مشكلة معقدة

**dr_timo** · 18-05-2010 06:46 AM

انا ياجماعة جبت عربية اونو من شهر ونص تقريبا ومن اسبوعين كدة ابتديت الاحظ دخان ابيض كتير بيطلع والعربية باردة ولما بتسخن بيبطل بس لو سبت العربية عالسلانسية شوية وبعدين اكبس بنزين تقوم طلعة حبة دخان ابيض لحظة كدة وتبطل دخان بعدها عادي والعربية اول مجبتها الريداتير وطرمبة البنزين كان حصل فيهم مشكلة والعربية سخنت دة بالاضافة ان في زيت بالاقيه علي الماتور الزيت بيخرج من مكان جوان وش التاكيهات تقريبا عايز يتغير المهم حاليا ياتري اية سبب الدخنة دي هل هوة ماتو ر هيفوت ولا وش سلندر ولا الزت اللي ناشع علي الماتور دة ونازل علي مكان البوجيهات بيدخل علي الحرق وبيطلع كدخان ولا بيروح للكربراتير ويعمل كدة بردو ولا فلتر الهوا ولا البوجيهات نفسها لازم تتغير ولا اية السبب ياريت تفيدوني ياباشمهندسين المنتدي العظام

**hemalotfy** · 18-05-2010 07:29 AM

ان شاء تبقى حاجة بسيطة ومتقلقش
شوف الاول لو خرطوم الفايظ بيطلع دخان ولا لا (الخرطوم ده متوصل بالعمة بتعت الكاربراتير )

لو بيطلع دخان يبقى عندك مشكلة في الموتوتر زي شنبر ولا اي حاجة

مستنين راي باقي الاخوة الاعضاء

**m_mekkawy** · 18-05-2010 08:15 AM

الشمبر بتاع الماكنه خفيف فالزيت بيطلع على ضهر البستم والعربيه راكنه فبيطلع دخان ابيض
لازم تعمل طقم شمبر

**mrwho1982** · 18-05-2010 09:35 AM

السلام عليكم اولا

بص ياسيدي موضوع الدخان الابيض لو بيطلع بس الصبح وبعد كده بيروح يبقي مش طقم شنبر ( مع احترامي لجميع الاراء)

انت كل الحكاية ان البنزين عندك مابيتحرقش كويس فلازم تبص علي طقم الكهرباء ( ابلاتين وكوندنسر وبوجيهات ) وبعد كده تنضف فلتر الهواء ومن الاحسن تغيره

جرب كد وان شاء الله المشكلة هاتروح بس قولي عي المكنة عندك بتاكل زيت

واخر مرة غيرت زيت امتي

اتمني اني اكون افدتك وان شاء الله المشكلة بسيطة