اقتراح مقابلة لمالكى ميتسوبيشى

**DrMax** · 20-05-2010 12:20 AM

السلام عليكم

كان استاذ احمد نوح تفضل بطرح فكرة اننا نتفق على يوم ونتقابل فيه عشان نتعرف ببعض لان فعلا كل الاقسام بيعملو كده الا احنا ليه مش عارف

فانا بقترح اننا نتفق على يوم نتجمع فيه ونتعرف ببعض
عن نفسى انا من طنطا بس ممكن نظبط المعاد فى القاهرة مثلا وليكن يوم خميس ولا حاجة عشان اللى عندو شغل وكده فيبقى اغلبنا فاضى

فياريت كل واحد يقترح المعاد والمكان ونحاول نتفق ونظبط المقابلة دى عشان نتعرف ببعض
وياريت لو حد يتفضل مشكورا ويتبنى عملية تنظيم المقابلة لان وقتى وشغلى لا يسمحو...بخش تخاطيف الصراحة :)....وكمان غالبا المقابلة هتبقى فى القاهرة قياريت يتولى حد من المقيمين بالقاهرة عملية التنظيم عشان المكان وكده
فى انتظار اقتراحاتكم

**devilishtigers** · 20-05-2010 01:05 AM

انا فعلا نفسي في المقابلة دي من زمان
بس.......

دلوقتي في مذاكرة علشان الامتحانات هتبدأ 7 وتخلص على يوم 28

**kemoelord** · 20-05-2010 01:32 AM

طبعا فكره المقابلة دي فكره ممتازة جدا وانا الحقيقه كنت فاكر ان اعضاء القسم كانوا بينظموا مقابلات قبل كده , لكن اتضح ان عمرهم ما اتقابلوا او كانت المقابلات تقتصر على مقابلات " المنتدى " فقط . لكن فيه مشكله وهي ان عقبال لما ننظم مقابله ويحضر فيها عدد كبير من الناس هنا ويتفقوا على المكان ثم الاهم وهو الموعد كل الكلام ده هياخد وقت طويل بسبب انشغال كل الناس تقريبا اما في شغلها او السفر او الامحتانات المنعقدة في الفتره دي ده غير البطولات الرياضيه المهمة الموجوده في الفتره دي سواء " كأس مصر " او " كأس العالم " , لكن ممكن نتخطى العقبات دي ان شاء الله

**Ahmed Nouh** · 20-05-2010 06:04 AM

ياريت والله وانا معاكم فى اى ميعاد فى اى مكان

بس المهم نلاقى التفاعل

**أبو إياد** · 20-05-2010 08:32 AM

انتوا سيبتوا الشتا وجايين فى الصيف تعملوا الموضوع ده
هو ياريت والله بس المشكله صعب تلاقى عدد كبير يكون متفرغ فى وقت واحد

**FunnyMickey** · 20-05-2010 12:57 PM

انا موافق
وزايط في اي زيطه

والافضل نعملوا في وقت الامتحانات
عشان انا صايع ومعنديش امتحانات
وحروح المقابله لوحدي

المقابله انهارده بالليل تحت بيتنا
موافقون
موافقون

هههههههههههههه

**أبو إياد** · 20-05-2010 01:07 PM

طالما انتوا كده بقا انا معنديش اى مانع تكون المقابله الليلادى وممكن العجوزه او ليموزين مدينه نصر اللى يريحكوا حسب الاقرب للناس اللى موافقه

**FunnyMickey** · 20-05-2010 01:45 PM

ههههههههههههههههههههههههه هههههههههه

وادي كمان ابو اياد زايط معايا

any body want to ziiiiiiiiita with us?????

ايه رأيكو بقي رخامه برخامه نخلي المقابله في حته عجيبه

فين معرفش

بس احنا بقي مش اي اعضاء

احنا لانسراويه

ها ايه الاقتراحات؟؟؟؟؟؟؟