سوال الى الاستاذ شريف

**nedved** · 18-05-2010 02:42 AM

انا عاوز اعرف ايه رايك فى العربيه الماذده الفملى 323موديل 2000 الشكل الجديد وهى سعرها كم تقريبا وايه عيبها ومميزاتها.
شكرا

**sherifowahba** · 18-05-2010 09:52 PM

المشاركة الأصلية كتبت بواسطة nedved

انا عاوز اعرف ايه رايك فى العربيه الماذده الفملى 323موديل 2000 الشكل الجديد وهى سعرها كم تقريبا وايه عيبها ومميزاتها.
شكرا

عربية جميلة وادائها حلو وناعمة جدا وفي منها كاملة مانيوال وفي اوتوماتيك وفي اوتوماتيك بفتحة سقف
عيوبها قطع الغيار وبالذات الخارجية قليلة وغير متوافرة الا استعمال الخارج واعادة بيعها مش سريع
وقطع غيارها الاستيراد الخارج موجودة بوفرة في مدينة منيل شيحة عند المحجوب موتورز بعد المنيب ب 5 كم طريق مصر اسيوط الزراعي
واسعارها في رينج ال 40 الف تقل شوية للمانيوال وتزيد شوية للاوتوماتيك بفتحة سقف وعلي حسب حالتها لان السعر ده متوسط
ارجو ان اكون قدرت اضع صورة مبسطة عن السيارة

**sherifowahba** · 18-05-2010 11:37 PM

المشاركة الأصلية كتبت بواسطة nedved

الف الف شكر ياستاذ شريف طيب هى احسن ولا البيجو 405 واللكريستاله

حضرتك عايز المقارنة من ناحية ايه بالضبط : ( اداء - كفاءة - موديل - قطع غيار - اعادة بيع - تكييف)

**sherifowahba** · 19-05-2010 02:20 AM

لا هو حضرتك مفيش عربية فيها كل المميزات يعني كل عربية وليها مميزاتها
الفاميلي ناعمة وهادية وادائها حلو بس قطع الغيار واعادة البيع زي ما وضحت سابقا
الكرستالة عربية ادائها وتكييفها ومشيها ممتاز و اعادة بيعها وقطع غيارها تمام بس ارتفاعها عن الارض منخفض و بتحك في اي مطب و موتورها 1300 سي سي مش 1600
ال 405 عربية اوربية يعني متانة وصاج و قوة بس تكييفها مش زي الكرستالة مثلا و موديلاتها الي في نفس السعر مش هتكون 2000 مثلا هتبقة اقدم
هذا كل ما عندي والاختيار عند حضرتك فقط طبقا لاولوياتك