الموضوع: اخر الافتائات للنيو سيراتو !!!!!!!!!!

المشاركة الأصلية كتبت بواسطة M.ABDEEN

السلام عليكم ورحمة الله وبركاته
طبعا من ساعة النيو سيراتو ما نزلت والافتكاسات والفتي شغال على ودنه فيها حتى للي ما شفش العربية
اثناء البحث في المنتدى ومنتديات اخرى الواحد لقى فتي للركب بلا دليل قاطع على ما ذكر
ولكن اجمالا هناك حملة هجوم رهيبة من كل الجهات على العربية
ولكن هناك بعض النقاط المستفزة :
واحد يقول موتورها تعبان وضايع ومش بتاعت شد وجري واخره 90 او 100 حصان
وواحد يقولك ده موتور الياريس برقبة موتور السيراتو واكفاء وعفي ومعمر عنه
وواحد يقولك مفيش ثبات للعربية وبعد ال 140 بتبقى العربية عاملة زي ورقة الشجر
واخر الافتاءت بتكلم مع واحد صاحبي لاقيته بيقول العربية بها مشكلة في علبة الدركسيون وهي ان الباور ضايع وان العلبة بتبوظ بسرعة وغير مصممة للعربية اساسا وتسبب الكثير من الحوادث طبعا انا سمعت الكلام ده دمي اتحرق وعلشان هو صاحبي كنت والله ..........
بصراحة احسن حاجة الواحد يسكت امام الفتي ده ويريح دماغه ويكبر الجي ويروق الدي وانا عن نفسي وان شاء الله لما افكر ابيع السيراتو اللي معاي الشكل القديم يوم ما افكر هجيب برده هيكون كيا وسيراتو برده
وفي النهاية محديش يفهم كلامي غلط ولكن احنا هنا بنتعاون مع بعض ونشارك بعضنا البعض للافادة والمنفعة ولكم جزيل الشكر وصباحكو فل بامر الله وتحية كبيرة قوي للسيراتو ولملاكها الحلوين الطعميين

اسمحلى اختلف مع حضرتك فى نقطه ( تكبير الدماغ ) لان هذه النقطه بالذات ليس فى مجال السيارات فقط ولكن فى كل المجتمع ليس هذا موضوعنا .

من واجبنا نحن ملاك السيارة ان نوضح لهولاء الساده ان كلامهم فيه اخطاء كثيرة ونحن هنا فى المنتدى نفعل هذا ليس لاننا من ملاك السيارة فقط وليس لانها السيارة الخارقه الخالية من العيوب ولكن نفعله كى نوضوح للذين يفكرون فى شراء السيارة وايضا نوضح للمهتمين بمجال السيارات عموما
ننقل تجاربنا وخبراتنا بصفتنا ملاك حتى ولو فيها عيوب نقول بقمة الشفافية عندما نسال .

المشكلة الحقيقة ان اغلب الحديث بيكون عن سمع وكما قلت سابقا وساقول مرة ثانية ان الذى يسمع يرجع ينقل ويزيد من عنده بعض الكلام ( افتاء ) الى ان تكبر كرة الثلج ولكن .... تقف عندنا هنا فى المنتدى ولن تستطيع ان تكبر ولكن تتكسر على ايدينا بأذن الله وهذا لسبب واحد فقط لاننا عندنا المقدرة الحقيقية للحكم على السيارة والرد العملى على كل (الافتاءات ) وانا كنت كتبت موضوع اتمنى ان تقراه .

http://www.nilemotors.net/Nile/148367-a.html