الموضوع: اعتزلت السواقه لحين ميسره

بعد ما قريت الموضوع و واضح إنك مدمر و مش عارف تسوق أنا هسابقك على العربية بتاعتك الى يخسر يروح مشى إشطة
إختار المكان بس و حدد الزمان

المفاجاه الغير متوقعه ..
نازل الصبح لقيت صاحب المعرض قايل للبواب عندنا اول ما خالد ينزل اندهلى عشان نتصالح ..
المهم قلتله لا انا هروحله انا ..
روحت للراجل !!
حاجه تانيه غير امبارح خالص يا جماعه ..
اتفضل و تشرب ايه و بتاع
و احنا اسفين على الى حصل اصل الواد هو الى ركنها كده و معلش و الى ييجى فى الريش بقشيش ..
قلتله يا عم تصليح العربيه بتاعك عليا ...من افسد شىء فعليه اصلاحه و انت حقك انى اصلحهلك العربيه
..
حلف انه مش هيحصل وان نصيب العربيه كده و كان ممكن تتخبط فى اى حته و بتاع...
قلتله كذا مره ..
مش راضى طيب خد فلوس و صلحها بمعرفتك برده مفيش فايده ..
المهم اتصالحنا و عدت على خير ..
نفسى اعرف ايه الى غير الناس دى فجاه كده !!

المشاركة الأصلية كتبت بواسطة محمد محمد

ما هو انت لو لابس كت ومبين التراي والباي بتوعك وفاتح سدرك مكنش حد كلمك.
وانت دلوقتي سيد الموقف عايز تغلبه صلحله العربية... وخيركم من يبدأ بالسلام اولا.

اه ابين ده كله عشان اتحسد بقى ...هههههههه

المشاركة الأصلية كتبت بواسطة hobaz

قدر الله وماشاء فعل هدي نفسك ياباشا وبجد انا معاك في اللي انت عملته وهي كل الأشكال ده اللي وخده الدنيا بدرعها بدون نظام ولا أي تخطيط اللي جايبانا لوره.....

الحمد لله انا هديت خلاص

المشاركة الأصلية كتبت بواسطة N.a.j.d

ربنا معااك يا خااالد

الله يخليك يا نجد

المشاركة الأصلية كتبت بواسطة ENG\AHMED

احمد ربنا انها جت على اد كدة وسيبها متصلحهاش

ياريت الاخوة اللى عاشوا فى الامارات او بيحكوا حكايات عن الامارات , يارييت يارييييييييت كفاية لحد كدة حرام يعنى مش معقول راعوا شعور الناس

ممكن يحكوا عن حوادث شافوها فى مصر احسن

اصلح مين يا عم ..
و هو انا كنت صلحت الاكصدام الى ادام لما اتكسر ولا الفوج المدلدل لحد دلوقت ...

المشاركة الأصلية كتبت بواسطة momo_sunny

والله يا خالد انا مش عارف اقولك ايه هية كدة الناس بقى الحقد والغل ماليها ومستكترين على الواحد انو يركب عربية نضيفة وكويسة
وهوة صغير
وكل واحد والتانى عينو اد كدة عليك
انا سمعت واحدة بتقولى فى وشى عيل وراكب عربية اد ايه
بس هارد واقول ايه بس غير حسبى الله ونعم الوكيل
بجد نصيحتى ليك من واحد مجرب انك تبيع العربية دى عشان لاقدر الله مايحصلش حاجة اكبر من كدة بعد الشر عليك وتفكك بقى من ارفتها دى
عشان الناس بقى تنهد وتكست

ايووووووووووووووووه
صغير و راكب عربيه بتعمل هبل للناس مش عارف ليه ..
طيب يا عم ازعل لما تشوفنى بخمس بيها ..
بكسر فيها
انما ماشى محترم ..
تفرق ايه صغير من كبير ؟؟

حرامى يا عم ..
اسرق وهات واحده زيها ..
محترم و مش بتسرق خلاص زعلان ليه بقى ؟؟
والله انا اكتر من مره اسمعها بودانى "تلاقى امه جايبهالو"...

المشاركة الأصلية كتبت بواسطة lancerevolution

شكلك ما بتعرفش تسوق إتعلم السواقة الأول
يا عم قدر الله و ما شاء فعل لو بصيت كدا شوية هتلاقى الموضوع دا كان السبب فى عدم وقوعك فى مشكلة أكبر زى ما حصل معايا نفس موقفك كدا تقريبا و بسببه طلعت من موقف محرج موووووووووووووت كان هيعمل مشاكل لا تعد ولا تحصى
قول الحمد لله

فعلا ..
والله اى حد احكيلو الموقف يقولى انت مش بتعرف تسوق
و انا ثقتى فى نفسى اتهزت بعد الخبطه دى ...

المشاركة الأصلية كتبت بواسطة lancerevolution

بعد ما قريت الموضوع و واضح إنك مدمر و مش عارف تسوق أنا هسابقك على العربية بتاعتك الى يخسر يروح مشى إشطة
إختار المكان بس و حدد الزمان

المكان الشارع عندى الزمان بعد 200 سنه ..
بس كلمنى قبلها عشان اظبط وقتى

المشاركة الأصلية كتبت بواسطة khaled ayman

فعلا ..
والله اى حد احكيلو الموقف يقولى انت مش بتعرف تسوق
و انا ثقتى فى نفسى اتهزت بعد الخبطه دى ...

المكان الشارع عندى الزمان بعد 200 سنه ..
بس كلمنى قبلها عشان اظبط وقتى

نصيحة منى كبر دماغك و ما تركزش مع الحاجات دى عادى يعنى
و بالنسبة للسباق لا يا سيدى إفرض أنا خسرت أمشى كتير و أنت لو خسرت هتروح على طول خلينا على أرض محايدة و بالنسبة للمعاد ممكن أتأخر يوم عشان مش هبقى فاضى هيبقى ورايا مشوار