الموضوع: (دمعة على صلاة الفجر)

أولا جزاك الله خيرا على الموضوع الجميل ده وجعله فى ميزان حسناتك أنت وجميع من قرأه وعمل به

يا جماعة صلاة الفجر ليها مزايا كتير قوى وخصوصا لو فى المسجد
وكنت عملت موضوع قبل كده عن فضل صلاة الفجر فى جماعة وازاى نشجع بعض بأن كل واحد يصحى اثنين من اصدقاؤه لصلاة الفجر وبكده ممكن نعمل سلسلة كبيرة من المصليين الفجر

المشاركة الأصلية كتبت بواسطة kareemz

جزاكم الله خيرا على التذكره

أنا هقول نصيحه و مش هينتفع بيها الا اللى عاوز ينتفع بيها.

لو انت عاوز فعلا تقوم تصلى الفجر و حاسس ان الموضوع صعب أو تقيل عليك ده مش معناه ان انت وحش .. ممكن بس انت متعرفش قيمة صلاة الفجر عشان كده مش لاقى حافز عشان تقوم تصلى .. وده بيحصل حتى للشباب اللى بيفضل فتره يلتزم بالصلاه و بعدين ممكن بعد شويه يقصر أو يهمل .. طيب ايه الحل؟

الحل فى ايدك انت .. متستناش حد ييجى يقطمك ولا يقول لك اللى بتعمله ده حرام و انت مش عارف عقوبة تارك الصلاه ايه؟ لأ انت من نفسك دور على الانترنت أو فى أى كتاب أو مطويه على درس أو مقال لأى داعيه بتحبه عن الموضوع اللى انت محتاجه وهتلاقيه جاب نتيجه ممتازه معاك ان شاء الله .. هتعمل العباده وانت مبسوط وطاير من الفرحه .. مثلا بعد ما تسمع درس عن صلاة الفجر وانت راجع تستشعر ان الملائكه بتبلغ ربنا سبحانه وتعالى انك صليت الفجر فى جماعه .. أو وانت رايح تفتكر حديث الرسول عليه الصلاة والسلام اللى بيبشرك بالنور التام يوم القيامه و يا سلام كمان لو تقرا عن الفوائد الصحيه للاستيقاظ لصلاة الفجر.

أنا مثلا دايما لما بلاقى انى قصرت فى موضوع الخشوع فى الصلاه .. على طول اروج اجيب شريط معين عن الخشوع فى الصلاه و اسمعه .. والله الصلاه اللى بعد سماع الشريط على طول بحس بفرق رهيب مع انى سمعته يمكن اكتر من عشر مرات قبل كده .. نفس الكلام بالنسبه لموضوع غض البصر و صلاة الفجر .. دايما لما بحس انى قصرت أروح أجيب درس عن الموضوعات دى لحد بحب اسمعه .. وبيفرق مايا جداااا .. مش بيحسسنى بتأنيب الضمير قد ما بيحسسنى بالسعاده وانا بعمل الطاعه ومستشعر ان الله عز وجل راضى عنى وفرحان بيه.

بالنسبه لموضوع صلاة الفجر .. أنا ارشح لكم "كيف تحافظ على صلاة الفجر" للدكتور راغب السرجانى .. مش هحط اللينك بتاعه ... عشان اللى فعلا عاوز يقوم يصلى الفجر و يستشعر السعاده دى هو اللى يدور عليه و ينزله.

و أوصى نفسى واياكم بالصحبه الصالحه.

جزاك الله خيرا

اذان الفجر
الله اكبر الله اكبر

يلا نقوم نصلي

يا رب نحافظ كلنا على صلاة الفجر فى المسجد فى جماعة
اللهم آمين

رب اغفر لي ولوالدي، رب ارحمهما كما ربياني صغيرا

عَنْ أَبِي هُرَيْرَةَ رَضِيَ اللَّهُ عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "يَعْقِدُ الشَّيْطَانُ عَلَى قَافِيَةِ رَأْسِ أَحَدِكُمْ إِذَا هُوَ نَامَ ثَلَاثَ عُقَدٍ يَضْرِبُ كُلَّ عُقْدَةٍ مَكَانَهَا عَلَيْكَ لَيْلٌ طَوِيلٌ فَارْقُدْ فَإِنْ اسْتَيْقَظَ فَذَكَرَ اللَّهَ انْحَلَّتْ عُقْدَةٌ فَإِنْ تَوَضَّأَ انْحَلَّتْ عُقْدَةٌ فَإِنْ صَلَّى انْحَلَّتْ عُقَدُهُ كُلُّهَا فَأَصْبَحَ نَشِيطًا طَيِّبَ النَّفْسِ وَإِلَّا أَصْبَحَ خَبِيثَ النَّفْسِ كَسْلَانَ". أخرجه مالك (1/176 ، رقم 424) ، وأحمد (2/243 ، رقم 7306) ، والبخاري (1/383 ، رقم 1091) ، ومسلم (1/538 ، رقم 776) ، وأبو داود (2/32 ، رقم 1306) ، والنسائي (3/203 ، رقم 1607) ، وابن ماجه (1/421 ، رقم 1329) . وأخرجه أيضًا : ابن حبان (6/293 ، رقم 2553).