الموضوع: قائمة اسعار قطع غيار هيونداي اكسيل

المشاركة الأصلية كتبت بواسطة ahmedzizo131

بسم الله الرحمن الرحيم
اتكل على الله و هات موتور 1500 استعمال ، و اثبتة فى الرخصة على انه 1300 ( علشان الضريبة )

حضرتك الكلام دا اصلاً ماينفعش علشان في افراج جمركي جاي مع الموتور وبيبقى مكتوب فيه رقم الموتور وسعته سواء 1300 أو 1500
وبدون الافراج ده اصلاً مايعرفش يرخص العربيه بالموتور الجديد

المشاركة الأصلية كتبت بواسطة waul

اخوكم وائل نبيل يشكر كل من رد والله انا مبسوط جدا ان انتو اهتميتو بالموضوع بس انا لو ممكن اعرف منكوا سعر الماتور الـ1500 كام واجيبو من الحرفيين ولا من بورسعيد اضمن بس الحمد لله كل اللى يشوف العربية يقلى جميلة بس ناقص موضوع الماتور لان بيطلع دخنة بيضاء بسيطة من الشكمان فهل تغير الماتور افضل من العمرة ومليون شكرا على الرد مسبقا

الف مبروك عليك العربيه يا استاذ وائل
ربنا يديلك خيرها ويكفيك شرها ان شاء الله
احب اوضح لحضرتك حاجه
ميزة الموتور الجديد المستورد انه ما اتفتحش قبل كده وماحدش لعب فيه
وكمان وقت العمره كبير دا غير فترة التليين ودا بالنسبة لوقت استبدال الموتور بواحد ثاني الي مابيخدش اكتر من ساعتين ثلاثة لو ميكياني شاطر ومتفرغله
بس اهم حاجه تتفق مع التاجر الي هاتشتري منه الموتور انه تحت التجربه لمدة شهرين مثلاً ولو في حاجه لا قدر الله هاتبدله من عنده بواحد غيره (ودا طبعاً مش هايحصل غير لما تكون مبقيله فلوس وممكن تخلي الافراج وجواب المرور عنده لحد ما تطمن على الموتور وعلشان كمان هو يكون مطمن على باقي فلوسه) ولازم كمان يكون معاك وانت بتشتري الموتور ميكانيكي شاطر ويكون بيفهم ويبقى افضل لو يكون هو نفس الميكانيكي اللي هايركبه في العربيه
وممكن كمان تجيبه 1500 سي سي بدل من 1300 سي سي علشان لو حبيت تركب تكييف في العربيه حتى ولو مستقبلاً
لاني ماعتقدش ان 1300 هايستحمل تكييف دا غير ان الفرق في الضريبة بين الاثنين كلام فارغ
وربنا يوفقك

المشاركة الأصلية كتبت بواسطة johnnaguib

يرجى ملاحظة ان الماتور الجديد زى البطيخة

والعمره برده زي البطيخة ولا ايه؟؟؟

المشاركة الأصلية كتبت بواسطة hobakora

ماتور جديد واتوكل على الله

++++++++++1

لو حتشترى اعمل بنصائح الاخ Elsarrawy بمعنى انك تتعب شوية لحد لما تلاقى واحد يبعلك الموتور بنفس الطريقة بمعنى حتخلى الافراج عند الراجل وتبقى فلوس لحد لما تطمن على الموتور او تكتب عقد مبينك ومبينه معلش انت حتتتعب شوية لحد لما تلاقى واحد يبعلك الموتور بالطريقة دى وفى مده اقصاها مثلا شهر تشوف سعتها السحب والاستهلاك
ولو مضطر للعمره تروح عند ميكانيكى كويس زى الى راح عنده mero تخليه يعملك العمره عشان فعلا لو واحد مش كويس ولا خراط زى الزفت وما اكترهم عندنا يكون واحد عنده ضمير وبيخاف ربنا