عايز مسااعدة في مقااارنة

**هشام.النجار** · 30-05-2007 03:06 AM

المشاركة الأصلية كتبت بواسطة sab3aawy

السيارة الإسبرانزا اداءها بوجه عام جيد جدا من وجهة نظر التسارع والمناورة والثبات على الأرض، الى جانب الإبهار الشديد فى شكل المكونات الداخلية، لكن الإحساس العام يفتقر الى شئ ما.........بعض الأشياء البسيطة مثل عصا الفتيس المبوشة الى حد ما ، خبط علبة الديريكيسون، خامات الصالون التى -رغم ان شكله مبهر جدا-لكنها خفيفة الى حد ما، تجعلك لا تشعر انك اشتريت سيارة جديدة، يعنى الإحساس العام اللى حسيت بيه وانا راكب الإسبيرانزا عاملة 3 الاف كيلومتر يماثل احاسى وانا راكب عربية لانوس او إلانترا عاملة 40 او 50 الف كيلومتر ، او عربية لانسر كريستالة عاملة 100 ألف كيلومتر

وبالتالى هذا المبلغ بالنسبة لها يعتبر عادل وليس لقطة، يعنى لا انت ضحكت على ابو الفتوح ولا هو ضحك عليك، هى توبها كدة،هو ادالك عربية تماثل فى ادائها وقيمتها عربية كورى عالمة 50 ألف، او عربية يابانى عاملة 100 ألف ، وخد منك مبلغ يساوى ذلك، لأنك بنفس ثمنها يمكنك شراء لانسر او إلانترا مستعملة، بس انت لما تجيبها جديدة هتبقى كسبت نظافة الفرش وسلامة الصالون الخارجى ورائحة الفابريكة وضمان انها مش ملعوب فيها والشكل الحديث

وبناء على هذا يمكنك ان تقرر اذا كانت الإسبيرانزا تناسبك ام انك ستضيف مبلغ آخر لشراء سيارة اعلى فى المواصفات

بالرغم من إحترامي لآراء الأستاذ سبعاوي التي تنم عن خبرة ومعرفة كبيرة إلا إني مش متفق معاك في هذا الرأي , عندنا نوبيرا مش فاكر موديل 2005 ولا 2006 لكن عامله 37 ألف كيلو لحد دلوقتي ولما بسوقها وأسوق الإسبرانزا بتشعر بفرق الزيرو بالتأكيد زائد إن صوت تدوير موتور النوبيرا أعلى من الإسبرانزا لكن بصراحة صوت الموتور عند التسارع بالعربية في الإسبرانزا بيبان أكتر

**sh_masry** · 30-05-2007 03:21 AM

من الاخر سبيرانزا A516 متفوقة على كل من

1-الهيونداى فيرانا(1500 و 1600 سى سى ) = اكسنت
2-الدايو لانوس (1500 سى سى )
3- التويوتا ياريس (1300 سى سى )

كلام ينم على عدم معرفه اى شئ فى البطاطس و للا حتى فى العربيات هههههههه
معلش يا عبد الرحمن انا عارف انك هاتبقى مهندس ميكانيكا ان شاء الله بس اللى انت بتقوله ده صعب حبتين ...بل ثلاث حبات
a7'ook
Sherif

**ehabbadr** · 30-05-2007 07:09 AM

عبد الرحمن لو شايف الرساله اللى فوق بتاعه شريف غير مناسبه (spam mail) أرسل لى رساله خاصه بذلك

بس هو بيهزر علشان كوفتجى...........

**محمد صبري ابراهيم** · 30-05-2007 10:54 AM

أستاذ شريف، تحية ليك قبل أي شئ

أنا مش هاجيب كلام من عاندي (خليني برة الموضوع)

ديه مقارنة عمالها أستاذ سبعاوي بين اللانوس و الفيرنا (بتقول إن الفيرنا هي الإمتداد لل أكسنت)

المقارنة

و هي مقارنة باعتبرها مرجع أساسي في المقارنة بين اللانوس و الفيرنا

**ايهاب** · 30-05-2007 10:54 AM

يبقي امري للله------------مع اني ماكنتش ناوي ابدي الراي في موضوع تفضيل سيارة علي اخري=من الاخر
اسبيرانزا---ثم اسبيرانزا ----ثم اسبيرانزا
dr/ehababdelhafeez
اسبيرانزاوي----طاير من الفرح بروعة السيارة
رقم 32

**sh_masry** · 30-05-2007 12:18 PM

ديه مقارنة عمالها أستاذ سبعاوي بين اللانوس و الفيرنا (بتقول إن الفيرنا هي الإمتداد لل أكسنت)

اكيد انها امتداد ليها لأنه لا يوجد شئ اسمه فيرنا و لكن فيرنا هنا من اختراع غبور و لكنها هى هى الأكسنت المعدل للأكسنت القديم و تعديل الأثنين هو ال new accent
و بخصوص الأسبرانزا ربنا يباركلكم فيها و يزود فرحتكم بس يا دوك خليك طاير من الفرحه بس علشان مش هاتعرف تطير بالعربيه

a7'ookom
Sherif

**عبدالرحمن** · 01-06-2007 06:07 AM

لو الاستاذ شريف شايف ان الكلام اللى انا كتبتة فوق مبنفعش حتى فى البطاطس مش السيارات

اقدر اقولة ان السيارات مبدأياً لما نيجى نقارنها:
1- ((بلغى حاجة اسمها عاطفة )) حب او كرة للموديلات اللى بقارنها
2-يتم ترتيب السيارات حسب الفئة كالتالى :
*** هاتش باك
***صالون صغير---((فيرنا و اكسنت لانههم حاجة واحدة + الانوس + اليارس ...))
***صالون متوسط --(( مثل النوبيرا + الاسبيرانزا + الانسر ....))
***صالون كبير --((تويوتا افالون + مازدا 6 + .....و هكذا ))
***الصالونات السيدان بأعلى ((ذات الصالون + شنطة خلفية -- 4 ابواب و ليست 5 -- مش لفت باك يعنى ))

3- يتم استبعاد كل سيارة فى فئتها فقط ولا يحق لك او لاى شخص ادخالها فى غير فئتها فى المقارنة :!:

2- بترتب السيارات حسب السعة اللترية ---السى سى بتاع المحرك --
**** 1.3 = 1300 سم مكعب = 1300 سى سى ...... (اليارس +.....
****1.5 = 1500 سم مكعب = 1500 سى سى .......( اللانوس + الفيرنا 1.5 +.....
****1.6 = 1600 سم مكعب= 1600 سى سى ........( النوبيرا + الانسر 1.6+الاسبيرانزا + ......

4- يتم استبعاد اى سيارة خارج فئة ال سى سى ...

5- هناك ما يسمونة مقارنات التريم Trim و هى مقارنات تكون على جودة و فخامة التأفيل
والتشطيب العام لسيارات من نفس الفئة اللترية و الفئة النوعية (( ودى لما تحدث تعادل بينهم فيما سبق ))

و هكذا يا استاذ شريف .........

و لو عند حضرتك منهج علمى اخر للمقارنة بين السيارات
يا ريت توافينى به علشان نستزيد من علمكم الوافر فى هذا الموضوع :!: :!:

لان الوحد فعلا مبقاش مواكب للتطور الفظيع فى اساليب المقارنة

**عبدالرحمن** · 01-06-2007 06:10 AM

وشكرا يا دوك على الاهتمام

بس انا شايف انه مفيش داع لحذف مشاركة الاخ الفاضل

لاننى والحمد لله قادر على اثبات انى بفهم كويس فى البطاطس بجميع انواعها

((المقلى و المسلوق )) و صنية البطاطس فى الفرن كمان

**sh_masry** · 01-06-2007 01:15 PM

ههههه يا عبد الرحمن ده انت طلعت تاجر بطاطس ههههه , انت كلامك علميا صح طبعا و مافيش فيه اى غلط ....... بس ده ماينفعش لأنك لازم تقارن كل اللى موجود فى السوق , مش تقارن كل فئه على حده ........ يعنى مثلا الانسر 1300 اكيد احسن من الفيرنا 1500 سواء فى سحبتها او تقفيلها او ,,, او ..... بدليل انا نفسى لما كنت بشترى كنت بقارن بين لانسر 1300 و الانترا 1600 يبقى ماينفعش انك تقارن المقارنه السابقه الا لو على اسلوب علمى علشان دراستك .... انما فى الحياه العمليه و عند ركوب سياره معينه بتقارن بأسلوب مختلف خالص عن اسلوب الدراسه .
و عموما الف مبروك شوال البطا..... قصدى الأسبرانزا ههههههههه ( طبعا عارف انى باهزر معاك )
A7'OOK
Sherif

**عبدالرحمن** · 02-06-2007 03:24 AM

معتقد ان مقارنة الانسر 1300 بالالنترا 1600 دى مقارنة اساسا ولا علمية ولا عملية

لانك وانتا بتشترى لازم تحدد انتا عايز كام سى سى

يعنى العربية ليك و للاسرة مثلا و سفر و مجهود

يبقى لازم 1600 سى سى

مش تقول بتقارن 1300 ب 1600 يا راجل

و فى الاخر يبقى رأيك اللى المفرود مفيد و نصيحة لوجه الله

تقول للراجل روح اشترى فيرنا :!: :!: :!: :!:

:P

فيرنا

بعد كل العيوب و المشاكل و المصايب اللى اصحبها بيعلنوها من تانى يوم والى طول العمر

والبركة فى عمو غبور اللى بيهتم بخدمة ما بعد البيع و بعملائة حلو قوى
و بيروقهم اخر حاجة

الموضوع: عايز مسااعدة في مقااارنة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مسااعدة في اربي

عايز اجيب Gen 2 بس فى عيوب اتكلم بعض الاعضاء عنهم و عايز اتاكد منهم

يا كياوية عايز ابقي كياوي ولكن عايز اجابة مختصرة ومفيده ؟؟

الكلمات الدلالية لهذا الموضوع

المفضلات

المفضلات

ضوابط المشاركة