الموضوع: قائمة اسعار قطع غيار هيونداي اكسيل

السلام عليكم
اللهم اصلح حال شعب مصر جميعا واحييه حياه كريمه
الحمد لله تم شراء مسمار الانذار الخاص بالشنطه وتم توصيل الانذار بالشنطه وسعر المسمار جديد ب 20ج
والحمد لله تم شراء غطاء القربة الخاصه بالريداتير استيراد بسعر 20 ج بالخرطوم
سالت على الكبوت استيراد قالولى ب 500 ج واللى يقولى 650 ج مع انى شفت هنا واحد بيقول ب 300 ج ؟؟؟؟؟؟؟
سالت ع الموتور كامل لقيته فى المنصورة هنا 3500ج ولو بالفتيس ب 4000ج ده اقل سعر وفيه اعلى ؟ وكله على تجربه يومين او تلاته فقط مفيش شهر زى ما سمعت من بعض الاعضاء
وبتوع الاستيراد بيقولولى انت ممكن تاخد الموتور مما عدا ادوات التغذيه (( يعنى البلوك والشمايز والكرنك والكرتيره )) واكمل من اللى عندى وهيحسبهولى فى الحالة دى ب 2000 ج
ايه رايكم هل هذا منطقى وافضل لى فى حالة وجود عمرة كامله وخرط سابق فى الشمايز والبلوك لا قدر الله
وهل فى بورسعيد او القاهره هلاقي فرق سعر كبير عن الاسعار دى ؟؟؟؟؟؟
ارجو الافاده
ولكم جزيل الشكر

المشاركة الأصلية كتبت بواسطة eng_ama2005

تقصد الباكتيات اللي بتركب علي الابواب؟؟
لو تقصد دي : كل اللي بنزل اسود ادهنها انت بقي بلون العربية
سعرها 65 لو كاوتش و 95 لو
انا جبتها من الحي السابع وممكن تلاقيها عند بتاع الاكسسوارات

اقصد اللى بتركب على العتب نفسه تحت الابواب
سالت واحد بتاع فيبر قالى فى من اول 150 الى 300 ج والخامه واحده (صاج ) ولكن الاختلاف فى الشكل فقط
ممكن اعرف مدى عمليتها من حيث تقفيلها بيكون كويس ولا ممكن تجمع تحتها برومه ولا ملهاش علاقه
وشكرا جزيلا

السلام عليكم
كنت عاوز اركب رنجات للفوانيس الاماميه ( ياترى ايه نظامها سعرها وبتيجي منين ) هل تصلح للاكسيل تعديل شكل فوانيسها او شئ اخر يضفى عليها روح التجديد ارجو الافاده
ياريت لو في صور فوانيس متعدله للاكسيل واماكن بيعها خصوصا ان من المنصورة
وكنت عاوز اركب فوانيس شبوره نوع قوى يا ترى اسمه ايه وايه افضل نوع لمبات ليه
ولكم جزيل الشكر وآسف للاطاله

السلام عليكم
اللهم أمن مصر واهدى شعبها للخير والرشاد
فى تاجر عربيات جارى قالى العربيه طالما مبتكلش زيت يبقي المكنه كويسه وممكن يكون العيب فى الزيت حيث أبدي اعتراضه على الشل الاحمر اللى حطيته وقالى حط اسو الرصاصي وهتلاقي الوضع اختلف ودخنة الشكمان راحت ( دخان ابيض مزرق بخفه ) لان ممكن يكون زيت قديم فى الشكمان وفي بخره بتطلع من خرطوم الفايص ع الازاز ادامى وانا سايق هل هذا منطقي ؟؟ ولا لا مفر من فتح المكنه وعمل العمره ؟؟؟
هل يوجد اختبار للمكنه يؤكد حالتها تماما ؟؟
طيب ولو غيرت الزيت احط برده علبة شنبر ولا مش مهم للحكم على الزيت لوحده ؟
الفتيس قالى انه طبيعي فى الاكسيل كده ؟؟ وصوت الوجوجه والنحره دى ممكن بلية دينامو او بلية دبرياج او الدبرياج واطى وعاوز يعلى يقوم يخفف نقلات الفتيس ؟؟
ارجو النصيحه والافاده (( افتح المكنه واكشف ع الفتيس )) ولا (( اصلح بلى الدبرياج والفتيس واترك المكنه حاليا واشوف فى فرق ولا لأ ))
اسف للاطاله وارجو التوضيح بالتفصيل
ولكم جزيل الشكر والامتنان

انا عندي شوية حاجات كده و عايز ردكم عليها:

-سعر علبة دركسيون عادة 1300 :انهي الافضل :استايرد واللا جديد؟
-سعر مساعدين امامي: انهي الافضل :استايرد واللا جديد؟
- سعر راديتير كامل

طبعا العفشجي بيقوللي على العفشة اشتري استيراد, بس قلت اخد رأيكم الاول

و شكرا مقدما.