انا ليا فتره كده ملاحظ ان مئشر الحراره مش بيطلع عن الربع باي حال من الاحوال والمراوح بتشتغل عند الربع برده ومش بيطلع مهما كان الجو نار ومهما مشيب بالعربيه هو مش المفروض ان المؤشر يوصل النص عشان العربيه تكون في احسن اداء ليها
عرض للطباعة
انا ليا فتره كده ملاحظ ان مئشر الحراره مش بيطلع عن الربع باي حال من الاحوال والمراوح بتشتغل عند الربع برده ومش بيطلع مهما كان الجو نار ومهما مشيب بالعربيه هو مش المفروض ان المؤشر يوصل النص عشان العربيه تكون في احسن اداء ليها
المفروض يبق قبل المنتصف بحاجه بسيطه جدااااااااااااااااااااااا اااااااااااا
ممكن يكون عندك مشكله فى الترمستات
الوضع الطبيعي مع مختلف درجات الحراره هو قبل علامه النص بـ 1 مللي مثلا
لكن اللي عند حضرتك ده هيكون خلل في أداء وعمل حساس الحراره (صباع الحراره) , و عشان تتأكد حط العربيه على الإسكانر و اطلع بالعربيه وامشي بيها شويه والإسكانر راكب عليها , و شوف قراءه الحراره من على الإسكانر هتكون كام !!
ولما المراوح تشتغل لو الحراره طلعت على الإسكانر طبيعيه ( 93 درجه تقريباً ) وعلى مؤشر العربيه غير طبيعيه يبقه كده حساس الحراره فيه مشكله ولازم يتغير , وهو تمنه 30 جنيه بالظبط
ولكن استبعد انها تكون مشكله في الثرموثتات (مع كامل احترامي وتقديري لرأي استاذ احمد المصري) لان الثرموثتات لو قافل دايما العربيه هتسخن جدااااا فوق الطبيعي , ولو فاتح دايما العربيه هتكون حرارتها تحت خالص (عند الربع مثلا) وفي الحاله دي المراوح مش هتشتغل كتير زي الطبيعي , واتوقع ان مفيش احتمال تالت لأوضاع الثرموثتات , لكن بشكل عام هو وظيفته الفتح والقفل على دوره التبريد للوصول لدرجه حراره معينه , لكن مش وظيفته انه يشغل مراوح
انا قصدى ان المرواح بتشتغل على درجه حراره اقل من االمفروض تشتغل عليها بمعنى ان المراوح المفروض تشتغل عند درجه حراره 93 مثلا ودا الوضع الطبيعى للعربيه بس فى العربيه دى المروحه بتشتغل عند درجه 80 دا ال اقصده
طبعا درجات الحراره ال قلتها دى للتوضيح بس وليست درجات حقيقيه علشان محدش يضرب نار
واحنا تلاميذك يا باشا
هو طبعا الحراره المنخفضه بتبرجل العربيه و ده بيأثر على اداءها
لكن بالنسبه للناس اللي الحراره عندهم بتنزل للربع الاول من المؤشر فأنا كنت واحد منهم !!! والسبب كالأتي :-
ميكانيكي بيفتي ويقولك انك المفروض تشيل ثرموثتات الحراره عشان ده بيقلل من حراره العربيه وان اللي صنع العربيه مش بيفهم , وهو اللي بيفهم
وبالتالي الميا في دوره التبريد بتفضل شغاله على طول رايحه راجعه من والى الردياتير (لان مفيش ثرموثتات يقفل عليها لغايه لما المكنه توصل لحراره الإستعداد) وطبعا طالما العربيه ماشيه وبتاخد هوا بارد في وشها فـ الميا بترجع تاني من الريدياتير للموتور ابرد من الاول وهكذا لغايه لما الحراره تكون يدوب على اد شغل المكنه , وده طبعا في الجو المعتدل بيخلي العربيه فعلا حرارتها تنزل عن الطبيعي كتير , وفي الشتاء الحراره فعلا بتنزل زياده عن اللزوم لدرجه انها بتخلي المكنه دايما تبرجل وكأنها عايزه تسخن , وبالتالي مش بتاخد كفاءه المكنه الحقيقيه في الاداء
لكن الصح ان الثرموثتات يفضل راكب طالما ان دوره التبريد سليمه وكله تمام
وكده كده العربيه بتحافظ على حرارتها وهي مصممه ومجهزه على هذا الأساس
و انا عن نفسي مركب الثرموثتات والحمد لله دوره التبريد سليمه ومع المشاوير الطويله في الجو المعتدل المؤشر بينزل مللي عن المعدل الطبيعي , وده شئ كويس مش وحش
شكرا يا جماعه علي ردودكم انا الثيرموستات متئكد علي الاقل انه قافل لان كان في شغل في دوره المياه وكان الكوعه بتعته مش بتجيب ميه بعد فك الخرطوم منها وبكبس في دوره المياه ده معناه انه قافل يعني كده انا ضامن ان المفروض العربيه تسخن ديه اول حاجه بنسبه لموضوع الاسكنر هو لو حساس الحراره بايظ مش بيشغل المؤشر صح طيب هو الاسكنر بيعرف الحراره من حاجه تاني غير الحساس ده ولا كده ممكن تطلع بايظه برده علي الاسكنر يعني قصدي ان طالمه ان حساس الحراره بايظ يبقي هايطلع معطيات غلط علي الاسكنر كمان ارجو الافاده برده شكرا
هو تفكير حضرتك سليم ومنطقي لكن الإسكانر بيجيب قراءه الحراره بطريقه تانيه , واظن انه عن طريق وحده التحكم , انا مش عايز افتي او اخترع رد , لكن هقولك موقف تأكيداً للكلام
من حوالى شهر قريبي معاه لانوس 2005 وحصلت عنده مشكله , وهي عباره عن وصول مؤشر الحراره لفوق المعدل الطبيعي وفوق علامه النص والمراوح بتشتغل على الدرجه التانيه العاليه
وطبعا اكتر من ميكانيكي احتار في سبب المشكله , منهم اللي قال ثرموثتات ومنهم اللي قال جوان وش سلندر و و وووو
وفي النهايه كان الكشف على الاسكانر هو الإنقاذ
العربيه اتحطت على الإسكانر (عند محمد السيد في الدقي) وقريبي طلع بالعربيه ومحمد السيد جنبه والإسكانر راكب على العربيه , ومحمد السيد كان بيراقب مؤشرات العربيه من على الإسكانر
وفجأه بدأت الحراره تطلع وتزييييد لغايه لما وصلت فوق النص على مؤشر الحراره في العربيه والمراوح اشتغلت عالى على طول , وفي اللحظه دي محمد السيد شاف قراءه الحراره عنده على الإسكانر لقاها الطبيعي !!! و طبعا ده معناه ان الخلل جاي من حساس الحراره , وبعد تغيير حساس الحراره عند محمد السيد بردو المشكله اختفت وانتهت للأبد والحمد لله
درجة الحرارة بتيجى من الحساس اللى راكب فى وش السلندر تحت البوبينة و دة اللى بيعتمد علية الكونترول فى تشغيل المراوح
صباع الحرارة بتاع العداد بيشغل العداد فقط
MMamdouh
بلاش نستعمل مصطلح "قراية" خلليها اشارة
يبقى لو قولنا ان فيه اشارتين يبقى الكلام صح... اشارة حساس الحرارة بيترجمها الكونترول الى درجة حرارة فعلية و على اساسها بيشغل و يطفى المراوح و دى القراية اللى بتطلع على السكانر
صباع الحرارة اشارتة بتشغل مؤشر الحرارة فقط و ملهاش علاقة بداية التحكم فى المراوح
MMamdouh
معنى كدا ان لو فى اشاره خاطئه هيعطى بيانات غلط بمعنى
لو حساس الحراره بايظ لاى سبب مش هيشغل المراوح ولكن صباع الحراره هيقيس درجه حراره المايه ال اكيد هتكون عاليه جداااااااا علشان مفيش مراوح وهيعطى اشاره للعداد
كدا صح
طيب لو مفيش مايه خالص خالص لاى تسريب مثلا ايه الوضع
نظريا صح بس خللى بالك من حاجة... مش كل اعطال الحساسات بتبقى عدم وجود اشارة... فيه حالات اشارة الحساس بتبقى غلط او مش دقيقة... انا افتكر كان لينا زميل عندة مشكلة و طلعت ان حساس الحرارة بيقيس حرارة المية دايما قليلة عن الطبيعى و بالتالى الكونترول فاهم ان العربية باردة و مشغلها دايما فى warm up mode و دة بيزود استهلاك البنزين و بيعمل ترتيلة فى اليلانسيةكدة حنرجع لنقطة الجدل بالنسبة لرد فعل الحساس لما ميبقاش مغمور بالمية... هل حيدى قراية اقل من الطبيعى لان مفيش سخونة بيقيسها ولا حيقيس حرارة اعلى لانة بيسخن من جسم الموتور ولا ايه بالضبط؟؟اقتباس:
طيب لو مفيش مايه خالص خالص لاى تسريب مثلا ايه الوضع
MMamdouh
احسن حل نجيب عربيه وتقعد نجرب فيها علشان الجدل دا ههههههههههه
بس بجد معلوماتى اتصلحت بالمناقشه الرائعه دى بس لسه فى نقطه الجدل ال لسه مش عارفين نوصل لحل فيها
ايه الحلاوة ده يا ابو يوسف
كل ما اقرا فى منتديانا الجميل كل ما نستفيد من خبراتك الكثيرة والمعلومات الغزيرة
بارك الله فيك وجزاك الله كل الخير والثواب على كل ده
انا معايا شيفورليه لانوس كان عندي نفس مشكلتك بظبط و روحت التوكيل و طلع العيب في صباع الحرارة زي ما قالولي المهندسين الكبار بتعنا (م/ممدوح , م/سمير) و غيرنا بواحد جديد و بعدها بقى المؤشر في مكانو الطبيعي قبل النصف بشرتة و العربية بقت تمام الحمد لله و دا كان المؤشر في الاول
http://img105.herosh.com/2010/04/20/673095736.jpg
المهندس/محمد ممدوح والمهندس/ سمير عياد
بارك الله تعالى فيهما
شكرا بجد علي المناقشه العاقله الرائعه ديه
عمتا انا جبت كابل الاسكنر بتاع الدايو اللي كان معروض هنا في المنتدي بعد استشاره مهندس محمد ممدوح وهو قالي انه عملي وكويس وانا هاجربه انهردا وهاشوف قرائه الحراره
شكرا ليكم
باش مهندس محمد ممدوح انا وصلت العربيه بالكابل وعملت اسكان وكانت النتائج في الصور بس لاحظت حاجه ان بعض القيم في الفرجن العربي مختلفه عن الفرجن الانجلش خاصه في الداش بورد وفي حجات مش فاهمها ان في حاجه اسمها advance في الداش بورد العربي بدخل لمرحله اللون الاحمر وفي الانجلش مش بتعلي كده بس ي الاتنين بتقعد تنور بين الاحمر والابيض بكلمه ني - غني وبرده مفتوح ومغلق بتقعد تقلب علطول مش ثابته وكمان عدد الفات مش بيسبت هو مش بيعلي غير لما بزود بس بيفضل يتحرك بين 800 - 900 علطول ياريت تقولي هل ده طبيعي
اما بنسبه للحراره مش راضيه تترفع عن 80 درجه باي حال من الاحوال وفي نفس الوقت عند 76 الماروح بتشتغل
عمتا ديه صور الاختبارت اللي حصلت وياريت تشوف برده بقيت الاختبرات وتقولي رائيك لو فيه ملحوظات
ديه اول شاشه
http://dc212.4shared.com/img/2937720...68228678304899
تاني شاشه
http://dc212.4shared.com/img/2937722...75171210481036
الانجلش
http://dc179.4shared.com/img/2937793...63307515341207
الداش بورد
http://dc212.4shared.com/img/2937726...80673195448522
الانجلش
http://dc212.4shared.com/img/2937735...24678736683331
شاشه الاعطال
http://dc212.4shared.com/img/2937735...50735583603529
منزلتش الانجلش لانها هي هي مفهاش تغير
اخر شاشه
http://dc212.4shared.com/img/2937735...18503901120395
علي فكره تاني قيمه كانت عماله تقلب بين صفر وواحد علطلول
انا حاولت اعمل برده بعض الاختبرات اللي في الشاشه الاولي بس الدنيا كانت بتلخبط خالص في اختبارت كانت بتطفي العربيه اصلا
تغير قيمة الادفانس و الRPM و النقل بين غنى و فقير طبيعى
موضوع حرارة المية مش طبيعى و راجع فية الزميل اللى باعلك البرنامج لان غالبا فى حاجة عايزة تتعدل
MMamdouh
الف شكر للمعلومات القيمة اللي ذكرت في هذا الموضوع...
شكرا يا باش مهندس بس في ملحوظه برده ان العداد بتاع العربيه مش بيعلي عن التلت وفي حاجه تاني انا افتكرتها في مره كنت راجع بالعربيه من سفر ولقيت المياه بتاعت العربيه خرت من حته انا مش شايفها المهم ان بعده طلع طابه من طبب المتور من جوه واتغيرت وتمام بس المشكله ان ساعت الموضوع ده كنت كل شويه بزود مياه والعربيه دايره وسخنه خالص وكان مؤشر الحراره بيعدي النص بشويه واقف واذود مياه والعربيه دايره بس كانت بتبقي شبه فاضيه من المياه وتقريبا مشيت حوالي خمسين كيلوا بالطريقه ديه هل ممكن يكون تزويد المياده علي المتور وهو سخن حتي لو العربيه دايره خاصه ان كان القربه بتكون شبه فاضيه يكون عمل حاجه لان من ساعتها انا ملاحظ ان المؤشر مطلعش فوق تاني خالص وطبعا انا هاشوف موضوع البرنامج عشان اتئكد
طالما العربية ماشية كويس و مفيش زيت فى المية ولا مية فى الزيت يبقى كل شىء تمام
MMamdouh
اللانوس المصرى SOHC و دة ميفرقش فى قراية الحساسات
MMamdouh
شكرا يا باش مهندس اصل البرنامج عندي العربيه متعرفه فيه علي انها dohc بس هل في طريقه اعرف انا العربيه عشان شوفت عربيه واحد صحبي كان فيها استيكرات واجزاء مكتوب عليها dohc
معلش برده سؤال في نفس الموضوع انا كده المفروض ايه اللي بايظ عندي في الحراره
ال DOHC بتكون 2 كامة و دى صورة المحرك
http://7ammil.me/get-5-2010-sn1nt1fs.jpg
أما الSOHC فهى كامة واحدة و دى صورة المحرك
http://7ammil.me/get-5-2010-qu8jzdc0.jpg
http://7ammil.me/get-5-2010-316a724t.jpg
شكرا علي الافاده
يا جماعه انا متابع الموضوع عاوز اعرف ياريت حساس الحراره او صباع الحراره هو اللي بايظ كده وهل ليه قيسات او اختبارت لوحده
شكرا
هناك 2 حساس حراره
الأول يعطى المعلومات الى الكنترول وده سليم عندك لأن المراوح بتشتغل.
الثانى يعطى معلومات الى مؤشر أمبير الحراره
وفكره عمل كل منهما هى أن حساس أو (صباع) الحراره خرجه عباره عن مقاومه تكون أقصى مايمكن عند الحراره البارده وتقل قيمه المقاومه أقل ما يمكن كلما زادت الحراره
و الفرق بينهما هو أن قيمه المقاومه المطلوبه لتشغيل أمبير الحراره مختلفه تماما عن القيمه المطلوبه للكونترول ولذلك يوجد أثنين حساس بمعظم العربيات
غير هذا الحساس بأخر أصلى
و يمكن قياسه بالأوميتر كالتالى:بين طرفى الحساس
http://i935.photobucket.com/albums/a...g?t=1274476532
ميرسي يا باش مهندس بس كان ليا سؤال عن البرنامج هو مش مبين الحراره اكتر من 80 برغم من ان المراوح اشتغلت تفتكر ده من العربيه ولا البرنامج عاوز تعديل