أنا-قبل ما أخش الموقع -كنت حاشتري أوبترا هي دلوقتي بتسعيين و أنا مش شايف فرق بينها و بيين السبرانزا a5
يارييت حد يذكر الفرووق .الحاجة الوحيدة الأنا عارفها نقطة السعر و دي محسومة للسبرانزا
عرض للطباعة
أنا-قبل ما أخش الموقع -كنت حاشتري أوبترا هي دلوقتي بتسعيين و أنا مش شايف فرق بينها و بيين السبرانزا a5
يارييت حد يذكر الفرووق .الحاجة الوحيدة الأنا عارفها نقطة السعر و دي محسومة للسبرانزا
حضرتك انا مركبتش الاوبترا بس معايا اسبرانزا 1600 بجد عربيه ممتازه و كماليات و أداء ممتاز الاوبترا كورى و مش شيفروليه امريكى من مصنع جنرال موتورز فى كوريا بعد ما اشتروا الدايو اذا هيا دايو نوبيرا فى صوره مختلفه و أعتقد ماتستاهلش السعر ده اما الاتساع من جوه ممكن سيادتك تركبها و تقارن بينهم
طبعا فى فرق بين الاوبترا والاسبرانزا
ونصيحة بلاش تقارن بالسعر خالص
وسيبك من الاتنين وهاتلك لانسر 1600 احسن من دول مادام وصلت للتسعين الف
الاوبترا الناس كلها بتشكر فيها جامد
وحتي هي النوبيرا النوبيرا كانت ومازالت عربية كويسة والدليل انتشارها
تمت الاسبيرانزا انا مش فاهملها حاجة بصراحة
شوية ناس تمدح اووي اووي فيها وشوية العكس
مفيش وسط خالص حاجة غريبة
وانا لو مكانك اسمع نصيحة بايو
واجيب لانسر او صني
فعلآ الصنى ممتازه و اعتقد اوسع من اللنسرو بما اندك دخلت فى ال 90 الف ابعد تمامآ عن الصينى و الكورى و هات يابانى
لا هو لو جيت لحق ربنا الناس اللى سببت لك لخبطة ومش علرف تصدق اللى بيهاجم ولا اللى بيدافع انا اقولك ---اللى بيدافع عن العربية -بيدافع من منطلق انة جرب بنفسة ويمتلك السيارة فعلا وهو ايضا يحدثك بكل امانة عن العيوب او المشاكل التى قابلتة وما عولج منها ومالم يعالج بعد-وما ينتظر هو ان يعالج بس بالدور --يعنى لو هناك مشكلة فى علبة الدركسيون التوكيل اعترف بيها وكل واحد ينتظر دورة علشان تحل مشكلتة ---الناس اللى بتهاجم بقى عمال على بطال وبتدخل تشتم او تهاجم السيارة وخلاص --دول بقى شوية شباب دمهم لذيذ موت بيحبوا يتدخلوا علشان يثيروا حفيظة مالكى السيارة وتبداء المناوشات لغاية ما ينجحوا فى اللى همه عاوزينة ويجدوا ان الكل بيطلع فيهم جامد --ووقتها بيجيبوا ورا --خاصا وان 99.99% منهم لا يعرف اى حاجة عن السيارة كلة من السمع او مجرد النظر لها او واحد خدلة لفة كدة ولا حاجة--لكن همه شايلين منها كدة وخلاص من غير سبب --وكأنهم متضايقين ان فى ناس بتحب سيارتها وبتتكلم عنها كويس او كأنهم متضايقين ان فى ناس اشترت سيارة كويسة ومعقولة وبسعر ليس بالكبير ---الحل الامثل انك تحاول تجربها مرة واثنين وثلاثة حاول تحضر الاجتماعات اللى الاخوة هنا بينظموها فى اجتماع يوم 25 روح وجرب وشوف قبل ما تحكم او تاخد قرار --علشان مايبقاش كلام وخلاص--وربنا يوفقك ويبعد عنك الناس اللى بتفتى وخلاص ---على فكرة مش عاوزك تفهم من كلامى انى عاوز اقنعك بلاسبيرانزا--لا انت حر -لكن لو حضرت الاجتماع ح تسمع من خبراء ويكون امامك فرصة للتجربة وايضا بمساعدة جميع الاخوة هنا وح تجد انواع مختلفة كثيرة من السيارات-
على فكره ده مش بايو ولكن sokasoon ولكنه اقتبس توقيع بايو و أرجو أنه يغيره منعا لللبساقتباس:
وانا لو مكانك اسمع نصيحة بايو
واجيب لانسر او صني
أستاذ يحيي ..
بكل أمانة أنا كنت محتار زيك كده .. وكنت ناوي أجيب لانوس أو فيرنا أو شيرى A15 .. لكن أنا نظرت للموضوع من وجهة نظر مختلفة ..
أولا بالنسبة للسعر .. السعر بالنسبة للـ 4 أنواع قريبة من بعضها وأن تقل عنهم الأسبرانزا ..
ثانيا من حيث الكماليات .. تقريباً نفس كماليات شيرى A15 لكن شيرى A15 بسعر أعلى .. مع ملاحظة أن هناك فارق شاسع من حيث الصالون ووجود تكيف ديجتال وكاسيت CD ..
ثالثا من حيث الأداء .. أداء السيارة أكثر من ممتاز بالنسبة إلى سعرها فالموتور صوته بالكاد يظهر مع السرعة .. وبالنسبة للسحب فناس تقول أن سحبها ضعيف وناس تقول أن سحبها وحش لكن إذا أردت أن تعرف مدى قوة سحب السيارة فبرجاء أن ترى مشاركة أبو نورا حول هذا الموضوع بشكل علمى وهذا هو اللنك الخاص بالموضوع : http://www.nilemotors.net/Forum/viewtopic.php?t=1474
رابعا من حيث القوة .. توجد مشاركة للأستاذ أسامة مصطفى يوضح فيها قوة السيارة من خلال التصادم وهذا هو لنك المشارك : http://www.nilemotors.net/Forum/viewtopic.php?t=109
خامساً من حيث الشكل .. فعلى الشكل على ما أظن محسوم للأسبرانزا ..
سادساً من سمعة الوكيل .. لا أعتقد أن أحد ينكر قوة أبو الفتوح كوكيل ..
سابعاً لتجربة شئ جديد .. عندما ذكرت الـ 4 أنواع لقيت أن اللانوس أخر سنة ليها فى التصنيع السنة دى .. بالنسبة للفيرنا رغم أن وكيلها قوى جداً إلا أنها سيارة ضعيفة من حيث القوة وخفيفة على الطريق .. بالنسبة لشيرى A15 فوكيلها ليس له أسم كبير مثل أبو الفتوح وغبور غير أن السيارة لا تصنع فى مصر فستكون قطع الغيار من خلال الوكيل فقط ..
استاذى الفاضل هذه المقارنة خاصة بى عند أختيارى للسيارة وليس لأحد القدرة لأعطائى رأيه حتى لو كان رأيه صائباً ..
ولا تجعل من كلامي هو الأكيد .. فأنت صاحب القرار وأنت من سيدفع الأموال ..
وكل ما ذكرته لتأكيد أن السيارة ليست سيئة وأيضا لأنير لك طريق المعرفة بالنسبة للسيارة ..
وتقبل أحترامى ..
أ.يحيى ..... لو عايز عربيه تعيش و تحس انك راكب عربيه زيرو و محترمه بجد يبقى ابعد عن الأسبرانزا و بشهاده من ناس كتير راكبينها و بلاش تسترخص لأن الغالى تمنه فيه و فى الأخر هاتلى اى حاجه صينى دخلت مصر هنا و محترمه و تقجر تقول عليها سلعه تعيش معاك فتره .... مش هاتلاقى , يبقى العربيه الصينى هى اللى هاتعيش يعنى !!!!!!!!!!!؟؟؟؟؟؟؟؟؟؟؟
و فى الأخر يبقى رميت فلوسك فى الأرض لأنك مش هاتلاقى حد يشتريها منك و انت مش هاتعرف تركبها من مشاكلها ...... و بص على اى عربيه صينى نزلت مصر من 4 سنين .... هى فين دلوقتى , بتشوفها ؟؟؟ لأ طبعا علشان اصحابها خلصم منها .....
و اهى هاتخدلها فتره و ماتشوفهاش تانى و الناس تندم انها جابتها .... و الأيام بيننا ههههههههه
a7'ook
Sherif
يابنى بطل بقه انت مش بتزهق افصل دى الثلاجه بتفصل 4 سنين ايه هو الصينى بقاله فى مصر كام سنه؟ انت نفسك عايز تستورد أدوات صحيه من الصين مش ده كلامك ؟ ياريت تجيب واحد من اللى راكبينها و بيقول ابعد عنها فى الاجتماع الجاى .
اى كمبيوتر فى بلدك صينى ال play station صينى ده مش هنا بس ده فى امريكا كمان ليه أبو الفتوح مايكونش جايب حاجه كويسه هو فيه حد سمع عن الدايو الا لما ابو الفتوح نزلها دلوقتى بقت عربيه جميله بالمقارنه بالاسبرانزا و انت مش بتدخل منتدى الهيونداى بتاعك ليه :D :D :D :D
هههههههههههههههه--ادوات صحية--جديدة دية طبعا يا استاذ يحى مداخلة الاخ شريف هى جزء منما اقصدة --حضرتك اقضل شىء تجرب بنفسك علشان يبقى الواحد ضميرة مستريح --بالنسبة بقى للاخ شريف هو الناس اللى جابو عربيات صينى من 4 سنين واختفت العربيات دية علشان خلصوا منها --راحت فين بقى العربيات دية رجعت الصين --ولا بيشغولها برضة تبع الصرف الصحى وهى كلها ادوات صحية --على فكرة كرهك للصينى ظاهرة غير صحية--انت محتاج دكتور --انف واذن وحنجرة -- :P
بوص انت فكر كويس وصلي صلاة استخارة
وبعد كدة قرر
بس انا لو مكانك كالتاي
1 عايز اوف فلوس كتير بتاع 25 الف
واشيلهم ينفعوا في اي وقت ومحدش ضامن ظروفوا
هات اسبيرانزا بس لازم تكون من عشاق المغامرة وتكون صبور معاها
2 عايز عربية تعيش معاك وتديلك كل حاجة من غير متفتح بوقها خالص
تبقي لانسر
وممكن برضة تفكر شوية في الصني لانها ارخص من الانسر
وشكر خاص
للاستاذ جنيدي
علي توضيح سبب اللخبطة واهتمامة
لا شكر على واجب يا استاذ محمد -
لا يا استاذي الفاضل بلاش اسبرنزا شوف اي حاجه وخالي الأسبرنزا في الاخر ولو ملقتشي الا هيا فأنا بقولك برضه بلاش
الاستاذ المحترم ابو عبد الله
تحيه طيبه وبعد
كونك احد المشرفين فى منتدانا الجميل لا يسمح لك بكتابه رأيك هذا فى الاسبرانزا وفى رووم الاسبرانزا.... اذا كانت العربيه مش عاجباك ووحشه ولاتنصح بها
فما هو سر اهتمامك بالدخول الى رووم الاسبرانزا والمشاركه......
اخى العزيز برجاء تقبل وجهه نظرى بانى ابحث عن المصلحه العامه...... كونك احد المشرفين ومهاجمتك للسياره له اثر غير حميد فى نفوس الاعضاء
شكرا على سعه صدرك وتفهمك
الكلام دة فى منتهى الغرابة يا استاذ ابو عبدالله --ولا حضرتك بتهرج فى حاجة اسمها خللى الاسبيرانزا اخر حاجة ولو ملقتش برضة بلاش --احنا مش بنقولة اشتريها احنا بنقولة جرب وعلى مهلك--والراجل محدد اكثر من نوع عربية --الاجدى انك تنصحة طيب يجيب اية --مش تقولة خلليها اخر حاجة وان ملقتش برضة ما تجبهاش --دة انت مشرف يعنى مفروض تكبر عن اسلوب الصغار اللى غاويين اثارة ومشاكل--البلد مليانة عربيات اشكال واللوان وانت عاوزة يخلليها اخر حاجة ولو مملقاش ما يجبش يشترى عجلة بقى ولا موتوسيكل ولا عربية بحمار --بس بلاش الاسبيرانزا والله غريبة --طيب انت جربتها مشيت بيها --طيب لية واخد منها موقف ---وبعدين انا شاركتك فى اكثر من حوار من قبل اسلوبك لم يكن بهذا الشكل الاستفزازى ----طيب الراجل دلوقتى عاوز يعرف الاسبيرانزا لأ لية --قولة بقة --من فائض تجربتك وخبرتك معاها --
ياريت فعلا الاستاذ ابو عبد الله المحترم يقولنا ايه اسبابهاقتباس:
طيب الراجل دلوقتى عاوز يعرف الاسبيرانزا لأ لية --قولة بقة --من فائض تجربتك وخبرتك معاها --
انا مش هذم في الاسبرانزا لأني زي ما جنيدي قال مش من اللي جربوها (و ان كنت ارى ان شكلها غير متناسق بالمره) لكن في الأول و الآخر دي مسأله اذواق. لكن انا هسئل سؤال تاني.. لما انته الفلوس اللي معاك ممكن تجيب ياباني... ليه تجيب صيني حتى لو كان ممتاز؟؟! :?:
شوف يا احمد انا لما جيت اشتريها لقيت سعرها لقطة بالنسبة للامكانات الموجودة فيها عجبتنى كان بامكانى اجيب غيرها اغلى لكن لية ما هى دية اللى عجبتنى -لكن برضة احنا مش بنقول للاستاذ يحى اشتريها --راجع مشاركتى الاولى وشوف انا بقولة اية ---يعنى ناس اشترت حاجة عجبتها وبتحبها وناس مش عاوزة تبطل كلام استفزازى--
هناك رجال يقيس الامور بموازينها الخاصة-وتقييم--ثم تاخذ القرار----وهو ماحدث مع معظم مالكي الاسبيرانزا--غالبا قرارهم صائب
بدليل عشقهم لسيارتهم ---معظمهم--ركب الياباني والالماني والايطالي والتركي وكان يقدر يركب حاجات كتير اعلي قوي في السعر---وبفضل من الله-انا واحد منهم-السعر ابدا لم يكن دافع او حاسم لاتخاذ قرار شراء هذه السيارة---هي عجبتني جبتها--وقلت لنفسي طلعت وحشة ابيع مش مهم -----لذلك تعاملت مع هذة السيارة بحيادية-----الحق اقول (عشقتها)
الي المشككين دون تجربة--انتم الخاسرون علي انفسكم تضيعون فرصة ثمينة بسبب العند او الاستكبار---
حبايبي---في غضون اقل من سنة سوف يتغير مفهوم شرائكم للسيارة---والفضل سوف يكون لهذة السيارة(اسبيرانزا)
الي كل من يريد الشراء ---جرب ثم جرب ثم جرب فسوف تقتنع وحتما انت الفائز---اقولها لاني احب الخير للجميع وهو طبعي--وليس عنصرية او مراهقة فكرية -او مصلحة شخصية-------اما من يريد ان يشار له بالبنان ---انه راكب الماني يبقي ابن ناس --ةالياباني يبقي مفتح--الخ-فهذة التركيبة النفسية لا تنفعها اي سيارة كوري ولا صيني الا لما كل العلم يبصم للاسبيرانزا----ساعتها يبقي ينصح بيها احفادة
السبيرانزا مكسب(من مجرب) مغنم لمن يريد ان يتاجر--غم علي معظم اللي اشتري قبل ماتنزل وماقتنعش بما اشتري
اسبيرانزا (دلال وكمال )
DR/EHABABDELHAFEEZ
عاشق للاسبيرانزا 32
شكرا جدا يا جماعة
أنا حاجرب الأسبرانزا والأوبترا و اللنسر والفيه الخير يعملة ربنا
و أنشاء الله حاخش ف رابطة الأسبرانزا لو عجبتني العربيه
ملاحظة:ردكم علي كل من يقوول كلمة وحشة فحق السبرانزا بيبين ضعف موقفكم ,ماتردووش عليه مادام هو ماساقهااش أساسا -إلا لو فحاجة تقنية عايزه رد-
عزيزي دكتور إيهاب
شكمرا على المعلومات لكن ممكن أعرف هي ليه أحسن من كل اللي أنت قولت عليهم ؟ وماصفاتها إيه بالضبط ؟ وسعرها كام ؟ ومميزاتها ؟ وعيوبها ؟ ............ شكرا مع تحياتي
ا/اسلام--شكرا لاهتمامك بقراءة رسالتي-
انا لم احدد --تفوق السيارة-علي ماركات معينة--انا مضمون كلامي انها طلعت سيارة لاتقل احتراما عن الياباني ولا الالماني (المبالغ في سعريهما ويتمتعان بسمعة عالمية)
اما عن مزابا وعيوب الاسبيرانزا فهي متوفرة وبكثرة ومعروضة بطرق واضحة في موقعنا هنا
وشكرا لك
DR/EHABABDELHAFEEZ
اسبيرانزاوي32
استاذ يحيى كتب:
سوقتها كتير قوى و مش نافعه و بدليل كلام اعضاء بيشتكوا منها و من عفشتها و من سحبها ومن خاماتها السيئه جدا ........اقتباس:
ملاحظة:ردكم علي كل من يقوول كلمة وحشة فحق السبرانزا بيبين ضعف موقفكم ,ماتردووش عليه مادام هو ماساقهااش أساسا -إلا لو فحاجة تقنية عايزه رد
و انت حر طبعا بس ده رأى لازم اكتبه علشان انت عايز نصيحه و دى نصيحتى ,,,, و ماليش دعوه بحد حتى لو قالك دى مرسيدس هههههههههه و فى الأخر لو ماعكش غير فلوسها ماتجيبهاش برده ههههههههههه و ده رأى أستاذ عبدالله و انا معاه .
a7'ook
Sherif
يا جماعة التوقيع مختلف بصوو للصورة وانتو تعرفووو
بالنسبة لموضوع السيارة انا مش عارف ليه قلبنا الموضوع الى خناقات بسبب الاسبرانزا
ليه كل واحد يقول رأيو نرد ونقول انو مايعرفش حاجة وانها عربية زى اليابانى والكورى والالمانى
ليه بنغير الموضوع مش عارف الراجل بيسأل سؤال محدد وخرجنا بره السؤال ودخلنا فى تقيم الاسبرانزا
ليه مايبقاش فى حرية رأى بدل ما كل حد يقول رأيو فى اسيارة يتهاجم
وبعدين انا لما رديت قولت فى فرق بين الاوبترا والاسبرانزا وقلتلو سيبك من الاتنين واشترى لانسر احسن بكتير طبعاا
هل كلامى فيه اساءة او استهزاء او شتيمة فى الاسبرانزا
مش فاهم ليه بس كل مالكى الاسبرانزا بيعملوو كده
والمفروض الموضوع يتحط فى المنتدى العام مايتحطش فى منتدى الاسبرانزا
علشان مايكونش فى تحيز لاى سيارة من السيارات المختارة
مع احترامى يا sokasoon اى نقد للسياره يبقى شتيمه و استهزاء و اساءه و هذا ما يثبت ضعف الأقتناع بالسياره من قبل مشتريها و لهم كل الحق بالطبع فى عدم اقتناعهم بها .
A7'ook
Sherif
بعد قراءتى لكل هذة المناقشة الحامية الملتهبة ها قول رأييى المتواضع بدون تأثر بكل ما قرأت ولكن من خلال تجارب قيادة فعليه
انا سقت الإسبرانزا، وسقت الاوبترا، وسقت الفيرنا، وسقت الإلانترا، وسقت اللانسر، وسقت الصنى وسقت ابول وسقت جولف وسقت حاجات كتير أوى
مع كامل احترامى لكل ما قريته من تعليقات الأعضاء فمش كل العربيات دى زى بعضها
الالمانى يأتى فى المقدمة بلا منازع: السيارة الالمانية فيها كل حاجة انت تتمناها، اداء ونعومة وامان ومتانة وعمر طويل وكل حاجة
يليه اليابانى: عربيات لا يشوب اداءها شائبة، بتحس انك فى عربية ماسكة نفسها وثابتة على الأرض وسريعة وناعمة، انا حطيتها بعد الالمانى علشان فرق الصاج الخارجى لا اكثر
يليه بفارق ضئيل الكورى: العربيات الكورى تكاد تكون مثل اليابانى ولكن لازال يؤخذ عليها فرق نعومة المحرك، وفرق العمر الإفتراضى للأجزاء الميكانيكية عن اليابانى الى حد ما، فيما عدا ذلك سيارات ممتازة وعملية جدا
اما الصينى فليس له معيار محدد: فهو يتوقف بالاساس على اسم الشركة المصنعة واسم الوكيل المحلى، لأن المصانع الصينية -برغم ان لديها القدرة على انتاج اعلى المواصفات ، قهى لا تلتزم سوى بالمواصفات التى يطلبها منها المستورد او الشركة صاحبة العلامة التجارية التى تصنع المنتجات لحسابها، ولا تلتزم بأى نوع من المواصفات القياسية المحلية التى تطبق فى الدول الأكثر عراقة فى مجال التصنيع مثل كوريا واليابان والمانيا
وبالتلى لا يصح الكلام عن (الصينى) على وجه العموم ولكن يصح الكلام هن السيارة التى يبيعها الوكيل الفلانى من إنتاج الشركة الفلانية
وبالتالى لابد ان نخصص حديثنا هنا عن السيارة الإسبيرانزا تحديدا ونقارنها بالسيارات التى ذكرنها سابقا
الإسبيرانزا، لو قورنت بمثيلتها الكورية (اوبترا او إلانترا مثلا) سنجد ان الإسبيرانزا صفقة جيدة ، باعتبار انها ارخص، لكن فى نفس الوقت، متعة القيادة واحساس السيارة الجديدة فى الاسبيرانزا لا يماثل اختها الكورية وبالطبع بعيدة عن المثيلة اليابانية
السيارة الإسبرانزا اداءها بوجه عام جيد جدا من وجهة نظر التسارع والمناورة والثبات على الأرض، الى جانب الإبهار الشديد فى شكل المكونات الداخلية، لكن الإحساس العام يفتقر الى شئ ما.........بعض الأشياء البسيطة مثل عصا الفتيس المبوشة الى حد ما ، خبط علبة الديريكيسون، خامات الصالون التى -رغم ان شكله مبهر جدا-لكنها خفيفة الى حد ما، تجعلك لا تشعر انك اشتريت سيارة جديدة، يعنى الإحساس العام اللى حسيت بيه وانا راكب الإسبيرانزا عاملة 3 الاف كيلومتر يماثل احاسى وانا راكب عربية لانوس او إلانترا عاملة 40 او 50 الف كيلومتر ، او عربية لانسر كريستالة عاملة 100 ألف كيلومتر
وبالتالى هذا المبلغ بالنسبة لها يعتبر عادل وليس لقطة، يعنى لا انت ضحكت على ابو الفتوح ولا هو ضحك عليك، هى توبها كدة،هو ادالك عربية تماثل فى ادائها وقيمتها عربية كورى عالمة 50 ألف، او عربية يابانى عاملة 100 ألف ، وخد منك مبلغ يساوى ذلك، لأنك بنفس ثمنها يمكنك شراء لانسر او إلانترا مستعملة، بس انت لما تجيبها جديدة هتبقى كسبت نظافة الفرش وسلامة الصالون الخارجى ورائحة الفابريكة وضمان انها مش ملعوب فيها والشكل الحديث
وبناء على هذا يمكنك ان تقرر اذا كانت الإسبيرانزا تناسبك ام انك ستضيف مبلغ آخر لشراء سيارة اعلى فى المواصفات
كلام سبعاوى مظبوووووووووط جدااااا
يا مصرى لما انتقد السيارة مش عيب ابدا يعنى لو جيت
قولت الانترا فيها عيب كذا ده معناه انى بستهزء بالسيارة مادام انا بقول حاجة مظبوطة وحقيقية خلاص
يعنى مش بألف وعمر العيب ما كان استهزاء او شتيمة يعنى لما ماقولش عن عيب العربية وسكت
فى غيرى مايعرفشوممكن يشترى على العيوب اللى هو ممكن مايعرفهاش
ولما اقول عيب غير مظبوط واى عضو عاوز يصححو بذوق واحترام بيرد وبيشرح السبب وازى مافيش عيب
ولا ايه يا مصرى
صح يا sokasoon و هو ده اللى انا بقولوه ...........يعنى قولت انت حاجه جديده يا خى ههههههههههههههاقتباس:
ولا ايه يا مصرى
a7'ook
Sherif
والله طبعا رد الأستاذ سبعاوي رد منطقي و عن تجربة
أحب أضيف حاجة للكلام ده، وهو زى ما قال بعض الأخوة "جرب بنفسك" علشان تقدر تكون إنطباع شخصي عن العربية
أنا هاذكر بعض العيوب أو النقاط التي تؤخذ على العربية (إللي شوفتها أو سمعتها من بعض الأخوة):
1 - خامات الصالون الداخلية مش من النوع المحترم أو الغالي (البلاستيك مش محمل).
2 - العربية لسة جديدة ملهاش اسم و سمعة الصيني في مصر سيئة جدا.
3 - تبويشة عصاية الفتيس، فا ديه ممكن عيب تقفيل بس أنا متخيل انها اتحلت في التسليمات الأخيرة
4 - دبة في العفشة (الدركسيون)، التوكيل بيحلها للي إستلم قبل شهر 4 و مش موجودة في التسليمات الجديدة.
بعض المزايا:
1 - سعر جيد.
2 - صاج قوي.
3 - موتور قوي
4 - وكيل محترم جدا و معروف و يدافع عن مكانة القوي جدا في السوق (دايو).
يجب ملاحظة هنا (كما ذكر أستاذ سبعاوي) إن فعلا سعر العربية مناسب جدا لها، من حيث خامات الصالون مثلا (و على فكرة خامات الصالون بتفرق جدا في سعر العربية، مثال: الخشب الأبانوس - الجلد الطبيعي - نوع القماش - درجة البلاستيك و نظافة تصنيعة)، و ده اللي الصينيين عملوه (وعلى فكرة هما شاطرين جدا فيه) و هو الخامات البديلة الأقل تكلفة، ممكن تفرق في الجودة، بس يا جماعة هما هنا لعبوة بس في خامات الصالون، ما لعبوش في الحاجات الأساسية في العربية (يعني العربية مش تمنها 10000 جنية) ديه تمنها 64000 جنية، يعني تقريبا زي اللانوس و الفيرنا، و ارخص من الحاجات التانية (علشان مش مستوردة)
يا أستاذ "جنيدي" أريد أن أوضح لحضرتك أنه لا يوجد مجال لأحد أن يشتم ... هذا الكلام من الممكن أن تجده في أماكن أخرى ولن تجده في مكان محترم مثل Nile Motorsاقتباس:
المشاركة الأصلية كتبت بواسطة جنيدى
و Nile Motors مكتسب قوة من تضامن أعضاءه ومكتسب أحترام من دماثة خلق أعضاءه ومكتسب ثقل من المشاركات أعضاءه
وءأكد لحضرتك ولجميع الأعضاء أن الأدب والأحترام هو الأساس هنا شاء الشيطان أو أبى فالأعضاء لا يرحبوا سوى بالخلق الجيد فقط
مافيش انسان مؤدب ومحترم يكدب --او يخرس لسانة عن شهادة حق --لو فقد احترام الناس لية ممكن تتعوض لكن لو فقد احترامة لنفسة --مش ح تتعوض -روح شوف زميلك الحفناوى كاتب بيقول اية -
و الله انا نفسى ادى لحضرتك المفيد بس المفيد دة شرحة يطووووووووول
و سوف احاول التلخيص :
1- لو حضرتك نااوى تدفع 90000 جنية فى عربية يبقى الاتى :
-----------------------------------------------------------------------
1- الانسر
2- الانسر
3- الانسر ...............بس انه لانسر ؟؟؟؟؟
لانسر 2008 استناها على شهر 8 او 9 نازلة !1
بس معتقدش هتكون ب 90 الف !!!
طب لية 2008 ؟؟؟
لان الموديل الموجود حاليا بقالة كتير جدا و بقى فى كل حتة والناس كلها ركباه !!
* و لو مستعجل اوى تبقى برضو الانسر بس انه لانسر ؟؟؟
اللانسر ال 1600 سى سى !! ( ولا تتنازل عن ال 1600 سى سى ))
لان ال 1300 سى سى (( حرام فيها الفلوس -- ضعيفة جدا ))
***اوعى تجيب اى يبانى تانى (( ولا صنى ولا كورولا ولا يارس ولا الكلام دة !!))
و دة والله مش كره للعربيات دى ولا حاجة بس فى حقائق هندسية عن السيارات دى لازم تعرفها لو حبيت !!
2- اوعى تجيب سيارة كووورى ب 90 الف جنية والله حراااام :
--------------------------------------------------------------------------
1-طبعا زى الاوبترا ---- كورى = دايو نوبيرا الجديدة بس بعلامة امريكية شيك اسمها (شيفرولية)
2-و طبعا الهيونداى ...زى الالنترا مثلا (( معقولة بس هتدفع 90 الف فى حاجة تمنها التقديرى 71 الف (-والكلام دة مش من عندى ولا انا اللى مقدرة -)
3- جربها واحكم انت ( الدايهتسو ماتريا ):
----------------------------------------------------
* لو عايز يابانى جديد + متين + تصميم هندسى رائع للسيارة + مفيهاش غلطة هندسية ولا ميكانيكية !!!
(((( بس مشكلتها انك تتقبلها لان شكلها مش مألوف لينا فى مصر قوى السيارات ذات التصميمات الثورية ))
4- الماليزى (البروتون ) و مشكلته :
------------------------------------------------
1- السعر العالى 80 و 90 الف .........طيب نفرض قبلت السعر
2-اسعااار قطع الغيار --- وهى دى فعلا مشكلته الكبييرة !!!!!!!
3-لم ينتشر بالقدر الكافى
5- تفكير تاانى خالص :
---------------------------
* لو المبلغ دة 90 الف زادو شوية ----120 الف مثلا هيبقى فى كلااام تانى خااالص
-----لو ينفع قول و انا اسرد اختيارات فظيعة زى ((( المازدا 3 + الاوكتافيا ....
6- اختيار مش هتندم علية ((قولى لية ؟؟:
------------------------------------------------
1- لو زى منت معاك ال 90 الف يبقى خد منهم 64 الف و توكل على الله و اشترى اسبيرانزا A516
----لية ؟؟؟
1-1-عربية مبنية على نفس تكنولوجيا الانسر ((التعليق الرياضى الخلفى + الصالون + التابلوه))
1-2-انتشرت و فى وقت قياسى
1-3-و كيل معرووف و قدملنا زمان الدايو (( وتقبلناه ))
1-4-اسبيرانزا = تشيرى ((يعنى رقم 1 فى الصين فى السيارات مبيعات و تكنولوجيا و خامات ))
* 1-4- طبقا لاخر احصائية فى الصين لشهر ماااارس 2007
1-5- قطع غيار معقولة
1-6- قوة الدفع ((المحرك يعنى )) مدعوم بكل ما هو جديد و الكترونى (( ECU 3 )) الكنترول يونيت الجديدة و مجسات الكترونية لدواسة البنزين ( وتفاصيل تانية كتير ...... مش موجودة فى السيارات اليابانية الحالية اللى فى سوقنا اكرر فى سوقنا بس ))
1-7- و الله عندى امتحانات و عايز اخش ااذاكر :lol: :lol:
2- لو ناوى تزود ال90 الف قو لحد فين بالظبط و سوف احاول تحليل الموقف لحضرتك :
--------------------------------------------------------------------------------------------------
طبعا الكلام دة بخبرتى الصغيرة و المتواضعة :oops:
وياريت اكون مفيد للجميع !
.................... يتبع ان شاء الله بالتكملة (( ياريت تجرب و تنزل بنفسك و تحكيلنا ))
عبدالرحمن محمد طه
((فى خدمة الهندسة الميكانيكية دائماً )) :lol: :lol:
بص أى عربية جديده حلوه وهتقعد كام سنه ماتوجعش دماغك
أنا ركبت عيون ونيفا وأوبل وفيات
أى عربيه جديده حلوه ... إشترى الأرخص بنفس المميزات .
Ya rait ya basha to give us some of your wide knowledgeاقتباس:
المشاركة الأصلية كتبت بواسطة عبدالرحمن
please tell me those facts about these garbage cars like my Corolloa (lel2asef i did 83,000 km only till now without one single problem al7amd lellah)
Please tell me so I can sell it fast
شوف يا استاذى الفاضل التويوتا كورولا اليابانى بتاعت اليابان (( لا غبار عليها )) لية ؟؟؟
1-محرك 1800 سىسى
2- ستابيليتى كونترووك
3- اير بااج فى كل مكان فى العربية
4- وزنها معدى 1220 كجم
العربية اللى معااك دى مش وحشى بس مش زى بتاعت اليابان خااالص !!
----------------------------------------------------------------------------------
1- وزن عربيتك 935 كيلو جرام ( 1300 سى سى ) او 955 كجم ( 1600 سى سى )
يعنى محصلتش الطن !!!
تعرف الكورولا الصاج بتعها سمكة كاااام ؟؟
---- (3. مم ) ------ !!!!
2- ال Cg بتاع العربية مرتفع عن الارض............يعنى اية ؟؟
-----كل جسم ولية مركز ثقل - مركز تخيلى -- كلما كان قريب من الارض
كلما زاد من ثباتها و رسوخها على الارض !!
--- وبالنسبة للسفن والمركبات البحرية لية حسبة تانية !!
3-لو معااك ال 1300 سى سى (( محرك ضعييف جدا ))
------بالارقام و الخرائط
------ و بشهادة ناس كان عندها عربيات قديمة و جددت بالكورولا 1300 سى سى
4- نيجة بقى لافظع نقطة فى الكورولا (( الثباااااااااااااااااااات ))
اللى هوا شبة مش موجود بعد سرعة 110 كم/ س ...بشهادة اللى اشتروها و بيجوا كل يوم
تويوتا ايجبت بجوار كليتى ((هندسة عين شمس )) ونتأخذ اراهم حول السيارة !!
** علشان كدة الكورولا برة مصر فيها ستابيليتى كونترول
**و فيها اير بااجز اللى هى ضرورية جدا لعربية زى دى
5- ودة الاهم السعر يا باشا ((فيها اية الكورولا من كمليات مش موجود فى اى عربية عادة - كورى مثلا او ماليزى او حتى صينى ))
---دا يمكن تكون اقل فى الكماليات و الرفاهية !!!!
و فى النهاية عايز اقولك انك معااك عربية ليها اسم كبير ((تويوتا )) :
-------------------------------------------------------------------------------
*الى عملت مؤخرا مخرك روتارى (( حاجة كدة ثورة هندسية ))- (( و قد الكباار من اوروبا و بتنافس معاهم ))
*و عاوز اقولك ان الكورولا فى اوروبا بتنزل بشاسية تانى خالى متطور و لة وزنة و بيجرة محركات بتوصل ل 2000 سى سى
وفى الخليج (( مش بعيد عننا قوى )) بتبدأ المحركات فى الكورولا من 1800 سى سى ((لان الوزن تقيل )) + انظمة الثبات الالكترونى
و حاجة اخيرة ركز جاامد معاها لما تكون بتجرى فوق ال110 كم / س ارجووك ((لان اعربية من جوة وانت قاعد فيها مش بتحس بأى حاجة ))
و بعد الشر عليك من الحوادث يا سيدى !!
عايز بس اقولك ان الهيونداى فيرنا وزنها 1010 كجم !!!! ----------مجرد مثال (( و برضو خفيفة )) :!:
مع احترامى للجميع .....كلام سبعاوى احلى كلام اتقال فى الموضوع.....فعلا خبرة + اعتدال + اسلوب محترم = سيعاوى
[align=justify:3bb1a551ce][align=center]شوف يا استاذى الفاضل التويوتا كورولا اليابانى بتاعت اليابان (( لا غبار عليها )) لية ؟؟؟
1-محرك 1800 سىسى
2- ستابيليتى كونترووك
3- اير بااج فى كل مكان فى العربية
4- وزنها معدى 1220 كجم
العربية اللى معااك دى مش وحشى بس مش زى بتاعت اليابان خااالص !!
----------------------------------------------------------------------------------
1- وزن عربيتك 935 كيلو جرام ( 1300 سى سى ) او 955 كجم ( 1600 سى سى )
يعنى محصلتش الطن !!!
تعرف الكورولا الصاج بتعها سمكة كاااام ؟؟
---- (3. مم ) ------ !!!!
2- ال Cg بتاع العربية مرتفع عن الارض............يعنى اية ؟؟
-----كل جسم ولية مركز ثقل - مركز تخيلى -- كلما كان قريب من الارض
كلما زاد من ثباتها و رسوخها على الارض !!
--- وبالنسبة للسفن والمركبات البحرية لية حسبة تانية !!
3-لو معااك ال 1300 سى سى (( محرك ضعييف جدا ))
------بالارقام و الخرائط
------ و بشهادة ناس كان عندها عربيات قديمة و جددت بالكورولا 1300 سى سى
4- نيجة بقى لافظع نقطة فى الكورولا (( الثباااااااااااااااااااات ))
اللى هوا شبة مش موجود بعد سرعة 110 كم/ س ...بشهادة اللى اشتروها و بيجوا كل يوم
تويوتا ايجبت بجوار كليتى ((هندسة عين شمس )) ونتأخذ اراهم حول السيارة !!
** علشان كدة الكورولا برة مصر فيها ستابيليتى كونترول
**و فيها اير بااجز اللى هى ضرورية جدا لعربية زى دى
5- ودة الاهم السعر يا باشا ((فيها اية الكورولا من كمليات مش موجود فى اى عربية عادة - كورى مثلا او ماليزى او حتى صينى ))
---دا يمكن تكون اقل فى الكماليات و الرفاهية !!!!
و فى النهاية عايز اقولك انك معااك عربية ليها اسم كبير ((تويوتا )) :
-------------------------------------------------------------------------------
*الى عملت مؤخرا مخرك روتارى (( حاجة كدة ثورة هندسية ))- (( و قد الكباار من اوروبا و بتنافس معاهم ))
*و عاوز اقولك ان الكورولا فى اوروبا بتنزل بشاسية تانى خالى متطور و لة وزنة و بيجرة محركات بتوصل ل 2000 سى سى
وفى الخليج (( مش بعيد عننا قوى )) بتبدأ المحركات فى الكورولا من 1800 سى سى ((لان الوزن تقيل )) + انظمة الثبات الالكترونى
و حاجة اخيرة ركز جاامد معاها لما تكون بتجرى فوق ال110 كم / س ارجووك ((لان اعربية من جوة وانت قاعد فيها مش بتحس بأى حاجة ))
و بعد الشر عليك من الحوادث يا سيدى !!
****و بعدين يا سيدى انا معرفتى مش عريضة كدة زى ما سياتك قولت*****
**** وانا معيبتش فى التويوتا كورولا عامة ** واعتقد دة اتوضح فووق فى كلامى ******
عايز بس اقولك ان الهيونداى فيرنا وزنها 1010 كجم !!!! ----------مجرد مثال (( و برضو خفيفة )) :!: [/align:3bb1a551ce][/align]