مطلوب مساعدة فى صيتنة مازدا 3

**verynuclear** · 19-05-2010 12:20 AM

السلام عليكم يا شباب
بجد منتدى ولا أروع والشباب هنا متعاونين جدا جدا والمواضيع كلها مفيده
بعد اذنكو انا حبيت اسأل شويه اسأله لانى اليومين دول بعمل صيانه لسيارتى مازدا 3
أولا انا عايش بالامارات والسياره اشتريتها من الامارات طبعا وقطع الغيار متوفره قدامى بسهوله بس انا حبيت اعرف شويه حاجات كده عشان انا هنزل السياره مصر فى الاجازه بعد شهرين السياره عامله 103000 كم بس طبعا الطرق هنا نضيفه جدا

أولا
محتار جدا فى تغيير الاطارات بين ميشلن وبريدجستون انا مركب جنط 17 والاطار مقاس 225/45/17 هل حد عنده خبره فى انواع الميشلن- أنا بيهمنى فى المقام الاول عدم وجود صوت اثناء القياده على سرعات عاليه وثانيا ثبات السياره وثالثا النقشه تكون معقوله

ثانيا
كل اللى عملته فى السياره من ساعه ما اشتريتها هو تغيير الزيت والفلتر والبوجيهات وطبعا ناوى قبل السفر اغير سير الماكينه والتيل - هل فى شيء يجب عمله على المكيف

ثالثا
فى شيء مضايقنى فى الدريكسيون وهو لما بكسر على الاخر واعمل مارش وابدا اعدل الدريكسيون عشان ارجع بسمع طقطقه مش عارف من ايه مع العلم ان الصوت ده موجود تقريبا من ساعه ماشريت السيارة

رابعا
اليومين دول وانا بسخن السياره الصبح ومشغل المكيف بحس ان السيارة ممكن تفصل يعنى بحس انها هتبطل بس مش بتبطل هل لازم اشيك على حاجه فى الكهرباء؟

أخيرا
انا حابب راكب لما انزل مصر سوست كونى دى اجيبها منين تكون مخصوصه للمازدا ومين اللى ممكن يركبها وسعرها كام عشان انا ناوى اهبط السيارة شويه

شكرا لكم واتمنى الرد عليه

**nightmare_9595** · 19-05-2010 01:08 AM

اولا:
بصراحه الميشلان مش بعرف فيه,
البريدجستون ممتاااااااااااز و عن تجربه,بس عايز افهمك حاجه
المقاس بتاعك كبير اوي اوي اوي علي العربيه(عرييييييض) و ده هيخلي العربيه تقيله في الطلعه و الجري و استجابتها بطيئه و تسارعها بطيئ,جرب انت تبدل الجنط بتاعك ب جنط اقل في العرض هتلاقي فرق كبييييير,

بص يا سيدي,من خلال تجربتي انا اقدر اقولك ان احسن كاوتش اتعاملت معاه هو بريدجستون ادرينالين.فوق الخيال,ثبات ولا اروع و صوت ولا اهديء,و نقشه تحفه,بجد هتحبه اوي.جربه و مش هتندم. و ده غير انه ياباني و في منه run flat زي البي ام(ممكن تمشي بيه من غير هوا بس لا تتعدي بيه سرعه 80 و مسافه لا تتجاوز 150 كم ال 200 كم)

ثانيا:

مفيش حاجه تانيه,امشي في مواعيد صيانتك الدوريه عادي خالص,و التكييف ممكن تغير او تنضف فلتر التكييف,علي حسب حالته يعني

ثالثا:

لو الصوت موجود من الاول يبقي عادي,لو جديد مقدرش افيدك بصراحه لان العربيه مش قدامي و مش عايز افتي و اخترع.

رابعا:

باشا الطبيعي ان التكييف بياخد شويه من قوه الموتور,يعني عادي لو لاقيت استجابتها بطيئه او في بعض الاحيان تحس انها هتبطل.
و ممكن تتاكد من ده بطريقه سهله : تراقب عداد ال rbm و تشوف هينزل لحد كام(الطبيعي لحد 850 ال 900 لفه)و اذا نزل عن كده روح للتوكيل و هما يفيدوك ان شاء الله.

خامسا:

بلنسبه للسوست:
بص يا باشا هو اولا كده مينفعش تغير سوست(يايات)بس,لازم تغير مساعدين و ده تجنبا ان المساعدين يبوظو(يخربو)مع الوقت و الاستهلاك.اذن لازم تجيب يايات + مساعدين.

غير كده اصلا koni مش قد كده في اليايات,هات apex,eibach دول احسن كتيييييير و خصوصا eibach بس غاليييي.
و المساعدين koni ده احسن حاجه.

و اللي بيركبهم هنا في القاهره ارابكوم و عادل وجدي و حماده غزي في بور سعيد و عمرو ديزاين في اسكندريه
و سعرهم في مصر هنا(اليايات+المساعدين) 6000 جنيه + التركيب.

اتمني اكون افدتك,
تقبل مروري

**verynuclear** · 19-05-2010 09:45 AM

المشاركة الأصلية كتبت بواسطة nightmare_9595

اولا:
بصراحه الميشلان مش بعرف فيه,
البريدجستون ممتاااااااااااز و عن تجربه,بس عايز افهمك حاجه
المقاس بتاعك كبير اوي اوي اوي علي العربيه(عرييييييض) و ده هيخلي العربيه تقيله في الطلعه و الجري و استجابتها بطيئه و تسارعها بطيئ,جرب انت تبدل الجنط بتاعك ب جنط اقل في العرض هتلاقي فرق كبييييير,

بص يا سيدي,من خلال تجربتي انا اقدر اقولك ان احسن كاوتش اتعاملت معاه هو بريدجستون ادرينالين.فوق الخيال,ثبات ولا اروع و صوت ولا اهديء,و نقشه تحفه,بجد هتحبه اوي.جربه و مش هتندم. و ده غير انه ياباني و في منه run flat زي البي ام(ممكن تمشي بيه من غير هوا بس لا تتعدي بيه سرعه 80 و مسافه لا تتجاوز 150 كم ال 200 كم)

ثانيا:

مفيش حاجه تانيه,امشي في مواعيد صيانتك الدوريه عادي خالص,و التكييف ممكن تغير او تنضف فلتر التكييف,علي حسب حالته يعني

ثالثا:

لو الصوت موجود من الاول يبقي عادي,لو جديد مقدرش افيدك بصراحه لان العربيه مش قدامي و مش عايز افتي و اخترع.

رابعا:

باشا الطبيعي ان التكييف بياخد شويه من قوه الموتور,يعني عادي لو لاقيت استجابتها بطيئه او في بعض الاحيان تحس انها هتبطل.
و ممكن تتاكد من ده بطريقه سهله : تراقب عداد ال rbm و تشوف هينزل لحد كام(الطبيعي لحد 850 ال 900 لفه)و اذا نزل عن كده روح للتوكيل و هما يفيدوك ان شاء الله.

خامسا:

بلنسبه للسوست:
بص يا باشا هو اولا كده مينفعش تغير سوست(يايات)بس,لازم تغير مساعدين و ده تجنبا ان المساعدين يبوظو(يخربو)مع الوقت و الاستهلاك.اذن لازم تجيب يايات + مساعدين.

غير كده اصلا koni مش قد كده في اليايات,هات apex,eibach دول احسن كتيييييير و خصوصا eibach بس غاليييي.
و المساعدين koni ده احسن حاجه.

و اللي بيركبهم هنا في القاهره ارابكوم و عادل وجدي و حماده غزي في بور سعيد و عمرو ديزاين في اسكندريه
و سعرهم في مصر هنا(اليايات+المساعدين) 6000 جنيه + التركيب.

اتمني اكون افدتك,
تقبل مروري

الف مليون شكر على ردك السريع
بالنسبه لمقاس الاطار انا حاسس فعلا ان الطلعه بطيئه بس السياره على الطريق راسيه جدا جدا ولله الحمد انت عارف الهاى واى فى الامارات انا دايما عليه عشان كده انا كبرت المقاس ولا انت تقصد اصغر عرض الاطار نفسه اصل السياره كانت جايه بجنط 16 مقاس 205/55/16 وانا غيرته الى 17 يمكن المشكله فى عرض الاطار انا معاك
فكرت فى ادرينالين فعلا وسألت عليه هنا وهو مش متوفر وجماله ان فيه مقاسات كتير جدا على جنط 17 ده من الموقع نفسه وعجبنى انه فيه مقاس 215/40/17 ونفسى اجيب المقاس ده بس بعد البحث عن هذا الاطار وجدت انه مخصوص للسيارات السريعه جدا يعنى قاسى جدا جدا على المطبات وانا الجنط مش مستحمل قسوه بس هو فعلا نقشته تحفه

بالنسبه للمساعدين عندى حالتهم حلوه بس طبعا لازم تتغير مع الوقت انت تقصد انى اجيب يايات ومساعدين من خارج المازدا نفسها بس الاسعار اللى انت قولتها غاليه جدا

اما بالنسبه لصوت الدريكسيون هو فعلا موجود من الاول وعلى فكره وجدت ناس كتيير اوى عندها نفس المشكله وللاسف ده عيب فى المزدا

أخيرا بشكرك جدا جدا على تجاوبك السريع يا أخى الكريم

**nightmare_9595** · 19-05-2010 12:19 PM

العفو يا باشا علي ايه
احنا كلنا اخوات و بنساعد بعض
لو عايزني اسالك علي الادرينالين هنا اشوفه موجود ولا لا؟انا حاضر,
بس نصيحه بلاش تغير يايات من غير مساعدين.

تقبل مروري....

**Frozen_Pain** · 19-05-2010 01:47 PM

توصل مصر بالسلامة ان شاء الله

1- انا مع nightmare ان الكاوتش 17 كبير على العربية يعنى انا شايف ان ال16 العريض حلو جدا عليها ويتهيألى ان ميشلان وبريدجستون نفس الكفاءة

2- هو ايه سير الماكينة ده؟ انا اعرف ان سير الكاتينة ده جنزير ومش بيتغير اللى ممكن يتغير هو سير الدينامو

3- انا كمان بسمع صوت الطقطقة ده والصراحه خايف انه يكون كوبلن لا قدر الله بجد هزعل جدا انا هروح يوم الجمعة غبور وهبقى اقولك على اللى فيها ان شاء الله

4+5 دول انا ماليش فيهم الصراحة

ولو احتاجت اى حاجة فى مصر كلنا اخواتك طبعا

نسيت اسالك هى العربية عاملة ايه معاك بعد ال 100000 كيلو؟

**verynuclear** · 19-05-2010 03:06 PM

المشاركة الأصلية كتبت بواسطة Frozen_Pain

توصل مصر بالسلامة ان شاء الله

1- انا مع nightmare ان الكاوتش 17 كبير على العربية يعنى انا شايف ان ال16 العريض حلو جدا عليها ويتهيألى ان ميشلان وبريدجستون نفس الكفاءة

2- هو ايه سير الماكينة ده؟ انا اعرف ان سير الكاتينة ده جنزير ومش بيتغير اللى ممكن يتغير هو سير الدينامو

3- انا كمان بسمع صوت الطقطقة ده والصراحه خايف انه يكون كوبلن لا قدر الله بجد هزعل جدا انا هروح يوم الجمعة غبور وهبقى اقولك على اللى فيها ان شاء الله

4+5 دول انا ماليش فيهم الصراحة

ولو احتاجت اى حاجة فى مصر كلنا اخواتك طبعا

نسيت اسالك هى العربية عاملة ايه معاك بعد ال 100000 كيلو؟

أولا انا فعلا سعيد باشتراكى فى المنتدى الجميل ده وبصراحه انا استفدت منكم ومن خبراتكم كتييير جدا عن السياره

انا معاك ان الجنط 17 تقيل عليها بس بيكون شكله تحفه عليها وبيدى ثبات للعربيه خيالى على الطريق خصوصا انى دائم السفر لمسافات طويله جدا فده مريحنى هنا يمكن فى مصر عشان الشوارع تعبانه يكون صعب 17 بس هنا الحمد لله الوضع كويس حتى الجنط اللى انا مركبه وزنه خفيف فبالتالى مريحنى الى حد ما

انا كنت فاكر زيك ان فى فى السياره سير الكاتينه وكنت اعرف انه بيتغير على 40 او 50 الف كيلو فاتصلت بوكاله المازدا قالولى مفيش فى المازدا سير كاتينه وهو معروف باسم Time Belt قالولى فى شيء اسمه Engine Belt اللى هو سير الماكينه بس مش جنزير زى الالمانى هو عادى جلد وقالولى ان ده بيتغير على 120 الف كيلو طبعا دى ميزه حلوه بالمازدا بس الواحد يغيره على 100000 كيلو للأمان

بالنسبه للطقطقه ده طلع فى كل المازدا وده عيب فيها طبعا عامل زى الاكسدامات كده بتفارق عن بعض شويه وده عيب تانى

بعد ال 100000 كيلو ولله الحمد السياره زى الفل خصوصا انى زى ماقلت مغيرتش غير تيل وبوجيهات وزيت وفلتر بس طبعا كنت بجيب بيها 195 كم عالطريق السريع اما دلوقتى بجيب 190 بالعافيه وكمان اللى مضايقنى صوت قفله الباب الامامى من كتر الفتح والقفل بقت تحس انها مش تقيله كده فى القفل بروح اشوف ممكن احطلها شمع يظبط الامور شويه-المكيف معملتش فيه اى حاجه لحد دلوقتى وناوى اغير الفلتر

حبيت اضيف شيء يا شباب بالنسبه للاطارات مهمه جدا للسياره وبتريحها كتييير اوى انا بقالى اسبوع شغال عالنت بدور على نوع اطار يجمع بين المواصفات المريحه والنقشه الحلوه ومحتار جدا لانى مش لاقى حاجه ترضينى عشان كل اطار فى ميزه وعيب بس انا معجب جدا بالادرينالين بس مشكلته انه قاسى جدا خصوصا فى مصر المطبات كتيير اوى

اما بالنسبه لقطع الغيار بالامارات اقولكو اللى اعرفه ممكن تستفيدو طبعا اسعار الوكاله
تيل الفرامل 340 درهم يعنى 500 جنيه
فلتر المكيف 200 درهم يعن 300 جنيه
البوجيه الواحد 15 درهم يعنى 22 جنيه
السوسته الواحده 180 درهم يعنى 270 جنيه
الاريال 100 درهم يعنى 150 جنيه
سير الماكينه 160 درهم يعنى 240 جنيه

طبعا اسعار الوكاله اغلى شويه من بره لكن فى محلات بتبيع حاجات المازدا بره باسعار اقل شويه بس بصراحه مش بثق غير فى الوكاله

لكم منى التحيه