الموضوع: عايز اجيب الفلوينس بس مش عارف انهي فئة

أحسنهم ياباشا الفئة ال 135 الف جنية فيها كل الكماليات الي واحد محتاجها مع فرق سعر مش عالي ....

المشاركة الأصلية كتبت بواسطة abomar77

أحسنهم ياباشا الفئة ال 135 الف جنية فيها كل الكماليات الي واحد محتاجها مع فرق سعر مش عالي ....

+11111111

أنا بحب السيفيك وهى عربية محترمة فعلاً
بس الرينو حاجة تانية خالص
روح أى المعرض أو صالة العرض فى التوكيل واتفرج على العربية هتحس بالفرق

يقال أن هيكون فيه خصومات ومفاجآت خلال معرض أوتوماك
ربنا يسهل ويكون كلام حقيقى ان شاء الله

اتفضل ياباشا من قلب ردود وحوش الرينو حائزى الفلوانس

توماتيك Expression A - 125000.00
- جنوط عادية 15 بوصة
- تكييف هواء عادى
- مساند رأس يمكن تعديل ارتفاعها وميلها ٤ أوضاع
- فوج لايت امامى
- الكنبة الخلفية يمكن امالتها 1/3 و 2/3

اتوماتيك - Dynamic 135000.00

كل اللى فات و تزيد عنهم:
- جنوط رياضية ١٦ بوصة
- تكيف هواء أوتوماتيك " Bi-Zone" يمكن ضبط كل جانب عل حده
- مخرج خلفي للتكيف
- مفتاح كارت - ستارت بوتن " رينو كارد "
- نظام تشغيل التلقائي للمصابيح -Auto lighting sensor
- نظام التعرف على الأمطار وتشغيل المساحة تلقائياً - Rain sensor
- نظام تأخير غلق الإضاءة - Follow Me Home
- نظام تشغيل الأضواء عن بعد
- مصابيح ضباب
- مراية جانبية يمكن ضبطها و طيها كهربائياً مع تدفئة ذاتية
- راديو CD MP3 و بلوتوث و عدد ٦ سماعات
- مقبس ١٢ فولت بصندوق التخزين بمسند إليد الأمامي
- درج تبلوه مزود بإضاءة وتبريد مع التكيف

المشاركة الأصلية كتبت بواسطة engahmedmahfouz

الف شكر يا رجالة على تفاعلكم......و الف شكر يا محمد لوزة بس لو ممكن كمان ال141000 و 158000

المشكلة إني نفسي في الحاجات إلي تحت دي

- فتحة سقف
- باركنج سنسر (إلواحد مش قادر يستغنى عنو في ال gen2

______________

صباح الفل يا باشا ,,,,

علي فكرة انا معايا جن2 برده ، و عايز اجيب فلونس برده ، يا عني بصرة في كل حاجة و كنت عامل سيرفاي جامد جدااااا .

بص يا باشا : -
احلي فئة في الفلوانس 135000 دايناميك لانه في كماليات حلوه اوي و كمان مش فارقة كتير عن الفئة الي قابلها .

و انا سئلت علي الباركنج سنسورس في التوكيل افادوني بأن يمكن يركب سنسور فرانساوي ب 700 جنيه في التوكيل .

انا عارف إنه غالي شوية بس بصاراحة انا هخاف لو ودتها عن حد تاني لأنها كلها كومبيوتر و لو بوظ حاجة هتروح في الكازوزة .

و بعدين السنسور برة ب 300 جنيه سباي و 20 جنيه تركيب يعني الفرق 400 جنيه و تشتري دماغك خالص .

بس في حاجة واحدة بس مخوفاني من العربية ده ... انها كلها كومبيوتر حتي الباور كهرباء ، و موضوع ان المفتاح كهرباء و في سنسورس و مفتاح ستارت و حركات ، المهم بالنسبالي انا هستنا شوية اشوف العربية ده هتعمل ايه في السوق و الجن كويسة معايا بس انا عايز حاجة أكبر لأنها كنزة شوية .

هيا عاملة معاك ايه و أخبارها ايه ؟؟؟؟

اتمني ان ربنا يوسترها معانا كلنا و ربنا يبعد عننا اخطار الطرق و عربيات النقل

الفئة ال 135 الف جنية