الموضوع: نساعدهم ولا لأ ولا رأيكم إيه؟ (وائل عطية)

المشاركة الأصلية كتبت بواسطة وائل عطية

ياحاج حازم

صلي على سيدك النبي

صليت ؟؟

خلاص بقى:)

عليه الصلاه و السلام :)
سيبك من دا كله حنشوفك بكره و لا لاء يا باشا متهيالي العربيه موجوده اهو يعني مالكش حجه :)

المشاركة الأصلية كتبت بواسطة CryptonX

اخيييييييييرا :)
حد جاي من كوكبي :)

على العموم يا جماعة
اهه اتقفل و ان شاء الله لن يفتح تاني .
والي فهمته من الاخبار ان الوضع رجع تحت السيطرة تاني
و لكن في استنفار امني كامل علي حدود القاهرة و الاقصر و اسوان
علشان في 4 " فلسطنينين " اخوانا معاهم متفجرات و محدش لقيهم
ربنا يستر علينا .

و ياريت يا حازم اشوفك بكرة
وياريت اشوفك يا استاذ وائل و يا استاذ ابو عبدالله و يا استاذ حسن
و طبعا يا استاذ اسلام :)

انا متابع من بدري يا كيمو و قولت رايي قبل كده
يا راجل دا الامن بيفتش واحد لقي معاه قنبله يدويع بيس|ألوه قالهم دا تسليح ذاتي !!!!!!!
يخشو يخربو البلد و احنا ما صدقنا السياحه تنتعش شويه
من الاخر
يخشو بادبهم اهلا و سهلا
يخشوا باسلحتهم و دولاراتهم المزيفه و الارف دا يبقي قلتهم احسن و يتعاملو معامله الاعداء .
دا قله ادب يهدوا السور و يخشوا يبلطجو و يتهجموا علي الامن ليه يعني هو احنا بقينا ملطشه للدرجادي.

اولا احب اصحح معلومة عن حكم الجهاد انه فرض كفاية فأقول انه من خلال دراستي للفقه بالأزهر الشريف فإنه اذا حل عدو بأرض للمسلمين وكان اهل هذه الأرض قادرين علي الذب عن انفسهم فان الحكم فرض كفاية اي اذا قام به البعض اي الجيش سقط عن الكل اي عن باقي اهل المدينة مثل هذا كالسلام و تشميت العاطس اما اذا اهل المدينة غير قادرين علي الدفاع لعجز او عدم توازن كبير كان الجهاد حكمه فرض عين اي علي كل بالغ قادر عاقل في هذه المدينة اي ليس الجيش فقط فإن لم يكفوا وجب ركز في دي وجب علي اهل البلاد المجاورة الدفاع عنهم فإن لم يكفوا انتقل الأمر الي البلاد المجاورة و هكذا
ولكن دعونا نتكلم عن أمر اخر وهو الحملة الشعواء ضد اهل غزة بدعوي الامن القومي!! الواقع يقول ان مصر لم ولن تهدد من أي دولة عربية ليس لأنهم ملائكة ولكن لاعتبارات اخري تفرضها مكانة مصر لا مجال لسردها فقد تخاف دول الخليج من قوة ايران كما فعلت مع العراق سابقا اما مصر فتعاملها من منطلق الند اما امننا القومي فهو مستباح تماما فامن مصر يمتد من حدود سوريا مع تركيا و العراق شمالا الي ارض الحجاز جنوبا و منابع النيل في وسط افريقيا وعلي غير المصدق ان يفتح كتب التاريخ ويري اوقات ازدهار مصر علي مر الزمن كان ما سبق حدودا لمصر طيب الان لا وجود لمثل هذا الاحتلال فما الحل للحفاظ علي أمنك القومي? الحل عدم وجود دول قوية مختلفة معك في المنطقة كاسرائيل و تحييد جميع الدول المحيطة وجعلها دول صديقة وتدور في فلكك و هذا سهل جدا بالنسبه لامكانات مصر بعيدا عن المال الان وبعد هذا كله ما حال امننا القومي وأيضا يظهر ان حروبنا كلها مع اسرائيل ان بان ظاهرها بأنها لمصلحة فلسطين فهي في الأصل لمصلحتنا اساسا حتي وان قيل عكس ذلك

المشاركة الأصلية كتبت بواسطة hazem_khidr

عليه الصلاه و السلام :)
سيبك من دا كله حنشوفك بكره و لا لاء يا باشا متهيالي العربيه موجوده اهو يعني مالكش حجه :)




انا متابع من بدري يا كيمو و قولت رايي قبل كده
يا راجل دا الامن بيفتش واحد لقي معاه قنبله يدويع بيس|ألوه قالهم دا تسليح ذاتي !!!!!!!
يخشو يخربو البلد و احنا ما صدقنا السياحه تنتعش شويه
من الاخر
يخشو بادبهم اهلا و سهلا
يخشوا باسلحتهم و دولاراتهم المزيفه و الارف دا يبقي قلتهم احسن و يتعاملو معامله الاعداء .
دا قله ادب يهدوا السور و يخشوا يبلطجو و يتهجموا علي الامن ليه يعني هو احنا بقينا ملطشه للدرجادي.

كلامك صح ياباشا بس انا رحت العريش ورفح اليومين دول وقابلت فلسطنين كتير وكلهم مش مبسوطين من حماس لأنهم زي ماقالوا ما سابوش حد الا واعتدوا عليه بالضرب والرصاص وفيه ناس كتير ماتت لأن أغلب الفلسطنيين فتحاوية فكانت حماس قال ايه بتأدبهم فهم قالوا انهم اتخموا ف حماس لأن مبادئهم ممتازة و لانهم بيقاوموا ولأن الفساد ملي فتح لكن اتضح انهم زي بعض وبالنص كما قال احدهم ابن حماس ف غزة ابن ريح يعني ع رأسه ريشة من الاخر والباقي يولع فأعتقد ان مصر لازم تشد ودان حماس شوية عشان يتربوا

المشاركة الأصلية كتبت بواسطة Dr Zezo

كلامك صح ياباشا بس انا رحت العريش ورفح اليومين دول وقابلت فلسطنين كتير وكلهم مش مبسوطين من حماس لأنهم زي ماقالوا ما سابوش حد الا واعتدوا عليه بالضرب والرصاص وفيه ناس كتير ماتت لأن أغلب الفلسطنيين فتحاوية فكانت حماس قال ايه بتأدبهم فهم قالوا انهم اتخموا ف حماس لأن مبادئهم ممتازة و لانهم بيقاوموا ولأن الفساد ملي فتح لكن اتضح انهم زي بعض وبالنص كما قال احدهم ابن حماس ف غزة ابن ريح يعني ع رأسه ريشة من الاخر والباقي يولع فأعتقد ان مصر لازم تشد ودان حماس شوية عشان يتربوا

على فكرة كلام حضرتك مرسل جدا

يعنى ايه اغلب الفلسطنين فتحاوية

لو كانو زى ما حضرتك بتقول كانوا منتخبوهاش كان شعب غزة اصلا مستحمش تسعة اشهر من الجوع والحصار ان لم يكن مؤمنا كامل الايمان باختياره

شعوب قليلة هى من تتحمل الجوع المتواصل ثمنا لاختيارتها

لو كانوا زى ما حضرتك بتقول كانوا من اول يوم حصل قصف لمنازلهم او خلص الاكل من بيوتهم او متسلموش رواتبهم كسروا الدنيا وكانوا فتحوا المعبر بالقوة زى دلوقتى بس من زمان


حضرتك اللى فجر الازمة والمشكلة فى غزة
هى مش حقول الحماقة الاسرائيلة ولكن التجبر الاسرائيلى لما منعوا عنهم امدادات الوقود وقطعوا عنهم الكهرباء

هنا تفجرت الامور

الاطفال المبسترين يموتون فى حضانتهم

و الادوية غالية الثمن تفسد من جراء توقف المبردات عن العمل

و اجهزة التنفس الصناعى لكبار السن توقفت هى الاخرى

حدث نوع من الغليان داخل القطاع

غليان شامل

كانت القشة التى قسمت ظهر البعير

وحدث التفاق بين المخابرات المصرية وحركة حماس لتمثيلية خرق الحدود و الدخول داخل مصر فمصر ليست بالدول الساذجة التى يدخل حدودها كل من هب ودب ومصر ليست بالضعف الذى لا يستطيع حماية حدودة

ولكن حتى يتم رفع اى حرج عن القيادة السياسية فى مصر من جراء اتخاذ قرار فتح المعبر تم حبك هذة التمثيلة جيدا



اما ما حدث من اشتباكات فقد اسلف الذكر عن المخطط الحقيقى لها فى مشاركة سابقة

المشاركة الأصلية كتبت بواسطة ahmed ismail

وحدث التفاق بين المخابرات المصرية وحركة حماس لتمثيلية خرق الحدود و الدخول داخل مصر فمصر ليست بالدول الساذجة التى يدخل حدودها كل من هب ودب ومصر ليست بالضعف الذى لا يستطيع حماية حدودة

ولكن حتى يتم رفع اى حرج عن القيادة السياسية فى مصر من جراء اتخاذ قرار فتح المعبر تم حبك هذة التمثيلة جيدا



اما ما حدث من اشتباكات فقد اسلف الذكر عن المخطط الحقيقى لها فى مشاركة سابقة

أخطر جزء فى كلامك

هل تعتقد حضرتك إن خلاص كل حاجة بقت بتمشى على هوانا ..... و مفيش حاجة بتحصل إلا بمزاجنا !!!

يعنى إيه تمثيلية ...... حكاية تمثيلية دى بتحسسنى إن حضرتك بتحاول تلاقى أى مبررات لفكرة معينة فى عقلك ..... و تؤلف أحداث معينة بتسلسل معين عشان تثبت لنفسك إن ده صح ...... تمثيلية إزاى يعنى

مستحييييييل يا فندم يحصل الكلام ده ........ إنت ناسى إن مصر ضد حماس أساساً .. زى ما ضد الإخوان .... ده غير إن حماس أخطر ألف مرة من الإخوان على مصر .. حماس دلوقتى بتعمل اللى كنا خايفين إسرائيل تعمله .... نقوم نساعدها كمان !!!

أرجو تحرى الدقة فيما يقال عشان ميعديش حدود العقل ...... و حكاية تمثيلية دى بصراحة واسعة شوية

يا ريت متضايقش من كلامى .. الخلاف فى الرأى لا يفسد للود قضية :)

أما بالنسبة لحكاية إن الفلسطينيين أغلبهم فتحاوية أو حمساوية ....... هقول حاجة ممكن توضح

عندما ننتخب الرئيس مبارك هنا فى مصر . هل كل اللى إنتخبوه كانوا تبع الحزب الوطنى ... أكيد لأ ........ فى ناس عادية شافت إن مبارك أنسب واحد فى الفترة الحالية

اللى حصل مع حماس بقى .... إن الشعب الفلسطينيى إتخدعوا فيهم .. حماس لعبتها صح و قعدت ترسم صور رائعة لفلسطين فى ظلها و تعطى وعود بعيدة المنال ..... فشلت فتح فى تنفيذها على مر السنين الطويلة التى حكمت فيها فلسطين

مشى الشعب الفلسطينى ورا أمالهم و ورا أحلامهم البعيدة عن الواقع ... و اللى حماس حسستهم إنها قادرة على تنفيذها فى يوم و ليلة ..... و قد حدث و فازت حماس بما أرادته ...... و إصتدمت بواقع الإتفاقيات مع إسرائيل و مع الدول العربية التى ستعرقل تنفيذ وعودها ........ فلغت كل تلك الإتفاقيات و عادت بالقضية الفلسطينية لنقطة الصفر ....... طبعاً مكنش حد هيسكتلها .. كل دول العالم وقفت ضد طموحاتها الصعبة التنفيذ (و إن كان عندها حق فى بعضها) و أدركت معظم الدول و أيضاً السلطة الفلسطينية خطورة الوضع و قامت بتشكيل حكومة الوحدة الوطنية و بالطبع وافقت حماس بعد الفشل الزريع ليها فى السلطة .... و لكنها تمسكت بعنادها و فقدت المرونة فى التحاور مع الآخر و فقدت أيضاً الحكمة الدبلوماسية و فشلت حكومة الوحدة الوطنية .... و قام الرئيس أبو مازن بتشكيل حكومة طوارئ لتدارك الوضع

و لكن حماس لازم تهبش فى أى حتة و إلا هيضيع مركز قوتها ... فإتخذت من غزة مركزاً لها .... و بدأت المشاكل

معنى كده إن مش كل الفلسطينيين مع حماس أو فتح .... لكن حالياً معظم الفلسطينيين ندموا على إختيارهم لحماس .... و رجعوا بذكرياتهم لأيام فتح و تذكروا إن أحوالهم كانت أفضل فى ظل فتح .. و ده اللى يهمهم.

حماس طبعاً اللى يعارضها فى غزة ياخد بالجزمة ..... اللى هو بنسميه حكم ديكتاتورى ... لولا كده كنت هتلاقى مظاهرات ضد حماس مالية شوارع غزة.

أرجو إنى أكون وضحت الصورة اللى أنا شايفها و اللى أعتقد إنها أقرب للواقع