الموضوع: مساعده في الاكسارا ارجو المشاركه

الخرطوم الخاص بصرف متكثف المياه للتكييف من الصالون للعربية بينزل المياة خلف المحرك على الآرض وده شئ عادي و لو الخرطوم مسدود حيخلى المياه المتكثفة تتراكم داخل الصالون و تعمل رائحة عفونة و كمكمة بالصالون وتسليك الخرطوم المسدود( الخاص بالمتكثفات المائية لبخار الماء الموجود داخل الصالون )يتم بواسطة توجيه خرطوم هواء مضغوط فى محطة البنزين و يوجه لأعلى من اسفل العربية فى اتجاه خرطوم التكثيف المسدود و حتلاقى الخرطوم سلك و رمى تراب او طين خفيف داخل الصالون على الأرضية وده دليل على ان الخرطوم سلك بدون ما تحتاج انك تبص مباشرة على الخرطوم لأنه فى مكان مخفى اسفل الثلاجة (سربنتينة التبريد)المثبتة اسفل تابلوه العربية .

يوجد مكان اخر به متكثف ماء امام الموتور و هو خرطوم طرد ضاغط(الكومبريسور الفريون)التكييف وخصوصا عند البلف الخانق المثبت بجسم الكمبريسور و بيخلى ضغط الفريون يقل جامد و حرارته بالتالى بتقل جامد ويخلى ماسورة الفريون المتجهة من الكومبريسور الى الثلاجة فى الصالون تسقع جامد و بالتالى تتكثف عليها بخار المياه الموجودة فى الجو و الماسورة(للفريون) يظهر عليها تعريق مياه و مازاد عن ذلك من تكثيف و تعريق كفيل بتكوين نقط مياة كبيرة تسقط على الأرض من امام الموتور.
ولو حطيت ايدك على خط طرد الكومبريسور (وليس خط السحب الساخن) حتلاقيه مثلج.