الموضوع: مساعده فى تضبيط العربيه

بص يا باشا,
بالنسبه للشبكه:
لو انت ايرو قدامك حلين:
1.شبكه زي اللي عندك و دي بتعمل من غير الرش حوالي 350 الي 450 جنيه.
2.شبكه رياضيه و دي بتكون من غير الريش اللي جوه.يعني شبكه مفرغه(فاضيه من النص) و دي هتلاقيها عند حواجب في الحرفيين او بسام برده في الحرفيين,بس بسام انضف كتير,و دي بنكون عامله 300 من غير الرش.

لو انت مش ايرو بقي:
1.شبكه زي اللي عندك بظبط و دب بحوالي 300 و تلاقيها عند اي حد بتاع قطع غيار.
2.شبكه الايرو,و دي هتركبها بس هتضطر انك تعدل في الاكصدام عشان تركب(لان اكصدام الايرو غير الاكصدامات الباقيه و انا بتكلم في قاعده الشبكه بالذات)
3.شبكه رياضيه زي اللي كتبتها فوق.



المرااااايا: و ده بقي حديث الساعه,الكل دلوقتي مغير مرايات,و في عضو عنا غيرها كلها او الكفه بس و ممكن تروح لحد بتاع مرايات يفصل لك المرايات بس قوله انك عايزها محدبه و .......

نبتدي:

1.مرايا كامله تايواني(بالكفه) و دي ب 300 جنيه عند ابو زيزو.(خلي بالك ان الكفه بتاعتها ملزوقه مش علي قاعده موتور زي الاصلي,يعني لو اتكسرت هتلزق الكفه الجديده)
2.مرايا كامله اصلي 900 جنيه.
3.كف مرايا اصلي 200 ال 250 جنيه.
4.كف مرايا محدبه عند اي حد بتاع مرايات من 35 ال 50 جنيه.

الفوجات:
1.صيني ب 275 في التوفيقيه.
2.تايواني بس مش عارف ب كام.(تقريبا 400 وانت طالع لحد 650)
3.الاصلي و دب بحوالي 2000 جنيه,و الاستيراد بتكون بحوالي 1000 جنيه او اقل حاجه بسيطه ممكن توصل ل 800

و نصيحه متجيبش اصلي,عشان كلو بيتكسر مع الزلط و الطوب و لو بتجري و دخلت فيهم طوبه بتكسرهم علطول,عشان متدفعش فلوس كتير و يتكسرو برده.
هات تايواني او صيني احسن عشان تبقي الخساير قليله لا قدر ىالله اتكسرو.

ده اللي انا اعرفه.و في انتظار باقي الاعضاء

تقبل مروري