الموضوع: علي الاستاذ شريف شاكر سرعه الرد فورا

شوف يا مان
الجنط ال-١٥ مش حاجة طبيعية في الانسر الطبيعي ١٣ و-١٤ لكن ممكن يتركب لو اخترت مقاس الكوتش الصح
إن شاء الله مفيش أي تأثير على العفشة لو مشيك عادي مش باستهتار

المقاس
الاصلي عندك هو ١٣/٧٠/١٧٥
البديل في ١٥ اختيارين
١٥/٦٠/١٨٥ أو ١٥/٥٥/١٨٥
الاول هو الافضل علشان الطرق في مصر لكن هيفرق حوالي ٤ كيلو متر أقل في قراية عداد السرعة
التاني هيدي ثبات أعلى شويه وفرق عداد السرعة هينعدم تقريباً لكن هيبقى صعب شويه إستخدامه في مصر بذات إن عربيتك مش متعدلة ومعتقدش انك مستعد تضحي بالراحة جواها .

بالنسبة للشبكة
أحسن شكل هو شكل ال-GT أو الفرام المفتوح واللي فيه شبك من جوة وده ممكن يتعمل عند بتوع الفيبر وبتكلف ٨٠ جنيه شامل السلك
أو تشتريها جاهزة من محلات الاكسسوار ودول كتير في شارع دمشق أو روح لعادل وجدي هو جايب ال-GT الاوريجينال دلوقتي عنده في المحل
أنا عن نفسي مركب الاوريجنال GT وسعرها حوالي ٢٨٠ جنيه


Thanks
Eng.Sherif Shaker