الموضوع: خلاص نويت على الكروز هاى لاين

المشاركة الأصلية كتبت بواسطة mhmdalsaadany

يا باشا اتكل على الله واشتري العربية العربية جميلة جدا ومخدومة جدا والثبات علي الطريق خرافي صاج محمل ومتين جدا
انا مرة كنت في موقع بناء حديث وكان في سور من الحديد عشان يفصل العمارات عن بعضها كبير عبارة عن الواح صاج مرصوصة جنب بعض و متثبته في الارض المهم جه شوية هوا قام احد الالواح الكبيرة دي وقع على العربية انا من بعيد جتلى صدمة لمدة دقيقة ومتخيل اني هاروح هالاقي البابين والرفرف الخلفي في الضياع وممكن الباب ميفتحش وكدا والله العظيم كل اللى حصل خربوشين بلون الصاج طلعوا بالكومبوند مش اكتر لا يتعدوا 1\2 سم ومن فرحتي بعد ما وقفت اللوح وقع تاني والله وربنا ستر وبجد صاجها متين جداااااااااااااااااااا
وسحب العربية مقبول لحد ال100 وبعدين وسع من قدمها طبعا انت راكب الماني وفاهمني
طبعا الشكل والتقفيل حدث ولا حرج بجد احنا الان 7 في العيلة عندنا كروز والبقية تأتي
اتكل على الله ومش هتندم ابدا ان شاء الله وربنا يوفقك ومبروك مقدما

+11111111111111111

اولا السلام عليكم جميعا
ثانيا انا راي تستني لحد 2011 لما تنزل واكيد هيكونوا تلافوا كل العيوب دي
ثالثا حتي اللي اشتكوا من السياره دي لازالوا معجبين بيها يعني زي ماتقول اللي بيركبها مابيقدرشي ينساها
رابعا انت بتقول السياره مع كتير من زمايلك واظن التجربه الشخصيه مافيش احسن منها وسيبك من كل اللي بتقال
خامسا وخيرا استفتي قلبك وتوكل علي الله
وان شاء الله انا ناوي اشتري في اول 2011

توكل على الله و اشترى يا باشا و قولى الدنيا عامله ايية اصلى ناوى اجييب المانيوال منها و انا ليا 2 اصدقائى جايبينها واحد جايب مانيوال و التانى اتوماتيك بنفس الكماليات و مفيش اى خرافات من اللى سمعتها موجودة و اعتقد دة حقد اللى عندهم كيا سيراتو و كمان ناس كتيير معندهاش العربيو واللى ميعرفش يقول اييية عدسسسس و بسيطة روح التوكيل و اقغد شوية هناك و نمر على الناس اللى جاية تعمل صيانة للكروز و اسئلهم عاملة ايية انا عن نفسى هعمل كدة لأن عندنا أوبترا و مجربة و بالنسبة للتوكيل هما حراقين شويتين بس كلها فترة و تنزل كل حاجتها فى السوق و متنساش يقولى رد فعلك .

المشاركة الأصلية كتبت بواسطة mrsailor

مع احترامى لرأى حضرتك .. بس المنطق بيقول ان لما سلعة يظهر فيها عيب و يكون منتشر لدرجة سحبها من السوق و محاولة اصلاحها .. او حضور خبراء من الشركة الام لمحاولة اصلاح العيب و معرفة السبب (مش اصلاح العيب) .. يبقى الواحد ما يغامرش حتى لو الشركة اعلنت انها عرفت العيب و عرفت تصلحه .. انما المنطق بيقول ان الواحد يبعد عن السلعة دى لمدة سنتين او تلاتة لحد ما تظهر كل عيوبها و يقرر .. و لو المنطق اعجاب و مش عارف انساها .. ده ممكن الواحد يقوله على صاحبته او اكلة حلوة او مكان قضى فيه اجازة .. انما مش سبب كافى ان الواحد يرمى 130000 جنيه على الارض .. و طالما فى نفس المواصفات فى عربيات تانية و ماظهرش فيها عيوب يبقى ليه نعند و نركب دماغنا ..

mr sailor
دي مش اول سياره تتسحب من السوق مع العلم انها ماتسحبتش في مصر وهل يعني سحب السياره انها خلاص انتهت وانا مش هاذكر امثله غير ان تويوتا عملت ارباح بعد كل الغرامات والسحب والتغير الخ مليار دولار
ايوه انا واقع في غرام السياره دي وقلت ان مش منصور بيك هو اللي هايكرهني فيها
عايز اقول حاجه ان هنا في المنتدي بالذات الشفرليه الناس اللي حصل معاها مشاكل بس هي اللي ظاهره شوف كام واحد اشتراها من المتدي ماحصلوش مشاكل غير اللي مش معانا كمان في المنتدي ولازم الحق بتقال ان لازالت كل المشاكل دي فرديه
انا عايز اسال سؤال هل شركه زي جنرال متورز محتاجه سنتين تلاته عشان تصحح اوضعها؟
اخر حاجه لا خلاف علي منصور.....................وكلنا فاهمين
كلمه اخيره نفسي الناس اللي مش حاصل معاها مشاكل تظهر بقي وتتكلم مش دفاع ولكن عشان نعرف الحقيقه
وشكرا علي التفاعل