قائمة اسعار قطع غيار هيونداي اكسيل

**hema_hn** · 13-07-2010 10:13 AM

المشاركة الأصلية كتبت بواسطة ahmedzizo131

بسم الله الرحمن الرحيم
انا فى راي طلما الموتور بيطلع دخنة بيضة ( كدة الموتور بالسلامة جاب اخرة )
و هات الموتور استعمال لانه هيكون استندر

+1111111111111111
صبح حماده

**meller** · 14-07-2010 08:28 AM

المشاركة الأصلية كتبت بواسطة ahmedzizo131

بسم الله الرحمن الرحيم
اتكل على الله و هات موتور 1500 استعمال ، و اثبتة فى الرخصة على انه 1300 ( علشان الضريبة )

بس ده يبقي حرام طبعا ومن راي يدفع فلوس فس الدنيا احسن ما يندم في الاخرة

**johnnaguib** · 14-07-2010 08:47 AM

المشاركة الأصلية كتبت بواسطة waul

اخوكم وائل نبيل يشكر كل من رد والله انا مبسوط جدا ان انتو اهتميتو بالموضوع بس انا لو ممكن اعرف منكوا سعر الماتور الـ1500 كام واجيبو من الحرفيين ولا من بورسعيد اضمن بس الحمد لله كل اللى يشوف العربية يقلى جميلة بس ناقص موضوع الماتور لان بيطلع دخنة بيضاء بسيطة من الشكمان فهل تغير الماتور افضل من العمرة ومليون شكرا على الرد مسبقا

بص يا باشا ماتور الاكسيل ال1500 فى الحرفيين بحوالى 3000 جنية
بس انا من راى حاجة و هى انك بتقول ان اساسيات العربية ممتازة فمعنى كلامك انها استعمال نظيف و اكيد هتبقى دية اول عمرة للعربية ( ممكن تسال المالك القديم لو تعرف توصلة ) و الى تعرفة احسن من الى ما تعرفهوش غير اجراءات الورق بس الميزة ان الميكانيكى بيعمل القصة دية فى يوم بيشيل و يركب

**johnnaguib** · 14-07-2010 08:50 AM

يرجى ملاحظة ان الماتور الجديد زى البطيخة

**waul** · 14-07-2010 03:26 PM

اخوكم وائل نبيل بيشكركم جميعا والله انا بدأت اجمع معلومات منكم واخذ القرار فشكرا ليكوا والله انا رحت محطة موبيل شيراتون صاحبى فاتح محل فيها الاكسسورات واخذنى للميكانيكى هناك فقالى اعمل عمرة احسن من انت تجيب موتور جديد وشرحلى الاسباب ونفس الكلام قالهولى المكيانيكى اللى انا رحتله فى الاول وعموما انا استفدت كتير من كلمكم بس ناقص القرار اما اشترى موتور جديد او اعمر وقالولى العمرة هاتكلف بالكتير 2000جنيه///// اشيرونى لانى هاخد القرار بعد اسبوع الله يكرمكم ///////والحمد لله انا رحت امبارح حولت الرخصة بأسمى ورخصت سنتين فى مرور حدائق القبة بعد اما رحت مرور الوايلى قالولى انت بقيت تبع مرور الحدائق بس بصراحة الاثنين كويسين جدا خلصت تقريبا فحص وكل حاجة فى ساعة ونصف ومليون شكرا للى ردو واللى مردوش

**hobakora** · 14-07-2010 11:34 PM

المشاركة الأصلية كتبت بواسطة waul

القرار اما اشترى موتور جديد او اعمر وقالولى العمرة هاتكلف بالكتير 2000جنيه/////

ماتور جديد واتوكل على الله

**yassercar** · 15-07-2010 10:32 AM

فعلا لو الماتور كده كده محتاج مصاريف كتير يبقى الجديد أحسن

خصوصا لما تجيب 1500 عشان 1300 معايا رغم إن ماتورها كويس وكل حاجه بس مع التكييف والسرعات البطيئة بيبقى زعلان جدا
يعني عشان أشغل التكييف لازم أكون عالرابع على الأقل

**mero25** · 15-07-2010 10:46 AM

تجربتى من الاخر
بعد دراسة انا عملت عمرة موتور فى شهر مارس اللى فات كلفتنى تقريبا 2000 جنيه وبالرغم من انها اول عمرة عملتها 0/20 مش 0/10 علشان ادى عزم للموتور اكتر وكد يعتبر 1500 والحمد لله السيارة كويسة جدا وبشد بيها ومش بتسخن منى حتى فى الايام الصعبة الشهر اللى فات وكدة اضمن من انك تشترى موتور جديد الله اعلم بحالته(ممكن وممكن) والتكلفة اقل ومفيش جرى وتعب اثبات الموتور الجديد فى المرور
ناقصنى اغير الفتيس الى 5 غيار بدل من بتاعى ال4
وشكرا

**alisif** · 15-07-2010 10:59 AM

انا افضل العمره لان العمره هتخللي الموتور كانه جديد لكن الاستيراد مش مضمون يعني الموتور ممكن يكون كويس لكن بعد فتره قليله تلاقيه بيخلص وده حاجه محدش يضمنهالك وانت حر بعد كده