العربيه بتبطل مني :(((((((

**smileyface** · 14-05-2010 12:03 PM

محتاجه مساعده منكم

معايا عربيه بيجو 505 بتبطل مني في الطريق تحديدا لما بهدي وانا طالعه مطب .. حتي وانا دايسه دبرياج بتبدأ لمبة الدينامو تنور الأول وبعدين باقي لمبات التابلو وبعدين العربية تقف
كنت الأول بعد لما تبطل ادورها تاني تدور دلوقتي لأ

كل ميكانيكي يقولي الكاربراتير عايز يتنضف
لما حصلت معايا اول مره ونضفت الكاربراتير مشيت كويس شهر كده وبعدين بدأ نفس العيب يظهر نضفت الكاربراتير تاني وبيك السلانسيه لكن المره دي بتمشي وتبطل تاني بعد كام متر

ايه الحل !!!!!!!!!!!!

**samirayad** · 14-05-2010 12:26 PM

- هل تم الكشف على البوجيهات ومعرفة لونها ........؟

_ هل بيتم تزويد زيت بأستمرار للمكنه.............؟

_ ماموقف فلاتر محرك السياره ( الهواء والبنزين )....؟

**SAMEH_FOUAD** · 14-05-2010 12:52 PM

غيرى فلتر الهواء والبنزين ,وغيرى بيك السلانسية ,واكشفى على البوجيهات وغيريها لو عدى عليها اكتر من 15000 الف كيلو

**SAMEH_FOUAD** · 14-05-2010 03:40 PM

المشاركة الأصلية كتبت بواسطة smileyface

أولا شكرااااااااااااااااااا بجد علي الاهتمام والرد :)
بالنسبه للعربيه :
أنا مغيره البوجيهات من حوالي شهرين
بس هابص عليهم برضه ... بس قصة البوجيهات دي اعملها عند ميكانيكي ولا كهربائي !!

بالنسبه للزيت انا برضه بغيره بانتظام

بالنسبه لفلتر الهوا والبنزين اوك هاغيرهم

بس كان في حد مره قالي انك الكاربراتير كله ممكن يتفك ويتبعت عند حد في الحرفيين تقريبا ينضفه !!
القصه مستاهله ولا دي اشتغاله ؟؟؟

البوجيهات عند الميكانيكى وهو بردة اللى هيغير فلتر الهواء والبنزين
وبالنسبة للكربراتير مش لازم يتفك خالص حضرتك كدة بمنظف كربراتير هينظف واهم حاجة البيجات
بس ماتخليهوش ينظف الكربراتير بطريقة تغير سلوك البوجيهات او فتح الكهرباء مرة واحدة لان الحركة دية ليها تأثير جامد جدا على اجزاء الماتور وممكن تكسرها

**smileyface** · 14-05-2010 04:30 PM

المشاركة الأصلية كتبت بواسطة semsem kane

بس ماتخليهوش ينظف الكربراتير بطريقة تغير سلوك البوجيهات او فتح الكهرباء مرة واحدة لان الحركة دية ليها تأثير جامد جدا على اجزاء الماتور وممكن تكسرها

معلش انا مش فاهمه النقطه دي

**smileyface** · 14-05-2010 04:32 PM

المشاركة الأصلية كتبت بواسطة eng:mohamed

صيانة الكهرباء...
الأبلاتين و الكوندينسر هل غيرتيهم قبل كده؟؟ ومن مدة قد إيه؟؟

أنا شاريه العربيه من أول فبراير تقريبا .. ماغيرتهومش
وماعرفش صاحبها كان مغيرهم امتي ؟؟

**mrsailor** · 14-05-2010 04:40 PM

المشاركة الأصلية كتبت بواسطة smileyface

محتاجه مساعده منكم

معايا عربيه بيجو 505 بتبطل مني في الطريق تحديدا لما بهدي وانا طالعه مطب .. حتي وانا دايسه دبرياج بتبدأ لمبة الدينامو تنور الأول وبعدين باقي لمبات التابلو وبعدين العربية تقف
كنت الأول بعد لما تبطل ادورها تاني تدور دلوقتي لأ

كل ميكانيكي يقولي الكاربراتير عايز يتنضف
لما حصلت معايا اول مره ونضفت الكاربراتير مشيت كويس شهر كده وبعدين بدأ نفس العيب يظهر نضفت الكاربراتير تاني وبيك السلانسيه لكن المره دي بتمشي وتبطل تاني بعد كام متر

ايه الحل !!!!!!!!!!!!

ده مسمار الهواء بتاع الكربيراتير .. او بيك سيلانسيه و حش

**SAMEH_FOUAD** · 14-05-2010 05:54 PM

المشاركة الأصلية كتبت بواسطة smileyface

معلش انا مش فاهمه النقطه دي

احيانا الميكانيكة بيستسهلوا انهم ينظفوا الكربراتير بدون اى منظفات او يفكوة فبيلجأوا لطريقة خطرة جدا على اجزاء الماتور وهية :
1:تغير سلك البوجيهات واحد مكان واحد مع الضغط على الاكسراتير فيتم عمل فرقعة جامدة جدا الفرقعة دية بتخرج اى شوائب موجودة فى الكربرايتر بسبب قوة الدفع بتاعتها بس فى نفس الوقت بتبهدل الماتور وممكن تكسر اجزاءة
2:فتح الاسبراتير مرة واحدة يعنى بيخلى الكهرباء تبقى عالية جدا وبردة بتنظف الشواءب اللى موجودة فى الكربراتير بس مضرة جدا باجزاء الماتور يعنى ممكن تكسر عمود كرنك
فلو قالك انة هايعمل الطريقة دية ماتخليهوش يعملها