أطلب منهم يحطولي زيت معدني ولا إيه؟ وهل هو بينفع أصلاً مع مواتير الكام برو ولا لأ؟

شكراً مقدماً

**ramyar** · 17-05-2010 11:23 AM

المشاركة الأصلية كتبت بواسطة marsguy

السلام عليكم ورحمة الله وبركاته:

إن شاء الله عاوز أحجز صيانة الـ 5000 للساجا. بس أنا عندي سؤالين:

1- أكلم رقم كام عشان أحجز الصيانه؟ 011787200

2- أنا طول عمري أعرف إن العربيات الجديده بيتحطلها زيت تخليقي مش معدني، لكن في صيانة الألف حطولي زيت معدني عادي!

المفروض في صيانة الخمسة ألاف أطلب منهم يحطولي زيت معدني ولا إيه؟ وهل هو بينفع أصلاً مع مواتير الكام برو ولا لأ؟ انتا ممكن تجيب الزيت الي انتا عايزه

شكراً مقدماً

**mido_soliman** · 17-05-2010 11:23 AM

انا حرد فى النقطة رقم 2 بس بالنسبة للزيت هما معندهمش غير دة باين ودة معدنى بس انت ممكن ويفضل انك تاخد الزيت اللى انت عايزة وتشترية وتوديهلهم وهما يزودوة سواء كان 5000 كيلو او 10000 زى ما تحب وبالنسبة لو عايز تحط تخليقى عندك اكتر من نوع وفية منهم على سبيل المثال فيسكو 5000 او فيسكو 3000 ودة نص تخليقى معدنى الاولانى على رواية اللى جربوة بيعد مش اقل من 15 الى 20 الف كيلو والتانى لو غيرتة على 10000 تبقى مريحة اوى والجميل ان اسعارهم رخيصة مقارنة بالانواع التانية
تحياتى

**marsguy** · 17-05-2010 11:52 AM

ألف شكر يا جماعه على الردود:

بس الرقم المكتوب ناقص رقم.

لي سؤال تاني معلش، أنا عارف إني ممكن أجيب الزيت اللي أنا عاوزه،

بس هو ليه التوكيل أصلاً مش بيحط زيت تخليقي زي موبيبل 1 زي التوكيلات التانيه ما بتعمل؟ أنا بصراحه مقلق أحسن يكون المواتير الكام برو مش بينفع يتحطلها زيت تخليقي أصلاّ.

أنا فعلا سمعت كده من واحد من أوائل الناس اللي جابوا الجين 2 في مصرـ ومش عارف صراحه إذا كان ده كلام سليم ولا لأ؟

شكراَ

**mido_soliman** · 17-05-2010 12:13 PM

مش دى الفكرة خالص يباشا هما متعاقدين مع شركة الزيت دى بس مش اكتر ولا اقل علشان كدة معندهمش انواع تانية والدليل انك لو روحتلهم بزيت تخليقى محدش حيقولك علية حاجة

**powerofhelll** · 17-05-2010 12:57 PM

المشاركة الأصلية كتبت بواسطة mido_soliman

مش دى الفكرة خالص يباشا هما متعاقدين مع شركة الزيت دى بس مش اكتر ولا اقل علشان كدة معندهمش انواع تانية والدليل انك لو روحتلهم بزيت تخليقى محدش حيقولك علية حاجة

+111111111111111111