عايز مسااعدة في مقااارنة

**yahia** · 22-05-2007 06:16 PM

أنا-قبل ما أخش الموقع -كنت حاشتري أوبترا هي دلوقتي بتسعيين و أنا مش شايف فرق بينها و بيين السبرانزا a5
يارييت حد يذكر الفرووق .الحاجة الوحيدة الأنا عارفها نقطة السعر و دي محسومة للسبرانزا

**ehabbadr** · 22-05-2007 06:39 PM

حضرتك انا مركبتش الاوبترا بس معايا اسبرانزا 1600 بجد عربيه ممتازه و كماليات و أداء ممتاز الاوبترا كورى و مش شيفروليه امريكى من مصنع جنرال موتورز فى كوريا بعد ما اشتروا الدايو اذا هيا دايو نوبيرا فى صوره مختلفه و أعتقد ماتستاهلش السعر ده اما الاتساع من جوه ممكن سيادتك تركبها و تقارن بينهم

**sokasoon** · 22-05-2007 07:00 PM

طبعا فى فرق بين الاوبترا والاسبرانزا

ونصيحة بلاش تقارن بالسعر خالص

وسيبك من الاتنين وهاتلك لانسر 1600 احسن من دول مادام وصلت للتسعين الف

**mohamed el hussien** · 22-05-2007 07:12 PM

الاوبترا الناس كلها بتشكر فيها جامد
وحتي هي النوبيرا النوبيرا كانت ومازالت عربية كويسة والدليل انتشارها
تمت الاسبيرانزا انا مش فاهملها حاجة بصراحة
شوية ناس تمدح اووي اووي فيها وشوية العكس
مفيش وسط خالص حاجة غريبة

وانا لو مكانك اسمع نصيحة بايو
واجيب لانسر او صني

**vooooo** · 22-05-2007 07:46 PM

فعلآ الصنى ممتازه و اعتقد اوسع من اللنسرو بما اندك دخلت فى ال 90 الف ابعد تمامآ عن الصينى و الكورى و هات يابانى

22-05-2007 08:36 PM

لا هو لو جيت لحق ربنا الناس اللى سببت لك لخبطة ومش علرف تصدق اللى بيهاجم ولا اللى بيدافع انا اقولك ---اللى بيدافع عن العربية -بيدافع من منطلق انة جرب بنفسة ويمتلك السيارة فعلا وهو ايضا يحدثك بكل امانة عن العيوب او المشاكل التى قابلتة وما عولج منها ومالم يعالج بعد-وما ينتظر هو ان يعالج بس بالدور --يعنى لو هناك مشكلة فى علبة الدركسيون التوكيل اعترف بيها وكل واحد ينتظر دورة علشان تحل مشكلتة ---الناس اللى بتهاجم بقى عمال على بطال وبتدخل تشتم او تهاجم السيارة وخلاص --دول بقى شوية شباب دمهم لذيذ موت بيحبوا يتدخلوا علشان يثيروا حفيظة مالكى السيارة وتبداء المناوشات لغاية ما ينجحوا فى اللى همه عاوزينة ويجدوا ان الكل بيطلع فيهم جامد --ووقتها بيجيبوا ورا --خاصا وان 99.99% منهم لا يعرف اى حاجة عن السيارة كلة من السمع او مجرد النظر لها او واحد خدلة لفة كدة ولا حاجة--لكن همه شايلين منها كدة وخلاص من غير سبب --وكأنهم متضايقين ان فى ناس بتحب سيارتها وبتتكلم عنها كويس او كأنهم متضايقين ان فى ناس اشترت سيارة كويسة ومعقولة وبسعر ليس بالكبير ---الحل الامثل انك تحاول تجربها مرة واثنين وثلاثة حاول تحضر الاجتماعات اللى الاخوة هنا بينظموها فى اجتماع يوم 25 روح وجرب وشوف قبل ما تحكم او تاخد قرار --علشان مايبقاش كلام وخلاص--وربنا يوفقك ويبعد عنك الناس اللى بتفتى وخلاص ---على فكرة مش عاوزك تفهم من كلامى انى عاوز اقنعك بلاسبيرانزا--لا انت حر -لكن لو حضرت الاجتماع ح تسمع من خبراء ويكون امامك فرصة للتجربة وايضا بمساعدة جميع الاخوة هنا وح تجد انواع مختلفة كثيرة من السيارات-

**ehabbadr** · 22-05-2007 11:01 PM

وانا لو مكانك اسمع نصيحة بايو
واجيب لانسر او صني

على فكره ده مش بايو ولكن sokasoon ولكنه اقتبس توقيع بايو و أرجو أنه يغيره منعا لللبس

**محمد المرسي** · 22-05-2007 11:08 PM

أستاذ يحيي ..
بكل أمانة أنا كنت محتار زيك كده .. وكنت ناوي أجيب لانوس أو فيرنا أو شيرى A15 .. لكن أنا نظرت للموضوع من وجهة نظر مختلفة ..
أولا بالنسبة للسعر .. السعر بالنسبة للـ 4 أنواع قريبة من بعضها وأن تقل عنهم الأسبرانزا ..
ثانيا من حيث الكماليات .. تقريباً نفس كماليات شيرى A15 لكن شيرى A15 بسعر أعلى .. مع ملاحظة أن هناك فارق شاسع من حيث الصالون ووجود تكيف ديجتال وكاسيت CD ..
ثالثا من حيث الأداء .. أداء السيارة أكثر من ممتاز بالنسبة إلى سعرها فالموتور صوته بالكاد يظهر مع السرعة .. وبالنسبة للسحب فناس تقول أن سحبها ضعيف وناس تقول أن سحبها وحش لكن إذا أردت أن تعرف مدى قوة سحب السيارة فبرجاء أن ترى مشاركة أبو نورا حول هذا الموضوع بشكل علمى وهذا هو اللنك الخاص بالموضوع : http://www.nilemotors.net/Forum/viewtopic.php?t=1474
رابعا من حيث القوة .. توجد مشاركة للأستاذ أسامة مصطفى يوضح فيها قوة السيارة من خلال التصادم وهذا هو لنك المشارك : http://www.nilemotors.net/Forum/viewtopic.php?t=109
خامساً من حيث الشكل .. فعلى الشكل على ما أظن محسوم للأسبرانزا ..
سادساً من سمعة الوكيل .. لا أعتقد أن أحد ينكر قوة أبو الفتوح كوكيل ..
سابعاً لتجربة شئ جديد .. عندما ذكرت الـ 4 أنواع لقيت أن اللانوس أخر سنة ليها فى التصنيع السنة دى .. بالنسبة للفيرنا رغم أن وكيلها قوى جداً إلا أنها سيارة ضعيفة من حيث القوة وخفيفة على الطريق .. بالنسبة لشيرى A15 فوكيلها ليس له أسم كبير مثل أبو الفتوح وغبور غير أن السيارة لا تصنع فى مصر فستكون قطع الغيار من خلال الوكيل فقط ..
استاذى الفاضل هذه المقارنة خاصة بى عند أختيارى للسيارة وليس لأحد القدرة لأعطائى رأيه حتى لو كان رأيه صائباً ..
ولا تجعل من كلامي هو الأكيد .. فأنت صاحب القرار وأنت من سيدفع الأموال ..
وكل ما ذكرته لتأكيد أن السيارة ليست سيئة وأيضا لأنير لك طريق المعرفة بالنسبة للسيارة ..

وتقبل أحترامى ..

**sh_masry** · 22-05-2007 11:30 PM

أ.يحيى ..... لو عايز عربيه تعيش و تحس انك راكب عربيه زيرو و محترمه بجد يبقى ابعد عن الأسبرانزا و بشهاده من ناس كتير راكبينها و بلاش تسترخص لأن الغالى تمنه فيه و فى الأخر هاتلى اى حاجه صينى دخلت مصر هنا و محترمه و تقجر تقول عليها سلعه تعيش معاك فتره .... مش هاتلاقى , يبقى العربيه الصينى هى اللى هاتعيش يعنى !!!!!!!!!!!؟؟؟؟؟؟؟؟؟؟؟
و فى الأخر يبقى رميت فلوسك فى الأرض لأنك مش هاتلاقى حد يشتريها منك و انت مش هاتعرف تركبها من مشاكلها ...... و بص على اى عربيه صينى نزلت مصر من 4 سنين .... هى فين دلوقتى , بتشوفها ؟؟؟ لأ طبعا علشان اصحابها خلصم منها .....
و اهى هاتخدلها فتره و ماتشوفهاش تانى و الناس تندم انها جابتها .... و الأيام بيننا ههههههههه

a7'ook
Sherif

**ehabbadr** · 22-05-2007 11:48 PM

يابنى بطل بقه انت مش بتزهق افصل دى الثلاجه بتفصل 4 سنين ايه هو الصينى بقاله فى مصر كام سنه؟ انت نفسك عايز تستورد أدوات صحيه من الصين مش ده كلامك ؟ ياريت تجيب واحد من اللى راكبينها و بيقول ابعد عنها فى الاجتماع الجاى .
اى كمبيوتر فى بلدك صينى ال play station صينى ده مش هنا بس ده فى امريكا كمان ليه أبو الفتوح مايكونش جايب حاجه كويسه هو فيه حد سمع عن الدايو الا لما ابو الفتوح نزلها دلوقتى بقت عربيه جميله بالمقارنه بالاسبرانزا و انت مش بتدخل منتدى الهيونداى بتاعك ليه :D :D :D :D

الموضوع: عايز مسااعدة في مقااارنة

LinkBack

أدوات الموضوع

عرض

-

-

-

-

-

-

-

المواضيع المتشابهه

مسااعدة في اربي

عايز اجيب Gen 2 بس فى عيوب اتكلم بعض الاعضاء عنهم و عايز اتاكد منهم

يا كياوية عايز ابقي كياوي ولكن عايز اجابة مختصرة ومفيده ؟؟

الكلمات الدلالية لهذا الموضوع

المفضلات

المفضلات

ضوابط المشاركة