محتار جدا بين البيرسونا واللوجان

**momopersona** · 18-05-2010 07:14 AM

بيرسونا على طووووووووووووووووووول
ومش ضيقه خالص على فكره وممكن تشوف الواجا بردو عائليه اكتر

لكن لو معاك سعر البرسونا والواجا يبئا حرام عليك تجيب لوجان

**dreslam** · 18-05-2010 08:20 AM

اعتقد المقارنه بين البيرسونا والسيمبول في الماركتين بس برضه مش الفئتين عشان البيرسونا موتورها 1600
لكن اللوجان فعلا زي الاخوة ما بيقولوا تتقارن بالساجا واعتقد الساجا تكسب

**jisso82** · 18-05-2010 09:12 AM

البرسونا يا باشا و لو حابب تشوف وسعها ممكن تركبها و تجرب بنفسك

**bassem.naguib** · 18-05-2010 09:19 AM

المشاركة الأصلية كتبت بواسطة m.osman

لا يوجد مقارنة طبعاً ... مع إحترامي لملاك اللوجان

بس بجد ..بعيداً عن الأداء اللي مجربتهوش... لكن لو قعدت جوة العربية اللوجان.. هتحس انك قاعد في عربية عتيقة...

بعض الحاجات المنفرة جداً ليا شخصياً (احب اقولها عشان مش بتبان غير بعد الشراء):

-كلاكس في دراع النور
-زراير الإزاز الكهربا في الكونسول اسفل مفاتيح التكييف و التحكم في اللي ورا من عند الهاند بريك
-عشان تفتح تانك البنزين لازم بالمفتاح !
-لو اديت إشارة يمين او شمال ... الإشارتين بينوروا في لوحة العدادات!!

هي فعلاً اوروبي... بس من زمن الـ504 و 131

أكتر حاجتين بيخنقوني في اللوجان .. على الرغم من أنها عربية محترمة (بالنسبة لوجهة نظر ملاكها) بالنسبة لسعرها .. وأحب أضيف حاجة تانية هي تافهة بس كشكل جمالي حركة نص كم ألا وهي مفتاح الباب معمول في الصاج مش في أكرة الباب .

**afr80** · 18-05-2010 12:16 PM

الحاجه الوحيدة اللي كويسة فى اللوجان هي موضوع استهلاك البنزين و ان بيتحطلها اي نوع بنزين حتى الـ80 و ده اللي موجود فى الرفيوهات بتعتها بره، غير ان حرام تتقارن بالبرسونا او حتى الساجا

**OOOKA** · 18-05-2010 03:25 PM

يا جماعه انا بجد متشكر جدا علي نصايحكم وان شاء الله هروح احجز في التوكيل النهارده او بكره بالكتير عالبيرسونا

**jisso82** · 18-05-2010 04:50 PM

1000 مبروك مقدما و ربنا يباركلك فيها إن شاء الله

**khpopo** · 18-05-2010 05:37 PM

المشاركة الأصلية كتبت بواسطة OOOKA

يا جماعه انا بجد متشكر جدا علي نصايحكم وان شاء الله هروح احجز في التوكيل النهارده او بكره بالكتير عالبيرسونا

مبرووووووك مقدما واهلا بيك فى العائله

ربنا يوفق

**zkralla** · 18-05-2010 06:14 PM

الف مبروك يا باشا والبرسونا عربيه محترمه جدا ماتور وعفشه وصاج وعمر افتراضى وتسارع وقدره حصانيه
من وجهه نظرى تكتسح الفئه بتاعتها تماما
وهى اساسا فئه اعلى من اللوجان وأنا ايام ما كنت بشترى لو كانت قطع غيارها منتشره زى دلوقتى كنت اشترتها لان فلوسها كانت معايا
بس ما يمنعش أن اللوجان فيها بعض المميزات هتتفوق فيها - أنا عارف أن كلامى مش هيعجب بعض الناس بس ألى مش عجبه يقولى السبب
استهلاك البنزين ( اكيد هتكون ميزه فى أى عربيه فى فئه اقل )
والوسع الداخلى (البرسونا مش ضيقه بس اللوجان اوسع )
والتقفيل
والتوكيل
والارتفاع عن الارض ( البرسونا مش واطيه بس اللوجان اعلى )

الموضوع: محتار جدا بين البيرسونا واللوجان

LinkBack

أدوات الموضوع

عرض

-

-

-

-

-

-

المواضيع المتشابهه

محتار اوى بين الbyd واللوجان

محتار بين شكل جين2 ومثبت السرعة فى البيرسونا

محتار بين البيرسونا 2012 والأكسنت rb ايه الأحسن ؟؟؟

محتار هو تكيف الجين او البيرسونا كويس ولا وحش

محتار بين النيواكسنت هيونداى واللوجان سيدان (مقارنة تفصيلية)

الكلمات الدلالية لهذا الموضوع

المفضلات

المفضلات

ضوابط المشاركة