نساعدهم ولا لأ ولا رأيكم إيه؟ (وائل عطية)

**CryptonX** · 07-02-2008 12:49 PM

المشاركة الأصلية كتبت بواسطة أبو عبدالله

يا اخ كيربتون
انا لن اجادلك في شئ أؤمن به والا وهيا ان المسلم في اي مكان حبيبي واخي
اه ممكن يفرق في الدرجه ولكن هو الاول

بس كل ما في الأمر ان حضرتك بتتكلم بحرقه ومش احنا اللي محروقين ومش عارف ليه الكلام يبقى كده من حضرتك ولكن احنا بنتكلم عادي ومحدش ضرب حد على ايده بس انك تقول محروقين دي كلمه مش في محلها

واحنا مقولناش ان احنا موافقين انهم يضربوا حد
ولكن برضه اعتبره زي المصري اللي بيقتل اخوه المصري برضه وعامله زيه
مش بقه هنعمل فيها حميه على الفاضي
هيا ناقصه حميه

احنا كدا
مبنعرفش نتشطر الا على بعض بس

وبرضه زي ما قال اخوانا ان في كل مجتمع فيه الحلو والوحش

ليه بقه نمسك في الوحش ونسيب الحلو
وليه نخاف على نفسنا وهما أخوه لينا
يعني لما نحارب اليهود هنبقى نجيبهم على جمب ولا هيحاربوا معانا

الظاهر ان احنا بقينا مش عارفين مين مع مين وعلى مين وبقه كل واحد بيخاف على بيته وبس بل بيخاف على نفسه وبس

المفروض ان احنا يبقى لنا مثل في اجدادنا من الصحابة رضوان الله عليهم أجمعين
وهذا الكلام ليس من سمات العرب
فالعرب قوتهم انهم كلهم يد واحده واهل كرم وجود وليس اهل خسه مصالح

اولا انا بتكلم بحرقة لآن الموضوع ده يعتبر شبه شخصي بسبب اصابة زميلي بعمى دائم بسبب " المسلم " الي انت بتدافع عنه .
حضرتك مش قادر توصل لقصدي ..

انا طول عمري مع الفلسطنيني في دعائي و في مقاطعتي و في ذكاتي .
ولكن عندما يخطئ واحد منهم .. زي منت قلت .. يعاقب زي اي مجرم سافل يعاقب !
مش علشان هو مظلوم و مبتهدل يبقى معلش نعدهاله ! اصله مسلم !
طب ما المسلم لما بيزني بيعاقب ! لما بيقتل بيعاقب ! و لما بيسرق بيعاقب ؟
ده غير اني لا اعتبر شخص مهما كانت ظروفه يقتل اخيه حبيبه زي منت بقتول .. مسلم اصلا !

انت مقتنع بمبدأ المسلم اولا و ده صحيح فعلا بس ياريت غريك و الفلسطنيني يفوموا بيه لآن الشخص الي اعتدى علي صديقي بالنار و بالمناسبة الجيش المصري عثر علي معلمومات عنه و هم مجموعة شباب " مسلم " فلسطييني بحت كانوا بيهربوا بضائع مسروقة من معبر رفح .

انما في حالة حرب .. المصري عندي مهما كان دينه و اصله ... هو الاول و رقم واحد لحد عشرة عندي !
علي كدة ! لو حضرتك حصلت حرب بين بلد مسلم و بلد مسلم اخر !
وانت في الجيش ! حتمسك السلاح تضربه في الهواء و تقول احنا مسملين يا اخوانا ؟؟

انت نسيت ان ايام صلاح الدين في واحد فضل عروبيته علي دينه ؟؟

ياريت زي منت متعاطف اوي مع المسلمين كدة في ملايييييييييييين المسلمين داخل مصر في حالة العن من حالة الفلسطينين الي حتى مش عارفين يضربوا بتوع الامن زي " المسلمين " الي اعتدوا علي الجيش المصري .

احنا مش كدة و انا مش كدة !
هي الشطارة لما اتعاطف مع واحد قتلني .. علشان يا حرام ده متعذب ؟؟

انا مش فاهم انتوا بتفكروا ازياي !
الشطارة اني بلدي تنفجر و تولع .. و الاقتصاد يضرب اكتر من ماهو مضروب ؟
و فكرك لو حصلنا زي الحصل لفلسطين .. كانوا حيعبرونا ؟

المشاركة الأصلية كتبت بواسطة sab3aawy

انا شايف اننا هنا بنخلط بين حاجتين مالهمش علاقة ببعض

بنخلط بين حاجة اخ لى فى الإنسانية والدين للمساعدة

وبين سفالة سفلة لا علاج لهم سوى الإجتثاث والقصاص لما ارتكبوه فى حق رجال الشرطة

فما اعرفه ان 1+1=2 ولا يوجد اى احتمال لأن تساوى 3 أو 1.5

ديلوقتى الناس دى مش لها ولاه امر منتخبين من قبل الشعب الفلسطينى والشعب الفلسطينى هو اللى اختارهم واوكل لهم تسير اموره؟

يبقى مفروض ولاه امرهم يثبتوا انهم على قدر المسئولية ويسلموا المجرمين اللى قتلوا رجالنا الى السلطات المصرية ليتم محاكمتهم على ارض مصر على ما ارتكبوا من جرم على ارض مصر وفى حق مصريين وفى هذة الحالة لا يوجد مصرى واحد سيمتنع عن اعانة انسان مسلم او غير مسلم فى محنه وفى يد المصرى ما يقدمه له بشأنها

اما ان نرى بأم اعيننا تشجيع من بيدهم الأمر فى فلسطين للفلسطينين على مد اليد بالأذى للسطاات المصرية ثم نتهم سلطاتنا بقسوة القلب عند اغلاق الحدود فهذا منطق يصعب على معدتى هضمه، لكنه منطق مرجعه الوحيد لدى الشعب المصرى ان احنا تعودنا ان كل ما تفعله حكومتنا غلط و حرام وعكسه هو الصحيح ايا كان

الفلسطينيون اختاروا السلطة الحالية بملئ ارادتهم بعد ان انخدعوا بشعاراتها وبالتالى إما ان يجبروا سلطتهم على مراجعة تصرفاتها الهوجاء واخذها كل الأمور بالدراع والعوزى والكلاشينكوف تجاه كافة الأطراف بما فيها الفلسطينيين انفسهم او ان يخلعوها من السلطة او ان يتحملوا نتيجه اختيارهم ويستسلموا لقيام سلطتهم المنتخبة بذبح المزيد منهم بالإضافة طبعا الى معاناه الجوع نتيجة لجنون سلطتهم المنتخبة

فمثلما انه من واجبي ان اساعد الفلسطينى الذى هو فى حاجة فمن واجبى ايضا ان اساعد اخى المصرى الشرطى البسيط الذى ترك قراريطة وجاموسته فى بنى سويف او المنوفية او طنطا لكى يصاب ويقتل غيلة وغدرا ممن استقبلهم بالترحاب فى رفح

وربنا سبحانه وتعالى قال فى كتابه الكريم" "وان طائفتان من المؤمنين اقتتلوا, فأصلحوا بينهما, فان بغت إحداهما على الأخرى, فقاتلوا التي تبغي حتى تفيء إلى أمر الله" ومعنى الآية واضح ، فكون هؤلاء الناس مسلمين لايبيح لهم قتل مسلمين اخرين من اهلنا ، وعندما يكون ذلك بتحريض من سلطتهم يبقى سلطتهم ومن سار على دربها فئة باغية يجب قتالها، وابسط انواع القتال هو منعهم عن ايذاء اهلنا بغلق الحدود، ومفهومى البسيط لمسألة "حتى تفيئ الى امر الله" هو تراجع القوى المحركة للفسطينيين عن غيها واعتذارها رسميا للحكومة المصرية وتسليم المجرمين للمحاكمة والقصاص ، ده ببساطة اللى انا افهمه من غير ما ادخل العواطف فى المسائل الجادة

انا بتفق مع حضرتك
بس لا عمرنا حنمسكهم و لا حيتحاسبوا .. ما اصل الجيش المصري بتاعنا ده بالراس .. مات 20 راس .. نجيب 20 غيرها من حظيرة اخرى ..

الله يكون في عون كل المجندين و عائلاتهم .

المشاركة الأصلية كتبت بواسطة memo_hefnawy

كلمة واحدة يا أبو السباع هاقولهالك :

هو لما كل يوم و التانى إسرائيل تنش كام عسكرى على حدودنا مش دوول مصريين ؟

حد نطق ؟

إسرائيل سلمت إللى نشهم ؟ أو إللى إتسلى عليهم ؟

طب بلاش دى لما فى الإنتخابات بتاعت مجلس الشعب ناس إتطحنت و ناس إتنشت و ناس إتضربت حد فتح بقه أو حد خد حقه ؟

فى المظاهرات و الضرب إللى بيحصل حد بيتكلم ؟

الموضوع و ما فيه أنا شايف إن مفيش حاجة إسمها مصرى و سعودى و سورى و فلسطينى كلنا شعب واحد

بس نكيل بمكيال واحد و بلدنا هى لو عايزة تضغط على حماس و تخليهم يسلموا المعتدين هايسلموهم

ماتنساش إن إحنا خيرنا مغرق حماس و بيتصرفوا بتوجيهات حكومتنا الرشيده :) يعنى لو عايزينهم يسلموهم هايسلموهم بكل بساطة لكن إحنا دم المصريين عندنا رخيص فمفيش مشكلة واحد فيه غيره 75 مليون واحد حصل إيه ؟

محدش سكت .. بس محدش يقدر يتكلم
و بمنطقك ده .. فين اسرى 67 الي اتقتلوا ؟

وبعدين برده بالمنطق ده
يعني علشان مش عارف امسك واحد صهيوني اسرائيلي قتل واحد مصري .. اسيب بقى اي واحد يقتل ؟؟ مانا كدة كدة مش حمسكه ؟
لآ في فرق !
ده واحد انا بساعدة .. مش عدو ... لما يخون .. تبقى العن الف مرة من واحد عدو بيقتل عدوه !

المشاركة الأصلية كتبت بواسطة electroman

انا مصرى و مسلم لكن اعتبر اخى القبطى المصرى اقرب لى من المسلم الفلبينى او السنغالى !
.........

قطاع غزة كله مليون و نص يعنى الناس اللى فيه اقل من الناس فى حى امبابة او الهرم و حرام نفضل فى حروب 60 سنه من سنة 48 و نخرب بلدنا علشان ناس فرطوا فى بلدهم من زمان و بيحاربوا فى بعض و بيدوا الاسرائيلين اسامى و عناوين مواطنيهم عشان يجوا يقتلوهم و ضربوا جنود مصر فى الاخر و يشتمونا و قارفين العالم كله .. ايه ده كفاية !

لأ ازاي ! دول مسملين يا عم ! تعالي نديهم سيناء يبرطعوا فيها .. ماهي فاضية اهي ؟؟ و ناخد ثواب كبير .. بتدمير بلدنا و تحويلها الي ملاذ للمرتزقة .

----

الغلبان و المقهور موجود في كل حتة
والمرتزقة و الارهابيين موجود في كل حتة

الدور و الباقي علي الي عايز يساعد
يعرف هو بيساعد مين بالظبط و ازاي .

و زي ماقلت مساعدتهم .. في بلدهم عن طريق المعونات و السيارات و الطائرات بتاعة الجيش المصري و تبرعات المصريين و العرب .

**CryptonX** · 07-02-2008 01:12 PM

المشاركة الأصلية كتبت بواسطة memo_hefnawy

يا عم كريم إنت فاهم الكلام بصورة معاكسة تماما

محدش قال نديهم سينا و لعلمك ده مخطط صهيونى إن نديهم سينا و إحنا لا يمكن نقبل بده لأن ده تدمير لفلسطين أولا و سرقة لمصر ثانيا

محدش قال إن لما حد منهم يعتدى علينا نسيبه عشان ده مسلم لأ بس أنا بقولك يتعامل ذيه ذى المصرى مش يتعامل على إنه أجنبى أو يهودى

بس أعتقد كده الكلام بقى واضح أكثر و ياريت مانتفرعش لمواضيع لا طائل من وارئها

انا فاهم كويس ان دي خطة صهيونية .. دي كانت سخرية مني مش اكتر
وانا مقلتش انه يهودي و لا اجنبي انا بقول انه مجرم - ارهابي .. و الاجرام و الارهاب ملوش دين و لا جنسية .

الي مضايقني اني في ناس متعاطفة مع امثاله مش اكتر .

انا لم اتطرق لآي موضوع انا بضرب امثال سريعة بدون تفاصيل و كلها تخص الموضوع الاصلي ..و علي العموم دي اخر مشاركة ليا في الموضوع ده بما انا الصورة واضحة .

**وائل عطية** · 07-02-2008 02:01 PM

يا كريم انت تسرعت في ردودك
لازم تفهم كويس إن مفيش حد على الإطلاق يوافق على ماأصاب صديقك مش ممكن ..ربنا يصبره ويصبر أهله على مُصابهم وينتقم ممن ظلمه
وفي نفس الوقت ياكريم ماينفعش نقعد نغني لمصر وهى أمي والكلام دا
أنصحك نصيحة أخ مخلص أن تقرأ عن " الولاء والبراء"
وأؤكد لك مرة أخرى أنني شخصياً حزين جداً على ما أصاب صديقك ومتأكد تماماً أنه لا يوجد بين الزملاء من يقبل هذا
أرجوك بقى تهدى شوية وتخلطش الأمور ببعض:)

**أبو عبدالله** · 07-02-2008 02:05 PM

حصار غزة وكرامة مصر

ياسر برهامي

أضيفت بتاريخ : 04 - 02 - 2008 نقلا عن : موقع صوت السلف

الحمد لله، والصلاة والسلام على رسول الله، أمّا بعد:

قرأت مقالاً عجيباً في إحدى الصحف المسماة "بالقومية" ينتقد كاتبه بشدة، بعض الهتافات التي صدرت من بعض الفلسطينيين رغم موقف الحكومة المصرية الواعي في فتح معبر رفح وترك الفلسطينيين يدخلون إلى الأراضي المصرية، مع إمكانية مواجهة هذا الدخول بالقوة معتبراً أنّ كرامة مصر التي فوق كل اعتبار قد تقضي ـ رداً على مثل هذه الهتافات ـ بإغلاق هذا المعبر.

ونحن لا نشك أنّ مثل هذه الهتافات غير المسئولة لا تناسب القرار الواعي الذي اتخذته الحكومة المصرية والذي عبر عن إرادة شعبية مصرية عارمة لكل طوائف المصريين بمن فيهم فصائل العمل الإسلامي وغيرهم، والذي أيضاً بلا شك حقق جانباً كبيراً لا يمكن إهماله من مصالح المسلمين في غزة وقضاء حاجاتهم، وهو في الحقيقة جزء من واجبنا جميعاً في مواجهة التواطؤ العالمي على ظلمهم وحصارهم وتضييع حقوقهم.

ونحن في نفس الوقت لا نشك أنّ كرامة مصر لا يمكن أن تنالها أو تؤثر فيها مثل هذه الهتافات من البعض الذي ضاقت بهم السبل وحاصرهم الجوع والمرض والظلام والظلم بأشكاله المختلفة، بل في الحقيقة كرامة مصر في تحمل مثل هذه الصغائر والاستمرار في العمل لمصلحة المسلمين في غزة وفلسطين كلها، وعدم الاستجابة للانتقادات الأمريكية بسبب عدم ضبط الحدود، فإنّهم لا يرقبون في مؤمن إلا ولا ذمة، ولا يراعون في المسلمين حقوق إنسان، بل ولا حتى حيوان؛ فكيف نستجيب لضغوطهم ـ حتى لو جمدوا المعونة أو قطعوها ـ فإنّ كرامة مصر لا تـُشترى بالمال.

ولو وجد المصريون نداءً للإنفاق في سبيل الله لتعويض هذا التجميد أو الإلغاء، لاستجابوا ابتغاءً لوجه الله ثم حفاظاً على كرامة مصر التي يحرصون عليها، ولا يرضون أن يتحكم فيها الأمريكان أو غيرهم، ولتحملوا ما يمكن أن يقع ـ أيا ما كان ـ كنتيجة لمثل هذه المواقف التي تَرعى مصلحة أهليهم وإخوانهم في غزة وغيرها.

إنّ كرامة مصر في أن لا تنطلق منها رصاصة واحدة إلى صدر أو جسد مسلم في أي مكان في العالم عموماً وإلى سكان غزة المضطهدين المُحَاصَرِين خصوصاً مهما جرى من بعضهم غير الواعي وغير المسئول.

إنّ كرامة مصر في العمل بما أمر الله من التعاون على البر والتقوى، وعدم التعاون على الإثم والعدوان الذي منه حصار المسلمين في غزة ومنعهم حقوقهم.

إنّ كرامة مصر في الالتزام بما فرضه الله على أهلها وقادتهم تجاه أمتهم الإسلامية والعربية من موالاتهم ونصحهم، والسعي في وحدتهم ونصرهم على عدوهم وعدو المسلمين الذي لا يـُخفـِي عداوته والذي صرح القرآن لنا بأنّهم أشد النّاس عداوة لنا عبر الزمان والمكان{لَتَجِدَنَّ أَشَدَّ النَّاسِ عَدَاوَةً لِلَّذِينَ آَمَنُوا الْيَهُودَ وَالَّذِينَ أَشْرَكُوا} [سورة المائدة: 82].

وإنّ كرامة مصر في عدم الخضوع لرغبات وإرادات الأعداء، وعدم الدخول في تحالفاتهم ضد الإسلام وأهله في كل مكان.

إنّ كرامة مصر وأهلها في إقامة دين الله، وشرعه في الأرض، والسعي لإعلاء كلمته، والبعد عن تقليد الغرب في أنماط حياته المخالفة للإسلام.

إنّ كرامة مصر في أن تفتح أبوابها للمستضعفين من المسلمين، وألاّ تطرد الذين آمنوا من أي جنس كانوا إرضاء لأحد، ولنتذكر قول نوح عليه السلام: {وَمَا أَنَا بِطَارِدِ الَّذِينَ آمَنُوا إِنَّهُمْ مُلاقُو رَبِّهِمْ وَلَكِنِّي أَرَاكُمْ قَوْماً تَجْهَلُونَ} [سورة هود: من الآية 29] وقول الله تعالى لنبيه: {وَلا تَطْرُدِ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ} [سورة الأنعام: من الآية 52].

إنّ النظرة الصحيحة لهذا الموقف تجعله خطوة على طريق كرامة مصر لا العكس.

فاحذروا جزاكم الله خيراً من التفريط في الواجب الذي يمليه علينا ديننا أو تضييع حق إخواننا، وأيقِنوا أنّ الله يُعلِي شأن أمتنا كلها بالتماسك والتعاطف والتراحم والتسامح بين أبنائها، وليس بمواجهة الجهل والتعدي بجهل مثله أو تعدي، وليكن شعارنا قول الله تعالى:{وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ} [سورة فصلت: 34]، وقوله تعالى: {خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ} [سورة الأعراف: 199].

برجاء عدم استخدام اللون الأحمر في الكتابة حيث أنه مخصص للإدارة.
مشرف القسم

موقع صوت السلف
www.salafvoice.com

**CryptonX** · 07-02-2008 02:08 PM

حاضر يا استاذ وائل .
كلامك صحيح بس انا مش خالط ولا حاجة انا
قصدي ان ده يبقى درس لعدم فتح الحدود تاني .

انا مش قصدي مصر هي مصر .. انا علي فكرة مش مصري 100% انا مصري-تركي و احمل جنيسيتين . و لكني انا بتكلم عن اني اساعد الناس الي حوالية قبل الناس في بلد تانية . مش اكتر .

واسف اني انفعلت .

**وائل عطية** · 07-02-2008 02:30 PM

المشاركة الأصلية كتبت بواسطة hazem_khidr

بص يا ابو عبد الله احنا فعلا ما ينفعش لا نتعاطف معاهم كلهم و لا نولع فيهم كلهم
لكن السيئه تعم و الحسنه تخص يعني انتو في بلدنا و دخلتوا بالقوه رغم ان في ادينا نصدكم و ما اتكلمناش .
يبقي جزاتنا انكم تخشوا و تأذونا يبقي لاء ستوب لحد هنا و تتعاملو معامله الاعداء لانكم بكده لا لاجئين و لا مسلمين و لا اي حاجه خالص.
انا مع كريم في كل اللي قاله بصراحه

ياحاج حازم

صلي على سيدك النبي

صليت ؟؟

خلاص بقى:)

**bassam nagy** · 07-02-2008 02:43 PM

علية الف صلاة وسلام
كلامك ياحازم صح بس من الاول ازاى يدخلوا الحدود بسهولة كدة دنا شوفت بلدوزر فلسطينى دخل وكسر البوابات.. فين الامن المصر ازاى شاب مصرى يدخل من المطار من غير جواز سفر ويخل لحد الطيارة ازى فين الامن

-

-

الموضوع: نساعدهم ولا لأ ولا رأيكم إيه؟ (وائل عطية)

LinkBack

أدوات الموضوع

عرض

-

-

-

المواضيع المتشابهه

أين الإنسانية؟ !! (وائل عطية)

هل أنت من السخفاء؟!! (وائل عطية)

20 نكته...!! (وائل عطية)

10 نكت !! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة