الموضوع: نساعدهم ولا لأ ولا رأيكم إيه؟ (وائل عطية)

ايه يا اخوانا اللي بتقولوه ده .. طبعا العون واجب في هذه الحالة علي كل من يستطيع .. و بعدين هو الشعب الفلسطيني ملائكة ..ما هو لازم يكون فيهم شوية ناس مش اد كده .. و كل الشعوب فيها الناس دي ..و المصريين عندنا لما بعضهم استغل حاجة الفلسطينين عند دخولهم و باع السلع باكثر من عشرين ضعف ثمنها ..ما هم برضه من هذه النوعية ..
من ناحية تانية الاخبار اللي واصلانا دي ما ادرانا انها صحيحة مائة في المائة .. و ما ادرانا الشرطة المصرية اتعاملت معاهم ازاي و هي التي لها تاريخ طويل من الكفاح المسلح ضد شعبنا المسكين .. و ما شعب السودان في شارع جامعة الدول عنا ببعيد .. ( مع تحفظي علي موقف السودانيين في هذا الموقف ) .
ثم من ادراكم ان المصابين مصابين برصاص حماس ..ما يمكن يكون برصاص طائش من اي جهة اخري ..ممكن يكون اسرائيلي .. ممكن يكون فتحاوي ..ممكن يكون من ناس لا هم حمساويين و لا فتحاويين ..و لا احنا اتعودنا ان ان اي حاجة لبسوها للاسلاميين ..
كلامي هذا لا ينفي حالة ( الارف ) الشديد التي امر بها شخصيا من جراء ما يحصل علي الحدود ..و لكن الامور معقدة و متشابكة و لا يحكم عليها الا من يعيشها بنفسه .
الشاهد في الموضوع .. ان الفلسطينين فيهم الحلو و فيهم الوحش ..و كذلك كل الشعوب ..يمكن بعض الظروف المفروضة عليهم من ( انعدام ) اكل و شرب و كهربا و غاز و ادوية هي اللي خلت بعضهم يخرج عن حدود احترام الدولة المضيفة التي فتحت اليهم حدودها ...
لكن الواجب في جميع الاحوال محاولة مساعدتهم و لو بالدعاء
نصيحة لكل الزملاء .لا تعتمد في حصولك للاخبار علي مصدر واحد فقط او حتي مصدرين .. و عود نفسك علي قراءة ما بين السطور .. و اسمع لكل وجهات النظر حول الموضوع ..ثم كون لنفسك رؤيتك الخاصة .
تحياتي

اؤيد كلام كريبتون وبشده كل المصائي في تاريخ مصر جايه من وراهم
كفايه عليهم كده اوي
لانهم ناس مبصونوش الجميل ماشيين بالنثل القائل
( حسنه وانا سيدك )
يعني احنا اللي بنساعدهم و هما يبعاملونا كانهم هما اللي بيشحتونا
و هما اكتر ناس مستفيدين من القضيه
لو عاوزينها تتحل كانو حلوها من زمان
و في الاخر يموتوا اخواتنا و اولادنا علي الحدود لا و الف لا يبقي حرام فيهم الجميل

المشاركة الأصلية كتبت بواسطة CryptonX

من كلامك يا ابو عبدالله
لو بعد الف شر يا رب .. ولدك او اخوك .. حصل له مكروه بسبب واحد من الفلسطييني " مش حقول كلهم " كنت حتقول نفس الرأي ؟

اشك !

اسمحلي اوسع دائره السؤال
و لما ييجو ينفذوا برنامج اسرائيل و يجتاحو سيناء و لا لما يضروا اقتصادك
كل يومين 3 و هتلاقي البلد بتاعتنا ملايانه انفجارات من الاسلحه اللي حماس دخلتنها هنا
و ربنا يستر
و لا عشان مسلمين ييجو يستبيحو ارضك و انت ساكت
شفت اما دخلو رفح عملوا ايه
البهاوات اللي عاملين فيها رجاله حطوا الحريم و الاطفال ادامهم عشان احنا منعرفش نضرب و عشان احنا عندنا شهامه و نخوه مضربناهمش و كمان هما اللي موتوا رجالتنا
الله يرحمهم

المشاركة الأصلية كتبت بواسطة CryptonX

عون ؟؟ دول كلاب !!
يا ريت تقرأ موضوعي !
http://www.nilemotors.net/Nile/showthread.php?t=15033

اسف مش قصدي اعمل " Hijack " لموضوعك يا استاذ وائل .. بس انا متضايق جدا !

زي ما انت قولت بالضبط يا كريم ..انت متضايق جدا ..و انا زي ما بيقولوا اتنفخت من الارف ..بس ارجع و اقولك تاني انهم مجموعة من الناس و ليس كل الناس ..
كل الناس في ضيق و حاجة و عوز و قد اقتربوا من مرحلة ذل السؤال ..
اعتبر نفسك ليوم واحد مجرد من ادني مقومات الحياة ( و لست اقول الحياة الكريمة .. علشان دي بقينا نسمع عنها بس ) ممكن تعمل اكتر منهم ..

عذرا يا حضرات ..اني هعيد جملة اتقالت قبل كده

نصيحة لكل الزملاء .لا تعتمد في حصولك للاخبار علي مصدر واحد فقط او حتي مصدرين .. و عود نفسك علي قراءة ما بين السطور .. و اسمع لكل وجهات النظر حول الموضوع ..ثم كون لنفسك رؤيتك الخاصة .