مقابلة سريعة لرجالة ميتسوبيشى فى الشهر الكريم

**prisoner** · 07-08-2011 10:24 PM

بسم الله الرحمن الرحيم

كل سنة وحضراتكم بالف صحة وسلام ورمضان كريم علينا ان شاء الله باختصار شباب ورجالة الاسطورة العظيمة ميتسوبيشى وبالاصالة عن نفسى وفى ظل غياب غامض لرجل من رجالة ميتسوبيش ( صبحى ) وبالنيابة عنه لانه هوة اللى كان بيفكر فى موضوع المقابلات وبصراحة هو كان السبب الرئيسى فى المقابلة اللى اتشرفنا بيها وبالناس المحترمة بس المرة دى مختلفة شوية جاتللى الفكرة لما قابلت الكابتن مومو اكتر من مرة وقاللى عايزين نتقابل ونقعد مع بعض وفى نفس الوقت كان بيقوللى الاستاذ محمود ديفل شنايجر على نفس الموضوع والجرجاوى كان نفسى اشوفه واسامة باشا اللى كان عنده ظروف المرة اللى فاتت لقيت ان احنا اكتر من شخص متفقين على ان احنا نتقابل وطبعا زى ماعودنا المنتدى الجبار ان احنا المواضيع لاتكون فردية فجاتللى فكرة الموضوع يعنى اى اخ كريم يحب يكون موجود طبعا لامانع انا ابتديت الموضوع وهاسيب لحضراتكم الاقتراحات السريعة والاماكن اللى ممكن نتقابل فيها وانا من الاول موافق ان شاء الله على المكان انما الميعاد ياريت يكون مناسب لينا كلنا ان شاء الله مستنى ردودكم للتاكيد والميعاد وياريت اللى يشوف صبحى يقوله او يكلمه فى التليفون وخللى الجواز ينفعه على رائ احد الحكماء

**mohammedabdallh** · 07-08-2011 10:42 PM

فكرة ممتازة وجميله جدا وبالذات ان المقابله الى فاتت فى ناس كتير مجتشى وطبعا انا واحد منهم
وفى رمضان هتبقى هايله
بس للاتسف صعب جدا فى رمضان بالنسبه ليا
انا اسف مش هقدر اجى خالص
مزنوق اوى فى الشغل
على فكرة فيين صبحى محدش شايه خالص
يارب يكون المانع خيييير
وحد يكلمه ويقوله ارجع عن الى فى دماغك
المثل بيقول اسال مجرب

**mohammedabdallh** · 07-08-2011 11:19 PM

طب ماشى علشان خاطر الراله الى فى المنتدى نشوفهم ونتعرف عليهم وده طبعا شرف ليا اتفقوا وظبطوا الليله وانا ان شاء الله معاكوا
هحاول باذن الله بس طبعا مش وعد
اما صبحى بقه ياسيدى سيبه يعشله يومين كبيرة شهر كمان وهتلاقيه قاعد على النت 28 ساعه فى 24 وبكره افكره بكرة نقعد جنب الحيطه ونسمع ال..........
بس انا زعلان مدعاش حد ليه وعمل موضوع كدا دى بقى كانت خبطه فى الجون تبقى مقابله من نوع خاص وفرحه فى نفس ذات الوقت
يلا الجايات اكتر
وكل سنه وانت طيب يا باشا

**M.Elgergawy** · 08-08-2011 11:08 AM

معاكوا بإذن الله سحور او فطار انا راااااااااااااااااشق ( مجوز من 7 سنين وداخل في ال8 )

**basemsaeed** · 08-08-2011 07:19 PM

انا معاكم ان شاء الله
لاني نفسي اتعرف على الناس الجميلة و المحترمة دي
بس بقترح يكون سحور و نتقابل بدري شوية
عشان لو فطار الوقت حيكون قصير اللي حنقعد فيه مع بعض
عشان اللي حيروح يصلي العشاء و التراويح
ايه رأيكم؟؟؟؟

**zazaza20002000** · 09-08-2011 02:54 AM

يا جماعه ارجوكم حد يساعدني عشان انا خلاص هتجنن من يومين اشتريت عربيه لانسر سوبر اكشن وانهارده بدورها واديتها الدي مش راضيه تمشي والإن عماله تنور وتطفي مشيت بها شويه كده ومفيش عزم خالص بعدين طفيتها وشغلتها تاني اشتغلت كويس وكل يوم الصبح تعمل معايا كده رحت لميكانيكي قالي عاوزه حساس هل الكلام ده مظبوط وايه الحساس ده رحت لواحد تاني قالي فيوزات المشكله التانيه ان وانا ماشي بسمع صوت نقر خفيف مستمر بيزيد مع السرعه زي ميكون فيه حاجه لزقت في الكوتش وبتحف في الرفرف الصوت ده بيظهر وانا ماشي على الدي ويروح لو مورتها رحت لميكانكي قالي عاوزه بلي فتيس فانا محتار وزعلان جدا وياريت لو حد حصلت معاه المشكله دي يقولي اعمل ايه أويدلني علي ميكاني موثوق فيه لو حتى في الصعيد وااااااااسف على خروجي عن الموضوع بس غصب عني

**prisoner** · 09-08-2011 09:39 AM

المشاركة الأصلية كتبت بواسطة محمد الجرجاوي

معاكوا بإذن الله سحور او فطار انا راااااااااااااااااشق ( مجوز من 7 سنين وداخل في ال8 ):m_yes[1]:

هههههههههههههههههههههههه ايوة بقى ايه الحمشنة دى ياعم ده انت لسه بدرى عليك ربنا يسعدك وتقول 80 ههههههههههههههههههههه زى الفل وعلى فكرة صبوحة جاى ولازم ان شاء الله تكون قريب المقابلة بس معلش لو مش هاينفع الجمعة اللى جاية علشان جايللى ضيوف طبعا مش هاينفع اعتذر وانزل انا لسة يادوب بقاللى 5 سنين بس لسة مقضيتش نص المدة ههههههههههههههههههههههههه هههههههه

**prisoner** · 09-08-2011 09:41 AM

المشاركة الأصلية كتبت بواسطة basemsaeed

انا معاكم ان شاء الله
لاني نفسي اتعرف على الناس الجميلة و المحترمة دي
بس بقترح يكون سحور و نتقابل بدري شوية
عشان لو فطار الوقت حيكون قصير اللي حنقعد فيه مع بعض
عشان اللي حيروح يصلي العشاء و التراويح
ايه رأيكم؟؟؟؟

بالظبط كده ان شاء الله هوة ده الاتجاه والصح من وجهة نظرى واحنا يزيدنا شرف نتعرف على الناس الحلوة

-

الموضوع: مقابلة سريعة لرجالة ميتسوبيشى فى الشهر الكريم

LinkBack

أدوات الموضوع

عرض

مقابلة سريعة لرجالة ميتسوبيشى فى الشهر الكريم - انشر الموضوع فى :

-

-

-

-

-

-

المواضيع المتشابهه

مقابلة الوداع ( مقابلة سريعة ضرورية )

ماذا سنفعل في الشهر الكريم

أخر ايام الشهر الكريم

للأسف حدث فى تانى يوم من الشهر الكريم

الكلمات الدلالية لهذا الموضوع

المفضلات

المفضلات

ضوابط المشاركة